This is a modal window.
HotTV
應屆港男亞軍丁子朗（Karl ）首次為無綫台慶擔任司儀，他坦言與一班前輩同台演出，緊張得要向有做主持經驗的陳凱琳（Grace）請教，以免失禮於人前。
丁子朗（本網記者攝）
Karl 今午於將軍澳電視城出席明晚舉行的《萬千星輝賀台慶》拜神儀式，他直言第一次做台慶節目很緊張：「企响我側邊全部前輩，驚自己講錯嘢做錯嘢。」他指每次背熟對白後，講稿又改，所以要加更努力。
丁子朗（左三）與一班港男及伍允龍出席台慶拜神儀式。（本網記者攝）
雖然司儀陣容一如以往有汪明荃（Liza姐）、陳百祥等「星級司儀」坐陣，但亦有與他年紀相近的Grace，問到會否向對方請教，Karl 說：「有。我上台之前係咁問佢未到我哋講嘢時應該企邊，驚會失禮。（有冇甩漏？）唔講啦！睇下聽日有冇甩。」他又透露Liza姐花了不少時間教導他要不斷增值自己。
陳凱琳（本網記者攝）
「腳柏妍」並非浪得虛名！
由文偉鴻Jazz監製、梁恩東及湯健萍編審的全新動作懸疑劇《大灣區航空亞洲航線呈獻：奪命提示》，逢周一至周五晚八點半翡翠台播映。主要演員有陳山聰、張振朗、劉佩玥、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等。
郭柏妍一出場即引發熱討。
留意吓Rosita個樣勁有童真。
可以同小朋友鬥可愛。
《奪命提示》昨晚（3月20日）一集有新個案展開，「鋸腳狂魔個案」隨著Big Boss黃子恆身亡正式落幕，郭柏飛（陳山聰飾）及姜姐（劉佩玥飾）再緊接著手調查兒童院兒童離奇失蹤事件，之前「喊出彩虹」的俊朗（張振朗飾）契女子瑜（鍾嘉佑飾）亦牽涉其中。事件起源是疑似患了夢遊的方予安（何珀廉飾），某日離奇失蹤，而涉嫌與事件有關的分別有娟姨（楊卓娜飾）、奕希（鄧智堅飾）、飾演保安的「御用壞人」程浩駿，以及飾演看護的曾文心…
Rosita為咗呢場戲專誠學魔術，好有誠意。
Rosita尋晚同丁丁玩直播，表情多多。
網民爭辯最新個案Big Boss誰屬
出名演技超卓的娜姐，在《奪命》的演出隨著早前反差值極高的老妝曝光而備受關注，而娜姐一出場，的確有不少網民未能第一眼認出本尊，有網民留言：「聯想唔到平時好索嘅樣」。而娜姐今次的演出亦沒有令大家失望，配合劇組精心選取的拍攝角度及光暗打造，娜姐每個大頭都突顯了角色的神經質、閃縮、詭異及恐怖感，每個神情都恍如演技教科書，加上娜姐經常袋著一大堆朱古力奶鬼鬼祟祟，劇情又講到她之前有個叫強仔的兒子，令網民對她是否個案Big Boss爭辯不休：「職員甲乙丙丁，卡士竟然有卓娜和堅叔咁大卡士，呢兩個最有可疑」、「通常咁明顯嘅都唔係兇手」、「講得突破，可能娜姐真係兇手」、「會唔會同佢個仔強仔有關」。無綫官方社交網今午曝光搶先看預告片，只見成頭血的娜姐，神色恐怖地慢步而行，並以極逼迫的狀態挨向兩名表現慌張的小朋友…
楊卓娜啲close up表情真係一流。
另外小演員何珀廉演技都好好。
另一位飾演雯雯嘅小演員周珈慜演技都係好好，唔怪之得丁丁都嗌投降。
Cutie樣逐格睇！郭柏妍為氹小朋友專誠學魔術
昨晚另一焦點，是網民期待已久的郭柏妍終於出場！飾演警隊中兒童心理學專家商雙的郭柏妍（Rosita），一出場已吸引網民洗版式討論，網民大讚身穿白色OL套裝的Rosita相當靚女、指短裙套裝突顯了Rosita一雙修長美腿，笑言「腳柏妍」果然並非浪得虛名。Rosita為了慶祝自己飾演的商雙正式登場，昨晚專誠開live與劇迷互動，還邀請了同樣是昨晚首度登場的丁子朗齊齊chat。由於商雙熟悉兒童心理，故Rosita在今次這個新單元中與小演員有大量對手戲；對此Rosita相當難忘，除透露事前有為氹小朋友場口專誠學魔術、還開心share與小演員的相處搞笑日常：「啲童星真係超可愛。」丁丁則搭嗲大讚小演員很好戲：「佢哋做戲超級勁，啲喊戲一嚟就喊到，我都自愧不如。」
楊卓娜、鄧智堅、程浩駿、曾文心到底誰是真兇？
鄧智堅
程浩駿
曾文心
丁丁同娜姐有唔少對手戲。
丁丁郭柏妍再度合體演「鬧交CP」
繼《下流上車族》再度合體演CP的Rosita與丁丁，透露二人是次飾演的是「鬧交CP」，Rosita笑言最難忘是在西貢碼頭追住丁丁係咁鬧：「我記得我係咁一輪嘴係咁鬧，嗰場我唔想NG，因為嗰日好凍。」Rosita續指《奪命》令她成功克服了對超長對白的恐懼，並搞笑承諾會繼續進步：「我會努力，我唔想再拖大家後腿」。Rosita又應網民要求預告在劇中最喜歡造型：「我最鍾意女僕造型，其實個個造型我都鍾意，我記得仲有伴娘同泳衣造型。女僕造型嗰套衫我記得試咗好多次，淨係頭箍都試咗五、六個，套衫亦都修改咗好多次。」又預告將在劇中再獻魔音及與劉穎鏇齊齊跳舞，令人期待。
昨晚一集與楊卓娜有對手戲的丁丁，則預告今晚將有一場相當精彩的天台對峙戲：「嗰場戲真係喺天台度拍，地下好多渠；場口有齊動作、對白同追逐，我記得我仲要單手扶住幅牆飛出個天台，都幾高難度。」並預告今晚與娜姐將有一場真情流「淚」的場口：「本身嗰場戲冇話要喊，但因為對白好感動，我做到一半要抖大氣。」
其中就係丁丁提及嘅天台戲。
同埋應該係忍唔住流出真眼淚嘅相關場口。
