Skip to Content Facebook Feature Image

買到亞視都未必咁易用到山頭發射站

政事

買到亞視都未必咁易用到山頭發射站
政事

政事

買到亞視都未必咁易用到山頭發射站

2015年03月31日 21:34 最後更新:21:44

亞視六點新聞突然宣布,公司接到股東黃炳均及主要投資者王征通知,決定接受香港電視主席王維基的主要條件,出售亞視控股權。仲話黃炳均及王征將豁免亞視所欠大部分債務,而有關交易尚需得到法庭同意,及報通訊局批准。

呢單新聞都算爆,令亞視又再成為熱話。到寫稿呢一刻,港視仲未有回應。

有電視業界高人就話,事態發展都幾有趣,維基哥買亞視唔知條數係咪已經計清楚,之前通訊局已經建議唔續牌俾亞視,又搞咗咁多單欠薪事件,係咪一換老闆,政府就即刻轉態呢?

業界知情者話仲有條大數,唔知維基哥有冇預到,之前幾個月亞視鬧出糧荒,個個月係咁拖糧,後來搞吓搞吓又出到糧,背後無綫都有發功,除咗向亞視買咗700套黑白粵語長片同幾千小時的劇集(主要係當年受歡迎的武俠片)外,仲買埋亞視唔少儀器同器材,聞說過去幾個月,計計埋埋亞視都有成幾千萬收入係來自賣嘢俾無綫。

其中最值得注意係,亞視賣的資產中,原來包括依家用作轉播同發射訊號的多個山頭上的器材,例如天線、發射器。當年轉用數碼廣播,政府在山頭借啲土地出來,俾兩間免費電視台起發射塔,無綫同亞視有協議,各自負責在不同的山頭上起發射站兼提供埋器材,然後共用所有發射站來做轉播,起的時候亞視已拖欠資金,無綫為咗快啲可以用,已經借咗約2000萬俾亞視。最近幾個月因為亞視缺水,原來已經將呢啲山頭上的儀器賣咗俾無綫以換錢出糧。

業界高人估計,以無綫同維基哥的恩怨,維基如果真係買亞視,無綫都好大機會即係叫還債,呢啲都事小,有錢可以解決。但山頭儀器賣咗俾無綫就濕滯啦,依家無事無幹,無綫就俾亞視繼續用山頭上的器材作廣播。如果轉手俾維基哥,幾乎肯定無綫會即刻同你計清楚。就好似之前都試過維基哥買咗中移動子公司的流動電視牌,無綫即刻出信話中止之前租用山頭轉發站的合約,再慢慢傾過條件啦。

淨係呢關,維基哥都可能好頭痕,無呢啲山頭做發射站,都唔知點廣播,但依家山頭上的儀器已經賣晒俾對手,有排拆招啦。所以維基哥如果真係落實買亞視,前景都唔係咁清楚,小股民想入市博佢炒上,都係小心啲喎。




Ariel

** 博客文章文責自負,不代表本公司立場 **

無綫公布上周(24日至30日)收視,根據CSM媒介研究及YOUBORA收視資料數據顯示,翡翠台周一至周五黃金時段節目收視全面上升。由文偉鴻監製、陳山聰、張振朗、劉佩玥、劉穎鏇演出劇集《大灣區航空亞洲航線呈獻:奪命提示》第二周播出延續升勢,跨平台直播收視最高21.7點(140萬觀眾),升0.3點,成績令人滿意;資訊節目《東張西望》最高收視23.7點(154萬觀眾),升0.7點,續踞上周收視榜首。

《奪命提示》

《奪命提示》

《東張西望》

《東張西望》

處境劇《愛‧回家之開心速遞》最高收視21點(136萬觀眾),升0.7點;外購劇《大奉打更人》最高收視16.3點(106萬觀眾),升0.5點;由羅家英、馮盈盈、關楓馨主持,介紹粵式飲茶文化節目《中國建設銀行(亞洲)呈獻:飲茶》上周首播,最高收視13.6點(88萬觀眾),升0.5點。

《愛‧回家之開心速遞》

《愛‧回家之開心速遞》

《大奉打更人》

《大奉打更人》

《飲茶》

《飲茶》

周六晚《中國建設銀行(亞洲)呈獻:聲生不息.大灣區季》播出最後一集。特邀嘉賓郭富城壓軸登場,最高收視16.8點(109萬觀眾);周日晚播映《香港何濟公止痛退熱散呈獻︰中年好聲音3》14強淘汰賽上半場,最高收視21.3點(138萬觀眾);由阮兆祥、梅小惠、江欣燕主持《友乜唔講得》,昨晚嘉賓陶大宇論盡娛圈逸事,最高收視15.7點(102萬觀眾)。

《聲生不息.大灣區季》

《聲生不息.大灣區季》

《中年好聲音3》

《中年好聲音3》

《友乜唔講得》

《友乜唔講得》

你 或 有 興 趣 的 文 章
熱 · 門 · 榜