復活節假期周末有咩做？ 18區日夜都繽紛活動一覽：花深市集、龍城美食潑水「泰」繽紛陸續有來

嚟緊復活節，「18區日夜都繽紛」繼續為市民預備精彩節目，同大家歡度假期。

民青局在社交平台發文預告，復活節假期期間，將推出花深市集2.0，現場除咗有一大片花海，仲會有大型花藝打卡裝置、特色攤檔、充氣城堡等，啱晒一家大細一齊參與。

每年4月都係泰國新年，4月12日至14日，有「小曼谷」之稱嘅九龍城區就會舉辦「龍城美食潑水『泰』繽紛」嘉年華，融合泰國文化，舉行一系列泰式主題活動，想感受泰國潑水節文化的市民，要記得mark實時間。

若是鍾意睇表演、行展覽、食下嘢，充滿文化氣息的市民，就千祈唔好錯過屯門文娛廣場同葵青戲棚的活動。

為帶動地區經濟，香港18區1月至5月舉辦連串活動，以「日夜都繽紛」為主題，集中展示各區的獨特文化特色和傳統，同時為市民和遊客帶來豐富多元的節日體驗，增強節日氣氛並刺激消費活動。

近期18區日夜都繽紛活動一覽：

「花深時節」—花深巿集2.0
地點：深水埗深旺道
日期：3月30日至4月7日(星期六至日)

龍城美食潑水「泰」繽紛
地點：九龍城賈炳達道公園及城南道
日期：4月12日至14日(星期五至日)

夜屯園
地點：屯門文娛廣場
日期：4月12日至14日(星期五至日)

葵青戲棚
地點：青衣體育會球場
日期：4月12日至14日(星期五至日)

Sebastian

** 博客文章文責自負,不代表本公司立場 **

電動車品牌MG在香港大舉擴張，今年計劃加開5個展銷廳。其中之一的九龍灣大型展銷廳今日開幕。

MG九龍灣宏光道億京中心展銷廳開幕。

開幕禮上，MG總代理富利堡老闆黃毅力向Sebastian透露，佢舊年去倫敦與MG及上汽集團的高層開會，最後商定今年大幅擴大在香港的推廣，要開5間展銷廳。

富利堡集團主席黃毅力。

由於內地有10個電動車品牌會在香港混戰，做展銷廳的黃金地段都十分搶手。黃毅力就馬上同億京集團聯絡，最終鎖定九龍灣宏光道1號億京中心的大地鋪租約，喺嗰度開展銷廳。

MG Cyber Star 跑車。

面對競爭激烈的電動車市場，黃毅力點諗？佢就話唔怕競爭，反而認為競爭愈多愈好。佢亦都唔怕「減價戰」，因為競爭唔係淨係減價錢，亦要講產品質素及售後服務。

另外，MG即將推出M9電動七人車，黃毅力估計呢架車會有良好的銷路，因為電動車同普通油車唔同，油車停車要熄匙，而電動車停車就不用熄匙熄冷氣，適合經常喺車內等候的人，例如家長平日去接載小朋友相當方便。

MG即將推出的M9電動七人車。

M9七人車內籠相當寛敞。

現場就有一位大老闆，出席開幕禮之後就講起，好有興趣買返一批七人車，話一架車一個月可以慳返3000蚊以上的油錢，一年就節省3-4萬，車越多慳得越多，條數好襟計。