何超欣孖阿嫂奚夢瑤齊撇甩何猷君 姊妹檔搵甘比學鈎織

何超欣與阿嫂奚夢瑤近日一同撇甩何猷君，姑嫂一齊甘比的鈎織工作坊學鈎織，並分別親手鈎織了一個七彩包包。

已故賭王何鴻燊的四房子女感情一向很好，24歲的細女何超欣更與哥哥何猷君（Mario）的內地超模太太奚夢瑤雖然與阿嫂奚夢瑤年紀相差10年，但姑嫂感情好到似親姊妹，經常與哥嫂孖住去玩、睇騷、赴上流宴會等，近日二人就撇甩何猷君，姑嫂一齊到「甘比」陳凱韻的鈎織工作坊學鈎織，並分別親手鈎織了一個七彩包包。

何超欣與哥哥何猷君及太太奚夢瑤去年曾一同到卡塔爾觀看世界盃。

兩姑嫂宛如姊妹。

又曾一同參加宴會。

早前又去了杜拜睇賽車。

感情非常好！

何超欣與阿嫂奚夢瑤日前一同去跟甘比學鈎織。

分別親手鈎織了一個七彩包包。

分別親手鈎織了一個七彩包包。

甘比讚何超欣是可愛的女model。

何超欣與奚夢瑤分享在社交平台分享學鈎織的花絮，並分別留言：「又做手工啦，針織欣欣的一天。自己動手做包包太好玩啦」、「針織真的很好玩」，相中可見二人樂在其中，全程笑容滿，並在甘比的耐心指導下順利完成作品，期間甘比15歲大女劉秀樺（Josephine）都有現身，更與兩姑嫂自拍，Josephine最後更向何超欣送上親手織的藍色花花包包。

甘比耐心指導。

專心鈎織！

何超欣好滿意成品。

甘比15歲大女劉秀樺（Josephine）都在場。

三人齊齊Selfie。

Josephine向何超欣送上親手織的藍色花花包包。

富商「大劉」劉鑾雄的太太「甘比」陳凱韻雖然貴為香港女首富，但基層出身的她一向貼地，最近迷上鈎織，會親手鈎織包包、毛衣、飾品等，而且手藝相當好，除了將手藝傳授給兩個囡囡，她更在銅鑼灣開設鈎織工作坊，令鈎織成為不少城中名人及圈中人的新玩兒，唐詩詠、黎姿、鍾嘉欣、江美儀及馬天佑等都曾跟甘比學鈎織。

甘比熱愛鈎織。

兩個囡囡都學了媽媽的好手藝。

5歲細女劉秀兒（Josie）織得有板有眼。

更與志同道合的朋友在銅鑼灣開設鈎織工作坊。

唐詩詠

黎姿

鍾嘉欣

江美儀

馬天佑

甘比透露鈎織工作室內好多「屎形」精品是同鄭秀文有關！

混血肥仔（曾達恩）主理的多媒體頻道BBO（Black Box Office）繼早前請來古天樂（古仔）作客旅遊真人騷《尋泰記》，最近再邀請另一重量級嘉賓亮相訪談節目《地球人生活指南》，她便是香港女首富甘比（陳凱韻）！節目中，甘比讓混血肥仔先後踩入她銅鑼灣的鈎織工作室和門市「搞搞震」，不但親自傳授鈎織技巧，更分享了有關經營小店的窩心點滴。

甘比亮相BBO節目《地球人生活指南》擔任嘉賓。

觀看相關影片按連結：https://youtu.be/Etn5K2ZCXso?si=iXiiN-JJgtLJCv87

甫到達工作室，混血肥仔就發現裏面有大量可愛鈎織擺設，當中更有不少是「屎形」精品，甘比向一臉好奇的混血肥仔解畫：「嚿屎其實有段古，我好朋友，其實係Sammi（鄭秀文），叫我織嚿屎就大受歡迎！其實屎喺日文叫『unko』，同好運發音好似，日本年青人好鍾意做一個屎形狀嘅手勢，其實係祝福嚟。」

