《香港先生選舉》周六（9月10日）在電視城舉行決賽，觀眾可以透過手機應用程式投票選出心水港男。本網記者率先找來最後十強訪問，到底他們覺得自己有何長處和短處？心目中最大競爭對手又是誰？
資料圖片
1. 鍾君揚（Freeyon）
點擊看圖輯
資料圖片
鍾君揚（資料圖片）
麥凱程（資料圖片）
梁裕恆（資料圖片）
黎振燁（資料圖片）
胡㻗（資料圖片）
馬俊傑（資料圖片）
楊灌澤（資料圖片）
伍禮騫（資料圖片）
丁子朗（資料圖片）
梁賢基（資料圖片）
年齡：27
職業：教師
鍾君揚（資料圖片）
優點：我覺得自己大方得睇，剛柔並重。我自己覺得言行舉止好重要，要做好榜樣先代表到香港。剛柔並重因為我準備緊唔同喺騷做嘅嘢，希望將唔同方面發揮出嚟。
缺點：休息得唔夠，自己有啲緊張，同埋都想做到最好出嚟。可能瞓少咗會影響表現，會注重休息多啲。
最大對手：我自己唔係好想諗其餘九個參賽者，我想同以前同依家嘅我自己鬥，唔想唔進步，不斷去進步更新自己，多啲嘢去挑戰自己，發揮得最好。
2. 麥凱程（Alex）
年齡：23
職業：畢業生
麥凱程（資料圖片）
優點：我喺外國返嚟，我啲廣東話有口音，會有啲新鮮感。
缺點：都會係廣東話，呢兩個月盡量學多啲廣東話，同成班兄弟（參賽者）傾多啲偈。我覺得有進步，希望遲啲繼續進步落去。
最大對手：都係自己，每個人都唔同，冇得比較。最緊要做好自己，我一定努力表現自己。
3. 梁裕恆（Flow）
年齡：31
職業：消防員（已辭職）
梁裕恆（資料圖片）
優點：我生活裡面不停令自己進步，我喺人生裡面已經準備得好好，外在同內在都會平均。
缺點：我係處女座，我覺得自己每方面都做得唔夠好，每方面都有得進步，外內都係。健身想收個比例再靚啲，內面我會繼續做好本份，本份永遠都唔會夠。
最大對手：我會揀自己，因為人生冇必要同人比較，只要今日嘅自己贏到噚日嘅自己，其實我覺得已經贏咗。
4. 黎振燁（Jackson）
年齡：30
職業：模特兒
黎振燁（資料圖片）
優點：我係咁多位參賽者裡面最高嗰個同埋膚色最黑嗰個，啲人覺得我好陽光，但其實我好有內涵，我偏向靜多過動，我鍾意睇書，睇電影，聽歌。我希望我一啲內涵嘢可以俾到觀眾睇。
缺點：當然有好多嘢改善，冇一個人係完美。我絕對同完美仲差好遠，但我每一樣嘢力臻完美。我相信我好多嘢都可以活躍啲、主動啲同埋外向啲。
最大對手：我相信係我自己，今次十位參賽者，十個都好平均，條件都好好，我挑戰咗自己先再挑戰佢哋。
5. 胡㻗（Fei）
年齡：22
職業：營運經理
胡㻗（資料圖片）
優點：我好陽光好正面，我自己好鍾意做運動，想帶正能量俾大家。
缺點：我好怕羞，但係都唔緊要，我會全力以赴。
最大對手：其實冇對手，我哋成班好似兄弟咁，我哋盡量做好個騷俾大家睇。冇諗過對手，由觀眾決定。
6. 馬俊傑（Linus）
年齡：26
職業：模特兒
馬俊傑（資料圖片）
優點：斯文嘅外表，同埋健康嘅體魄。
缺點：自己太懶惰，平時督促自己做多啲嘢，唔俾自己懶落去。
最大對手：Christian（楊灌澤），又靚仔跳舞又叻。
7. 楊灌澤（Christian）
年齡：19
職業：學生
楊灌澤（資料圖片）
優點：當然係跳舞，我對自己表現都好有信心，因為我平時習慣喺大型比賽喺好多觀眾面前表演。
缺點：我好誠實同埋容易信人。
最大對手：我覺得係Jeffery（梁賢基），因為佢都跳舞，但我哋跳唔同舞。
8. 伍禮騫（Thomas）
年齡：24
職業：模特兒
伍禮騫（資料圖片）
優點：我外表比較man，我性格其實好溫柔。如果鍾意外剛內柔嘅男人，我就一流。
缺點：我有時會比較懶，不過我好多時都好努力。
最大對手：我哋十個嘅質素都非常之高，一時間好難諗邊個係最大對手，最大對手暫時係自己，因為我自己仲有好多缺點，同埋好多進步空間，我會不斷挑戰自己，令自己成為一個真正嘅香港先生。
9. 丁子朗（Karl）
年齡：19
職業：學生
丁子朗（資料圖片）
優點：我嘅笑容夠年青，因為今年19歲，係最年青嘅參賽者，同埋佢哋（其他參賽者）話我笑得好大聲。
缺點：佢哋（其他參賽者）個個身型都好好，我都會努力啲Keep fit，令自己大隻啲。因為我覺得香港先生除咗要有內涵之外，身型都好緊要。依家每晚都狂做Sit-up同時又去做Gym，希望比賽當日大隻啲。
最大對手：冇話強敵，每個人都走唔同路線。我走青春文青嘅路線，好難講邊個係最大對手。
10. 梁賢基（Jeffrey）
年齡：21
職業：學生
梁賢基（資料圖片）
優點：我對才藝（表演）有信心，因為我由細到大都有打功夫，之後到韓國訓練舞蹈。
缺點：我做乜都想做到100%，所以呢個帶俾我有啲壓力，想做到最好。
最大對手：我係溫哥華嘅「型男家族」冠軍，所以係多倫多嘅「型男家族」冠軍Freeyon（鍾君揚）。
