一個20年老友打電話來，話有啲錢想投資，乜都貴，但黃金好似仲幾平，2011年前高位1920美元一安士，而家1349美元(佢明顯做過功課)，樣樣都創新高，佢距離高位仲有30%，邊度有得輸？
直到佢講最後一句「邊度有得輸?」之前，我都覺佢講得頭頭是道，但聽埋呢句我就覺得有啲問題。
我就話無嘢買落去一定唔輸，投資前第一個要諗的問題，唔係會贏幾多，而係會輸幾多，要預咗睇錯咗輸起上來，要自己受得起至好。
我自己都睇好黃金，認為可以等佢回吐時慢慢吸，到美國今年加一次息明朗化時，更大力啲吸，但要設想買完之後輸的情況：
第一，美元不斷走強。我經常覺得，主導黃金走勢主要是美元，而不是實金的使用需求，美元弱，黃金升，相反美元升，黃金跌。睇吓黃金同美元5年圖就知，兩者呈反向相關。未來睇好黃金，主要係睇淡美元長線升勢，認為美國即使12月再加一次息都有排加唔到，所以難阻黃金升勢。
黃金5年圖
美元指數5年圖
若美國只能有限加息的前題出錯，黃金就會不升反跌。所以若買咗金，或將會買金，要密切睇住美國經濟數據，要符合通脹上唔到、就業又唔會太強兩大條件，條件若大變，美國會連番加息，就要減倉。
第二，黃金無息變相有成本。黃金若相對無風險的港元存款，存定期只有0.5厘息，代價不太大。若然相對高息的房託，例如越秀房產基金(405)，差別就大。405現價4.94元，有6.3厘息，你等到佢回落到4.43元才買有7厘息。
若然長揸比較兩者，黃金無息收少了7厘一年，5年複式少了40.2%，即係話現價1349美元買金，5年後累升40.2%，到1888美元。這樣和買入在4.43元買入405，5年後佢股價唔升唔跌都係4.43元，但計及收息其實同揸金升4成一樣。這就是買無息東西的成本。即係話若然黃金唔係升咁多，買高息房託可能仲好。
結論唔係話黃金買唔過，只係想話俾大家聽買乜嘢都有風險。若想等回吐買金，可以黃金ETF，包括SPDR金ETF（2840）或價值黃金ETF（3081），這些基金價格則會緊貼金價走勢。
陸羽仁
** 博客文章文責自負,不代表本公司立場 **
近日港股回落，市場較多議論的是中國的救市措施，例如10萬億債務置換是否有效，但沒有留意拖低大市另一主要因素，就是美國減息前景開始變得暗淡。
近日美國通脹數字出現變化，由於二手車等數據顯示，物價將在10月回升，因此經濟學家上調了預測，把10月核心通脹率按月升幅調升至0.28%，結果本周三公布10月的實際數據也是按月升0.28%，完全符合預期，美國10月整體通脹率同比升2.58%，核心通脹率同比升3.3%，這種通脹數字令人擔憂。結果全球股市本周四出現「美元上升，一切皆跌」的現象，似乎為股市進一步下跌作出暗示，關鍵是聯儲局開始看淡減息前景。
美國聯儲局主席鮑威爾在本周四發表相對鷹派演講，說美國經濟未傳遞任何需要急於減息的訊號，較好的經濟狀況令聯儲局有較大能力在決策時謹慎行事，通脹率更接近聯儲局2%的長期目標，但尚未實現，聯儲局將致力完成這項使命。
市場演繹鮑威爾的演講有兩個重點，第一、由於通脹下降仍會出顛簸，即表明對通脹有擔憂，聯儲局不急於降息 ; 第二、鮑威爾直言，經濟未傳遞出須急於降息的訊息。此言論令市場調低對聯儲局減息的預期。鮑威爾發言後，很多交易員不再確信12月會降息，利率期貨反映降息可能性由之前一天的82%，大降至56%。
美國10年長債利息走高。
其實美國10年長債走勢，早已反映市場逐步看淡減息前景，美國10年期國債息率周四單日上升0.9%，升至4.46厘，距離4月高位4.739厘不遠，較9月低位3.605厘大幅向上，這種債息水平既顯示市場睇淡減息前景，也推動美元向上。美元向上，新興市場股市下跌，未來還有「特朗普恐慌」，特朗普若大加關稅，將推高美國通脹，令減息機會更渺茫，所以無論是債息上升或無利息的虛擬貨幣企硬，都顯示市場對特朗普可能帶來的衝擊的下注，在這環境之下，除非阿爺出手，否則港股還可能繼續尋底。
中移動年初至今走勢。
建設銀行年初至今走勢。
在這種尋底市中，派高息的國企大股比較硬淨，而內銀股比電訊股表現更強，跌幅更少。中移動(0941)近日試穿70元的水平，比10月高位77.35元回吐10%。而建行(0939)就從之前11月的3頂高位6.23元，回落5.6%，或許顯示阿爺最近的10萬億債務置換可盤活地方財政，銀行受惠較多。無論如何，大市要先搵到底，入市不用太急。
(陸羽仁《金融High Tea》專欄，逢周一至五，在「石榴台」獨家發布，歡迎您訂閲石榴台收睇)
