29歲的幸福人妻吳雨霏（Kary），今年一月與青梅竹馬丈夫Brian（洪立熙）在美國結婚，七月再到意大利舉行婚禮，新婚唔夠一年，成日黐實老公往外國公幹的Kary近日疑似旅行期間造人成功。
Kary沒精打采揀衫，最終無收穫
周日傍晚，《頭條日報》記者在銅鑼灣利園撞見Kary夫婦在名店選購BB衫，當時素顏人妻戴上口罩，眼睛露出倦容，而且身穿羽絨褸與老公的薄衫對比甚大，衣着舉止加攰樣滲出陣陣初孕味。最後Kary由丈夫細心攬背溫馨離開。
點擊看圖輯
Kary沒精打采揀衫，最終無收穫
Brian輕扶愛妻腰背，Kary羽絨包到冚，與丈夫的薄衫好大對比
留鬚變man的Brian陪愛妻外出揀BB衫。Kary拎暖壺，隨時歎熱茶暖身
丈夫日理萬機，電話隨時on call，Kary禮貌同記者揮手道別
二人七月到意大利行禮，人妻謂丈夫愛小朋友，希望生夠3個
去年尾吳雨霏和網球王子洪立熙驚傳復合，二人情路兜轉14年，最終修成正果。婚後全身散發陣陣幸福味的洪太，不時將丈夫掛在口邊，又話丈夫嫌佢太瘦，猛叫愛妻食多啲增磅生仔。
Brian輕扶愛妻腰背，Kary羽絨包到冚，與丈夫的薄衫好大對比
月前Kary與老公仍然處於蜜月期，不時恩愛陪轉戰金融界的老公出埠公幹。被問到有否趁機造人時，她口說順其自然，實情背後發功，補身打底準備當媽媽。她曾說：「以前好唔錫身，而家有睇中醫同做運動，『立雜嘢』都盡量戒。」隨時ready生BB。
日前傍晚Kary零脂粉戴上口罩似有不適，在丈夫陪同下往利園Dolce & Gabbana睇BB衫。見她穿上厚厚羽絨褸的她正在揀大約一歲的B女裙，睇完一條白紗裙又睇吓另一條背心白花裙。
留鬚變man的Brian陪愛妻外出揀BB衫。Kary拎暖壺，隨時歎熱茶暖身
當日Kary狀態大跌watt，攰樣出晒面，無厘神氣出巡。睇衫短短十分鐘，洪太都要拎住個暖壺傍身，疑似妊娠不適，睇見都心痛。最終二人無收穫走人。留鬚望落較以往成熟穩重的Brian輕扶愛妻腰背，超唔舒服的Kary就不發一言低頭等升降機，最後點點頭和記者揮揮告別取車。
丈夫日理萬機，電話隨時on call，Kary禮貌同記者揮手道別
其後《頭條》記者致電人妻問她是否快做媽媽？平日有問必答的她竟一反常態改以文字短訊代替直接電話訪問。她否認懷孕並表示當日去揀BB衫送俾朋友。之後記者再追問Kary是否未夠三個月、怕小器唔肯講？她至截稿前都未有回覆，似有難言之隱。
二人七月到意大利行禮，人妻謂丈夫愛小朋友，希望生夠3個
