張智霖（Chilam）孭飛的電影《十月初五的月光》於中港澳大收旺場，收逾六千萬元票房，Chilam夫婦帶9歲獨子魔童去shopping，臨走時遇見記者，張太極度慌張，先快手幫兒子遮面，再吩咐老公一前一後G4護仔，怕魔童靚仔樣曝光！
近年積極搵錢的Chilam對愛妻超級梳爽，送Hermes袋又送千萬樓。寵壞靚靚幾乎每月一個新袋，上月先開心挽住十多萬元的深藍色限量Flag皮革拼帆布Birkin袋，今個月已轉用米白色的Birkin新袋。
張智霖孭飛的電影《十月初五的月光》中港澳大收旺場
周日下午，張氏一家先去ifc的連卡佛瘋狂掃貨，買了兩大一細袋，滿載而歸。準備離開時，靚靚眼利發現記者，即向父子二人通水，然後急步行前與丈夫一前一後挾實寶貝仔，企圖以紙袋遮住兒子樣貌。之後乖仔嗌買雪糕，慈母當然無托手肘，陪乖仔揀雪糕和配料，然後落樓取車離開。
靚靚早前在微博曝光魔童與同學慶生相
詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！
詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！
Jim sir 6場《即興之王》順利完成。
Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」
Jim sir好感恩觀眾好投入。
更揚言會做100場。
更希望將《即興之王》帶到星馬、美加等地，與當地華人及香港人一同分享。
Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」
廖碧兒
林盛斌
陳小春
而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」
張智霖與囝囝張慕童
魔童好滿意Jim sir扮女人「moment姐」。
魔童睇到笑唔停。
仲同爸爸Chilam「十五指緊扣」。
