無綫深夜兩度閃出靈異畫面嚇壞觀眾 網驚呼：以為自己「撞邪」！

無綫9日晚約11時15分，有不少電視觀眾在討論區指，見到在翡翠台播出J2節目《玲玲有情報》預告片後出現靈異畫面，極之恐佈，有人更稱嚇到成晚會睡不着！

《玲玲有情報》預告片畫面出現怪異，之後就出現了恐怖的影像。(討論區圖片)

不少網民見到 異口同聲話被嚇親！

有網民在討論區開PO，問到「TVB啱啱播左個好恐怖唧廣告，係唔係得我一個睇到？」他又指畫面見到一個鞦韆，接着傳來一把女子的叫聲，約2至5秒，他完全被「嚇一嚇」！帖文一出，即有很多網民回應同樣見到，不少人都話被嚇親，有人甚至以為自己「撞邪」，不過有網民就被激嬲直言「係咪應該報番東張西望，要求賠償睇心理醫生錢」、「要向廣播局投訴」。

討論區圖片

討論區圖片

討論區圖片

討論區圖片

討論區圖片

凌晨再閃出靈異畫面「工廈電梯版」

接着於同日接近零時零分時刻，有網民發現翡翠台再度出現靈異畫面，鏡頭影住一個工廈電梯，入面的燈光不停閃，其後彈出人影，恐佈程度拍得上「鞦韆版」，有網民稱其家人見到之後嚇到大叫，「啱啱我去緊廁所，我老婆大叫」，甚至有人表示「嚇到我今晚訓唔著」、有網民覺得最恐佈的是「本身玲玲友情報個廣告突然間花晒跟住就變咗嗰段片」。

示意圖。《愛回家》劇照

有網民CAP低其中一個工廈電梯片的恐怖影片畫面。(討論區圖片)

討論區圖片

討論區圖片

討論區圖片

網民：對麥玲玲產生恐懼

之後有網民討論影片出現的原因，猜測可能梁思浩將會主持靈異版《東張西望》，於是無綫有新的宣傳手法，亦有人認為J2台與85台將合併，有員工不滿專登嚇走觀眾而加插恐佈影片，不過有人就稱對麥玲玲產生恐懼。

大埔老翁疑偷豬肉斷正，被店員攔截，他為求脫身即施展「碰瓷式」跌倒引公憤。有街坊認出是「慣犯」。

(FB影片截圖）

老翁偷豬肉，當場斷正

有網民於Facebook群組「大埔 TAI PO」上載影片，並表示「路過大埔墟佳寶門口豬肉檔，唔知發生咩事？有人話偷肉唔畀錢⋯」影片顯示，大埔墟佳寶門前有一名戴口罩及拉著手推車的老翁，疑似於豬肉檔偷肉後被發現，於是落荒而逃，一名年青及一名年長的店員即上前阻止。

(FB影片截圖）

店員以手推撞，老翁「碰瓷式」倒地

年長店員疑似正在報警，一邊打電話一邊攔著老翁。年青店員則用手推撞老翁，阻止其離開，老翁退後幾步又想逃離，年青店員再以手推撞，老翁即以「碰瓷式」姿勢慢慢倒地。老翁坐在地上作狀受傷，兩店員不知所措，路人疑勸不要硬碰「豬肉佬見佢跌坐，唔敢再接觸佢」，二人於是返回店內。老翁即乘機站起來，快步離開。

(FB影片截圖）

街坊認出是「慣犯」，但有網民批評店員出手不妥

影片曝光後，有街坊認出涉事老翁，指他是慣犯「又係呢個阿叔，之前佢早上六點喺佳寶旁邊偷香蕉」；有網民則批評店員出手推撞的行為「唔使郁手郁腳啊」、「唔使郁手郁腳啊。冇人有頭髮要做癩痢頭」、「咁多cctv報警啦，出手推人，阿叔一陣後腦落地死咗，坐監唔係阿叔」。

(FB影片截圖）

兩派網民意見分歧

有網民表示「唔係咩大件事，就原諒個阿伯啦。都咁老啦，當做下好心啦」，此留言一出，即引來其他網民反擊「發神經，老人家大哂？」、「咁你做吓好心好無，派啲物資比老人家啦...」、「香港地好多恃老賣老」、「個個唔洗返工去偷野就得啦」、「可以去乞，可以問人攞，但唔係去偷，如果好似你咁教下一代就死得」。

帖文來源：Facebook群組「大埔 TAI PO」