大劉甘比請弱勢兒童睇《長江7號》 周星馳特別錄音勉勵小朋友好好讀書

甘比找來周星馳親自為現場的小朋友錄製了一段精彩信息，勉勵他們要好好讀書，將來要做個對社會有用的人。

劉鑾雄慈善基金與周星馳合作，今日（9月10）於皇室堡4樓皇室戲院，舉辦了一場極具意義的《長江7號》15週年慈善放映會。是次放映會非常貼心地邀請了香港社區組織協會中的弱勢兒童家庭以及協康會的自閉症兒童，一同重溫這部膾炙人口的經典港產科幻片。

劉鑾雄慈善基金與周星馳合作，在皇室堡舉行《長江7號》15周年慈善放映會，請一班小朋友睇戲。

周星馳特別錄音，勉勵小朋友好好讀書，將來要做個對社會有用的人。

劉鑾雄的太太劉陳凱韻（甘比），特別為一班小朋友準備驚喜，找來周星馳親自為現場的小朋友錄製了一段精彩信息。星爺在錄音裡，以親切慈父般語氣對小朋友們說：「各位小朋友好，我是周星馳，不要叫我星爺，叫我星哥哥就可以了。希望大家今天看得開心，還要記得好好地讀書，將來要做個對社會有用嘅人呀。」

星爺這番話立即讓現場的小朋友們笑逐顏開。

甘比希望透過這次慈善放映會，成功為小朋友們送上歡笑，也傳遞正面信息。

放映會最大的亮點在於電影中的父子情深，令現場觀眾無比動容，甘比也表示被這種親情的力量深深感動：「今天大家睇得好開心又感動，戲中周小狄與爸爸之間深厚的感情，令大家也忍不住哭了🥹起來（包括我在內🥲）。」

現場的小朋友收到禮物都興奮不已，紛紛向甘比道謝，並開心擁抱著自己的禮物。

除外，放映會結束後，甘比和星爺更準備了精美禮物包，送給在場每一位小朋友，裡面有超萌「七仔」毛絨玩具，還有漂亮的筆記本和色彩繽紛的筆，現場的小朋友收到禮物都興奮不已！

由周星馳、徐嬌主演喜劇《長江7號》於2008年上映，亦是星爺現時「最後一部主演電影」。（《長江7號》劇照）

甘比透露鈎織工作室內好多「屎形」精品是同鄭秀文有關！

混血肥仔（曾達恩）主理的多媒體頻道BBO（Black Box Office）繼早前請來古天樂（古仔）作客旅遊真人騷《尋泰記》，最近再邀請另一重量級嘉賓亮相訪談節目《地球人生活指南》，她便是香港女首富甘比（陳凱韻）！節目中，甘比讓混血肥仔先後踩入她銅鑼灣的鈎織工作室和門市「搞搞震」，不但親自傳授鈎織技巧，更分享了有關經營小店的窩心點滴。

甘比亮相BBO節目《地球人生活指南》擔任嘉賓。

觀看相關影片按連結：https://youtu.be/Etn5K2ZCXso?si=iXiiN-JJgtLJCv87

甫到達工作室，混血肥仔就發現裏面有大量可愛鈎織擺設，當中更有不少是「屎形」精品，甘比向一臉好奇的混血肥仔解畫：「嚿屎其實有段古，我好朋友，其實係Sammi（鄭秀文），叫我織嚿屎就大受歡迎！其實屎喺日文叫『unko』，同好運發音好似，日本年青人好鍾意做一個屎形狀嘅手勢，其實係祝福嚟。」

工作室裏面有大量可愛鈎織擺設，原來同Sammi有關。

除了有趣擺設之外，工作室亦有不少加上「Handmade By Kimbee」小牌的鈎織手袋，混血肥仔一度以為它們售價不菲，但一睇價錢牌即忍不住說「比我想像中平好多喎」，甘比分享箇中原因：「開頭開鋪頭嘅時候，啲同事就成日話『唔得㗎，你織要賣貴啲』，我成日都好同佢哋好爭拗嘅，我就覺得大家都織到嘅，就一定要同大家一樣嘅價錢。」

混血肥仔發現甘比親手製作的鈎織袋定價比想像中便宜。

甘比在工作室身兼多職，既是老闆，又是買手，更是其中一位導師，自言以前性急的她就指自己現在是名有耐性的導師：「好急，好急，好鍾意好急，但係我放慢咗喇，其實我除咗自己急之外，我曾經覺得自己迫害其他人，逼到其他人都好急，但係有一刻我醒咗喇，我就覺得如果我追嗰個人，我追佢嘅時候可能只係快三分鐘啫，咁我就唔好逼佢喇。」而她教授混血肥仔鈎織的過程中除了盡顯耐心一面，還展示了充滿愛心的一面，邊教邊向對方派「心靈雞湯」：「做人要識轉彎，要轉膊」、「每個人都好有創意，你唔好以為自己嗰個好核突」。

甘比用心教混血肥仔鈎織。

邊教邊派「心靈雞湯」。

混血肥仔用心織袋。

教授期間亦有不少搞笑對答，例如混血肥仔發現自己織出來的洞比正常大後，甘比向他解答原因：「因為你手鬆，我哋手緊啲，咁我唔問你借錢好冇？」引來混血肥仔回應：「都好難喇！」搞到兩人忍俊不禁。

混血肥仔學鈎織過程搞笑。

問到學習鈎織的原因，甘比坦言與兒子劉仲學有關：「疫情咪online school嘅，我冇嘢做咪拎兩支嘢咁織，無端端我個仔有一日就話『媽媽，我呢要兩嚿嘢』，我心諗『死喇，呢個唔係織，係鈎喎』，咁我就唔知點算好，跟住終於搵到有賣呢類毛冷嘅地方，但係就唔明點樣鈎，問嗰個阿姐可唔可以教我，佢話『唔得，我唔可以教你』，我直情想喊，後尾咪自己上網同搵人教睇圖再自己學囉。」

甘比分享學習鈎織的原因。

另外，甘比也有分享一件教班的難忘事：「有個媽媽嚟上堂，我就多口問佢嘢，佢話佢織畀個女，我問佢『得一個女呀？』，佢就無端喊晒口同我講，『唔係呀，兩個女』，『咁你織埋畀細女』，跟住佢就細細聲做口形話『佢唔喺度，佢走咗』，佢喺度喊，我又忍住喊。佢走嗰時我就攬住佢，拍拍佢，我就送咗啲嘢畀佢個女，因為佢第一次織唔係咁靚，我就將我嗰個畀埋佢。」

甘比分享了不少經營小店的窩心點滴。

拜訪完工作室，混血肥仔都有落到門市觀摩，過程中甘比透露門市朝早10點開門，是想一班媽媽能夠在送完子女返學後有機會排解情緒，以及建立存在感：「我以前係阿嫲湊大，我就喺屋企見到我阿嫲㗎咋，佢一係就送我返學，一係就去街市買餸，冇喺其他地方帶見過佢，因為佢好忙，所以其實好多婦女係冇存在感，佢嘅存在感就係源自於家庭，但係如果你有一個地方畀佢hea、畀佢做嘢，咁咪好好囉。」混血肥仔聞言之後直呼感同身受，想起了長輩背後的犧牲：「因為我都係嫲嫲湊大！」

混血肥仔到甘比鈎織店門市參觀。

甘比透露門市朝早10點開門是想一班媽媽能夠在送完子女返學後，有機會排解情緒及建立存在感。