廣州開show前自己充滿懷疑 許靖韻見滿座燈海即感動落淚

許靖韻今次廣州開show更由頭喊到尾！

許靖韻（Angela）2024巡迴音樂會第一場日前在廣州中山紀念堂舉行，全場爆滿。Angela全晚唱出27首歌，當中7首歌以鋼琴、木結他及電結他自彈自唱，施展混身解數落力演出。

Angela第一場2024巡迴音樂會日前在廣州中山紀念堂舉行。

這次Angela高度參與了整個音樂會的構思，開場第一首歌《K歌之王》便以鋼琴自彈自唱，演唱不久便哽咽起來，原來開場前Angela回憶起開show前種種對自己的懷疑，「啱啱討論好rundown時自己對自己充滿懷疑，就係靠住大家嘅信念，去啦！練啦！又驚rundown悶怕失望怕冇人想睇。」各種問號和自我審查，直到上台的第一眼，看到滿座的燈海，便忍不住在第一首歌就哭了出來！

開場以鋼琴自彈自唱第一首歌《K歌之王》。

除此之外，Angela同時又回想起早年參加女團選秀節目《創造101》的畫面，「我平時係極少喊，做show都好少喊，都唔知做咩今晚，但係我今晚唱呢首歌嘅時候，諗番起其實呢首歌俾咗好多嘢我。」

Angela回想起早年參加女團選秀節目《創造101》的畫面。

去到演唱會第二部份，Angela拿着木結他自彈自唱時，再次憶起一路以來的奮鬥歷程，終於忍不住在台上爆喊。Angela表示這支mini木結他是她人生第一支買的結他，多年來一直陪伴着她，走過街頭busking、casting、上過不同舞台演出，「好耐之前，我直情孭咗佢返嚟廣州casting，所以今晚我會覺得，好想再彈呢一支木結他。」

Angela拿木結他自彈自唱時，再次憶起一路以來的奮鬥歷程。

再忍不住在台上爆喊。

Angela坦言準備這個show期間十分緊張，中途又遇到很多挫折，被失望及沮喪的情緒包圍，「我唔知你哋而家會唔會都有經歷緊一個咁樣嘅階段，雖然我而家喊緊，但希望你哋今晚睇完呢個show可以帶到正能量俾你哋，因為我覺得就算你而家唔係主角，但係你哋都可以成為主角，因為你哋每一個都係主角。」

Angela坦言準備這個show期間十分緊張。

中途又遇到很多挫折，更被失望及沮喪的情緒包圍。

隨後Angela又分享開show前遇上一件窩心小故事，「早幾日去做宣傳嘅時候，我去咗地鐵站打卡，見到個妹妹，佢見到我好驚訝，佢好似認得我，但係佢又冇講嘢，我同事好好，問佢：『你駛唔駛影相？』佢話因為返學冇帶電話，我話唔緊要，佢就喺書包拎咗張我嘅即影即有相出嚟，佢竟然帶住返學！我覺得：『嘩！好sweet。』佢擺咗喺書包，話冇諗過今日會見到我。」原來小妺妺當日去了中山紀念堂，想感受一下這個場地、預想開show時的氣氛，「因為嚟唔到睇我嘅show，同埋佢想去買一啲我嘅應援物，因為佢覺得好靚。我覺得好窩心亦都好感動，我唔知佢今晚喺唔喺度，我希望佢大個之後可以嚟到睇我嘅音樂會，我亦都繼繼唱緊歌嘅話。」全場隨即報以熱烈掌聲。音樂會結束後，粉絲好評如潮，希望盡快公佈下一站巡迴音樂會的地點。

Angela又分享了開show前遇上一件窩心小故事。

全場大合照

Angela驚喜又感動！

許靖韻(Angela)、洪助昇(Aiden)、張天穎(Jaime) @Beanies昨日（5月8日）齊齊現身新城廣播，接受T.MAX主持的《Gen Z》節目之「Z世代咪高峰會」環節訪問，本來已經十分熱鬧的訪問，知訊台台長程凱欣(Karen) 在節目中途突然捧著生日蛋糕走入直播室，送上蛋糕補祝許靖韻5月5日生日，Angela被Karen的窩心，驚喜又感動！

許靖韻、洪助昇、張天穎接受T.MAX主持「Z世代咪高峰會」訪問。

左起：張天穎、洪助昇、許靖韻

Angela笑言生日願望好簡單：「希望所有人都發達，同埋希望巡演順利！」洪助昇及Jaime更乘機向Angela自薦擔任表演嘉賓，Angela豪爽答應，不過就要求兩人歌酬收平啲，Jaime即謂：「免費唱都得！」

許靖韻

洪助昇

張天穎

洪助昇談到最近推出的新歌「你不是我的岸」花了10個月時間籌備及製作，感覺得似十月懷胎，更笑問Angela及Jaime兩人的新歌「懷胎」幾多個月？Angela表示兩年幾，平時習慣儲起好多歌留作挑選；而Jaime也謂「懷胎」足足兩年，洪助昇聽完即目瞪口呆說：「嘩，兩位仲耐過我。」

新城知訊台台長程凱欣窩心送驚喜。

節目中途秘密送上蛋糕補祝Angela生日。

Angela笑言生日願望好簡單：「希望所有人都發達，同埋希望巡演順利！」