劉俊謙亦表示幾欣賞雲浩影,更大讚:「佢把聲有種清泉嘅感覺,當時歌唱比賽聽已經覺得呢個女仔係清泉。」
雲浩影(Cloud)新歌《慢性分手》MV由去年金像獎最佳剪接李謙明執導,更邀請港台兩地炙手可熱的劉俊謙擔任男主角,故事以一張梳化見證他們由熱戀到分手。最初他們開展同居生活,合力將梳化搬入屋,非常合拍,劉俊謙躺在Cloud大髀上的枕頭溫馨細語、拖手仔一齊聽音樂、在露台打情罵俏、互相偷拍對方生活照等,四周瀰漫著浪漫氣氛。之後感情轉淡,甚至決定分手,火燒梳化以結束關係,他們看著愛情灰飛煙滅,Cloud心痛得泣不成聲。
點擊看圖輯
雲浩影新歌《慢性分手》MV邀請港台兩地炙手可熱的劉俊謙擔任男主角。
二人合力將象徵愛情的梳化搬走,路上明顯非常不協調。
雖然MV結局非常傷感,但Cloud被劉俊謙的笑話氹得笑逐顏開。
劉俊謙指當年Cloud參加歌唱比賽時,全家人都一齊睇。
雲浩影新歌《慢性分手》MV邀請港台兩地炙手可熱的劉俊謙擔任男主角。
故事以一張梳化見證他們由熱戀到分手。
劉俊謙躺在Cloud大髀上的枕頭溫馨細語。
互相偷拍對方
之後感情轉淡,決定分手,火燒梳化以結束關係。
他們合力將象徵愛情的梳化搬走,路上明顯非常不協調,一個快一個慢,一個行一個停,甚至輪流發脾氣。但最後看著火光,愛情化為灰燼,他們都非常傷心。劉俊謙說:「呢對情侶要結束關係,梳化似係一個比喻,將大家嘅東西拖去燒咗佢,一齊搬,好辛苦、好吃力,有一方繼續想搬,有一方好攰唔想搬,拖拖拉拉,比喻情侶難免步入呢個關係。」Cloud說:「梳化喺呢個MV好有象徵意義嘅角色,兩個人搬入新居時傾吓張梳化擺喺邊,然後喺梳化上發生好多甜蜜溫馨嘅回憶,到最尾決定用唔到要丟咗佢,都象徵一段關係唔同嘅階段。搬梳化嘅過程會見到男女雙方步伐不一致、鬥氣、互相不體諒等狀況。」
二人合力將象徵愛情的梳化搬走,路上明顯非常不協調。
最後看著火光,愛情化為灰燼。
Cloud更心痛得泣不成聲。
Cloud更心痛得泣不成聲。
二人都非常傷心。
雖然MV結局非常傷感,但Cloud被型男劉俊謙的笑話氹得笑逐顏開,她說:「《慢性分手》呢首歌講述一對長期戀愛嘅男女,關係慢慢走到結束,比較傷感嘅MV,但因為有劉俊謙參與就變得唔係咁傷感。」點解呢?劉俊謙笑說:「本身我同Cloud唔係好熟,拍攝時諗住打開話匣子,講咗好多唔係幾好笑嘅笑話⋯⋯」Cloud立即安慰說:「其實都幾好笑嘅,大家都笑得出,同事仲叫我做好表情管理添!」續說:「阿謙好Nice好親切,最初我有少少緊張同埋怕羞,但佢好主動令到氣氛都冇咁尷尬,所以拍攝順利。」
雖然MV結局非常傷感,但Cloud被劉俊謙的笑話氹得笑逐顏開。
Cloud又大讚劉俊謙好Nice好親切。
令Cloud最開心的相信是劉俊謙踢爆父母是「迷雲黨」(Cloud歌迷暱稱),他說:「我爸爸媽媽好鍾意佢,當年歌唱比賽嘅時候,我哋全家人一齊睇佢唱歌。」Cloud受寵若驚,連聲多謝。他說:「我好耐冇喺香港拍MV,好榮幸可以參與拍攝,我自己都幾欣賞Cloud,佢把聲有種清泉嘅感覺,當時歌唱比賽聽已經覺得呢個女仔係清泉。」被當面稱讚,Cloud坦言尷尬。「劉俊謙好紳士、好體貼、好靚仔,拍攝時我都忍唔住同佢講:你真係好靚仔!不過,大家有無留意其實佢把聲好好聽呀!」
