入行13年的姚子羚，早前終憑劇集《四個女仔三個Bar》的「張慧芸」在「馬來西亞星光薈萃頒獎典禮」奪得「最喜愛女主角」，上台領獎時她哭成淚人相當感動，因她曾想過放棄，最後靠好姐妹支持捱過。事業獲肯定，子羚愛情亦得意，跟「金龜」男友鄭子邦感情穩定，但她聲稱暫時未有結婚計劃。
姚子羚最近先有《實習天使》飾演嚴肅高級護士「杜羡花」，再有《刀下留人》演大肚婆「阮素心」。《實》劇中她要跟死敵洪永城經常針鋒相對，她笑言洪永城夠抵鬧易投入，「你睇佢去大馬頒獎禮都可以唔見護照，係咪抵鬧先，所以好容易投入O架！而同豹哥飾演一對，大家太熟咀戲都唔會尷尬。」
入行13年，子羚早前在大馬頒獎禮連奪《最喜愛電視角色》及《最喜愛女配角》，她坦承多年來在頒獎禮陪坐食白果，確實不好受，「當然有想過放棄，好在身邊有一班好姐妹支持，所以O個日得獎咁啱佢地有幾個都喺台下，見到佢地喊晒，自己都好感動，有佢地喺度覺得今次得獎特別有意思。」
網上圖片
子羚早前被爆跟有「的士邦」之稱、三十出頭的鄭子邦撻著，據知男方家族有過百部的士，還有過億物業，絕對是筍盤一名。對於何時好事近，子羚答得很淡然，「冇話Ready唔Ready嘅，適當時候自然會發生啦！（使唔使驚喜求婚？）驚喜可以，但唔使叫埋其他人，兩個人溫馨就夠。（婚禮？）都係簡單為主啦！」