工作室裏面有大量可愛鈎織擺設，原來同Sammi有關。

除了有趣擺設之外，工作室亦有不少加上「Handmade By Kimbee」小牌的鈎織手袋，混血肥仔一度以為它們售價不菲，但一睇價錢牌即忍不住說「比我想像中平好多喎」，甘比分享箇中原因：「開頭開鋪頭嘅時候，啲同事就成日話『唔得㗎，你織要賣貴啲』，我成日都好同佢哋好爭拗嘅，我就覺得大家都織到嘅，就一定要同大家一樣嘅價錢。」

混血肥仔發現甘比親手製作的鈎織袋定價比想像中便宜。

甘比在工作室身兼多職，既是老闆，又是買手，更是其中一位導師，自言以前性急的她就指自己現在是名有耐性的導師：「好急，好急，好鍾意好急，但係我放慢咗喇，其實我除咗自己急之外，我曾經覺得自己迫害其他人，逼到其他人都好急，但係有一刻我醒咗喇，我就覺得如果我追嗰個人，我追佢嘅時候可能只係快三分鐘啫，咁我就唔好逼佢喇。」而她教授混血肥仔鈎織的過程中除了盡顯耐心一面，還展示了充滿愛心的一面，邊教邊向對方派「心靈雞湯」：「做人要識轉彎，要轉膊」、「每個人都好有創意，你唔好以為自己嗰個好核突」。

甘比用心教混血肥仔鈎織。

邊教邊派「心靈雞湯」。

混血肥仔用心織袋。

教授期間亦有不少搞笑對答，例如混血肥仔發現自己織出來的洞比正常大後，甘比向他解答原因：「因為你手鬆，我哋手緊啲，咁我唔問你借錢好冇？」引來混血肥仔回應：「都好難喇！」搞到兩人忍俊不禁。

混血肥仔學鈎織過程搞笑。

問到學習鈎織的原因，甘比坦言與兒子劉仲學有關：「疫情咪online school嘅，我冇嘢做咪拎兩支嘢咁織，無端端我個仔有一日就話『媽媽，我呢要兩嚿嘢』，我心諗『死喇，呢個唔係織，係鈎喎』，咁我就唔知點算好，跟住終於搵到有賣呢類毛冷嘅地方，但係就唔明點樣鈎，問嗰個阿姐可唔可以教我，佢話『唔得，我唔可以教你』，我直情想喊，後尾咪自己上網同搵人教睇圖再自己學囉。」

甘比分享學習鈎織的原因。

另外，甘比也有分享一件教班的難忘事：「有個媽媽嚟上堂，我就多口問佢嘢，佢話佢織畀個女，我問佢『得一個女呀？』，佢就無端喊晒口同我講，『唔係呀，兩個女』，『咁你織埋畀細女』，跟住佢就細細聲做口形話『佢唔喺度，佢走咗』，佢喺度喊，我又忍住喊。佢走嗰時我就攬住佢，拍拍佢，我就送咗啲嘢畀佢個女，因為佢第一次織唔係咁靚，我就將我嗰個畀埋佢。」

甘比分享了不少經營小店的窩心點滴。

拜訪完工作室，混血肥仔都有落到門市觀摩，過程中甘比透露門市朝早10點開門，是想一班媽媽能夠在送完子女返學後有機會排解情緒，以及建立存在感：「我以前係阿嫲湊大，我就喺屋企見到我阿嫲㗎咋，佢一係就送我返學，一係就去街市買餸，冇喺其他地方帶見過佢，因為佢好忙，所以其實好多婦女係冇存在感，佢嘅存在感就係源自於家庭，但係如果你有一個地方畀佢hea、畀佢做嘢，咁咪好好囉。」混血肥仔聞言之後直呼感同身受，想起了長輩背後的犧牲：「因為我都係嫲嫲湊大！」

混血肥仔到甘比鈎織店門市參觀。

甘比透露門市朝早10點開門是想一班媽媽能夠在送完子女返學後，有機會排解情緒及建立存在感。