劉俊謙踢爆父母是「迷雲黨」。
劉俊謙指當年Cloud參加歌唱比賽時,全家人都一齊睇。
之前Cloud《回憶半分鐘》MV邀請日本靚仔合作,今次《慢性分手》MV有香港靚仔劉俊謙,下次Cloud想與哪個地方的靚仔合作MV呢?她想了一想,說:「法國,其實想同法國靚仔合作之外,最想去法國拍好浪漫嘅MV,話唔定會有啲犀利嘅嘢出現。」
觀看相關影片按連結:https://youtu.be/VHt8upfvSQ8?si=hzOokDVxFyLbou2W
《九龍城寨之圍城》代表香港出戰奧斯卡
「香港電影製片家協會」按照「美國電影學院」角逐「奧斯卡最佳國際劇情片」之選片準則,決定推薦由鄭保瑞導演執導,莊澄、葉偉信監製,古天樂、林峯、劉俊謙、伍允龍、胡子彤、張文傑主演,寰亞電影製作有限公司、無限動力實業有限公司、天下一電影製作有限公司、銀都機構有限公司、聯瑞(上海)影業有限公司、浙江橫店影業有限公司出品,上海淘票票影視文化有限公司、浙江聯瑞木馬文化傳媒有限公司、北京微夢創科網絡技術有限公司、江蘇省電影集團有 限公司聯合出品之電影《九龍城寨之圍城》,代表香港角逐「第97屆奧斯卡金像獎最佳國際劇情片。」
電影《九龍城寨之圍城》 代表香港提名角逐,第97屆奧斯卡金像獎「 最佳國際劇情片」 。
主創團隊興奮回應。
導演鄭保瑞表示好榮幸﹗
導演鄭保瑞及多位主演收到好消息,表示歡迎並有以下回應:
導演鄭保瑞回應:「好開心,好榮幸﹗」
古天樂回應:「好開心,電影《九龍城寨之圍城》,代表香港角逐『第 97 屆奧斯卡金像 獎最佳國際劇情片』,覺得好榮幸,我第一次憑香港電影入圍奧斯卡,可以將香港嘅武術同情懷帶到去全世界,讓更多人了解香港電影,同時間可以帶領新一代演員邁向國際,感到非常興奮。」
林峯回應:「多謝各界對《九龍城寨之圍城》嘅欣賞,仲有機會走進奧斯卡,呢齣電影係整個團隊嘅努力,榮幸能夠參與。」
劉俊謙回應:「聽到《九龍城寨之圍城》能夠有機會代表香港電影去到奧斯卡參賽,感恩觀眾對呢部電影嘅支持,亦都好榮幸有份參與。不管結果如何,團隊上下一心的努力,今天的成績已經是對我們最大的的肯定。」
伍允龍回應:「第一個反應好驚喜同興奮,估唔到自己喺美國睇香港功夫片長大,兜返一個圈,估唔到自己有份參演嘅香港功夫電影會喺奧斯卡出現,非常感謝《九龍城寨之圍城》團隊嘅付出。」
胡子彤回應:「非常有幸參與《九龍城寨之圍城》演出,亦非常榮幸得到這個機會角逐奧斯卡,無論角逐成功與否,都是對團隊一個肯定。希望今次有機會角逐奧斯卡的事情,令到本地電影業界更有動力做好香港電影。」
張文傑回應:「《九龍城寨之圍城》代表香港角逐『奧斯卡最佳國際劇情片』,好榮幸同開心,係團隊努力成果,希望透過今次讓更多人喜歡香港電影,香港動作電影。」
古天樂指第一次憑香港電影入圍奧斯卡,可以將香港的武術同情懷帶到去全世界,讓更多人了解香港電影,覺得好榮幸。
林峯多謝各界對《九龍城寨之圍城》的欣賞。
電影《九龍城寨之圍城》有口皆碑掀起全城熱話,帶挈一眾演員人氣急升!