一名育有一名6歲女兒的男子因婚姻失敗，今年10月為了「箍煲」，獨留女兒一人在家，返回內地尋妻。社工家訪時揭發事件，失婚男早前承認虐兒罪，今在東區裁判法院被判感化12個月。
聲稱為照顧6歲女兒而辭去清潔工的失婚男，在今年10月為「箍煲」，返回內地向外父打探妻子下落，竟獨留女兒一人在家。社工家訪時，發現女童赤裸上身、只穿短褲獨留衛生環境惡劣的家中，更有輕微發燒。
溫紹明裁判官判刑時多次拍枱，怒斥被告「離晒譜」，質疑被告「咩腦筋既人會覺得揼低個女係屋企，個女可以照顧自己？你智商有問題呀？」
辯方律師求情時指，被告與太太已和好如初，今亦有現身法庭。溫官繼續斥責被告「搵老婆大晒？搵到個老婆番黎，個女死左點算？」報紙上亦不時可見獨留兒童在家而發生命案；又指「老婆走得一次可以走第二次！」溫官更語重心長地指被告兩夫妻亦有責任，「唔係好好諗住好好地對小朋友，做乜生佢出黎？諗住生佢出黎害佢架？」
溫官最後指，若被告再犯案「寧願擺你個女喺保良局，等佢有衫著好過俾你」。
