雖然結果未似預期，但善心港男依然表示，「好事唔怕多做，山水有相逢」
FB圖片
都說人之初性本善，絕大部分人都跟我們一樣，是平凡又普通的好人，然而這個世界也不時會有「好心無好報」的殘酷現實。近日就有港男在網上分享自己的遭遇，拾到電話好心代為保管並交換，然而最終竟遭不禮貌對待，貼文曝光後，引得一眾網友齊齊為其打抱不平。
Fb圖片
事主在fb專頁「香港失物報失及認領群組」發文，指自己在深水埗元州街一檯銀行櫃員機拾獲1部iPhone，於是拍下照片並在網上尋找失主，「代為保管中，機主請打返畀自己，搵我領取返」。由於事主一直沒有收到機主來電，故決定將拾獲的電話存放於自己的店舖，並向員工交代，有人打這個電話接接聽，等物主來自行解鎖，證實電話歸其所有便可以歸還。
示意圖片。《愛回家》劇照
然而事主其後再更新事情進展，感歎「社會好現實，好心冇好報」，指電話機主已聯絡他並到店取回電話，然而其態度十分惡劣，「去到我舖頭對我女同事好粗暴同冇禮貌，多謝都冇句」，事主無奈指，最後事情變成好像是自己打擾到其他人，不過他亦表示，雖然結果未似預期，但他下次「執到嘢都只會同樣做法，好事唔怕多做，山水有相逢」。
示意圖片。《愛回家》劇照
事件引來網友的熱議，大家一面倒安慰事主：「自己做正確嘅事，無愧於心就好。嗰d惡人自有惡人磨」、「好心啲人自己唔見嘢時要人幫手，就有番啲基本禮貌啦！」、「你積福，佢作孽，唔好因為佢一個衰就唔做好心，總有好人衰人，多謝你選擇做好人」
港媽到大埔茶記買三文治外賣，囝囝「食食下卜一聲」再吐出異物，於是致電投訴，店家竟咁回覆惹公憤，網民揭：呢間一向西。
示意圖。設計圖片
大埔茶記外賣三文治出現異物
該港媽於facebook群組「大埔人大埔谷」分享中伏經歷，表示日前到大埔昌運中心一家茶餐廳購買外賣「芝士火腿三文治」，豈料回家後囝囝「食食下卜一聲」，再吐出一塊「硬膠」。從照片可以，小朋友吐出來的「硬膠」為白色、呈不規則三角形，驟眼看好像一顆掉下來的牙齒。
（FB圖片）
店家態度惡劣「大聲過我，差到無朋友」
樓主見狀即致電店家反映，店方得悉後竟未有即時道歉，還大大聲「我地而家好忙，唔得閒送過比你」，然後更冷冷地問了一句「想點？」樓主氣憤表示「呢個明顯係佢地責任，仲大聲過我，真係差到無朋友」。
（FB圖片）
網民建議報食環
帖文一出，不少網民批評店方不負責任「直接剷落去同佢講啦！你唔好講到想呃多你份三文治咁，小朋友食架，唔小心吞左咁點呀？」、「吞咗後果不堪設想，咁嘅態度，建議報食環」、「報食環可能會令佢有所明白」、「吞落去大鑊，大人細路食倒都唔好啦」、「如果係我就會即時報警，攞埋檔案編號，再報食環」。
（FB圖片）
街坊揭：呢間一向西
有街坊則指該店員工一向態度惡劣「一向西地方，冇吃6年以上」、「個女人不嬲係咁」、「這個店根本不值得去，收銀及服務員態度奇差！」、「不嬲西，仲西足幾廿年」、「入咗黑名單好久了」、「尤其收銀個女人之前都唔係好語氣，最近更加乜都唔滿意」、「呢幾年一次都冇去過，佢忙佢既事，遲早佢哋會好得閒」、「幾個月前去食早餐，聽到個女樓面數D過年冇俾利是既客人」、「態度超西，從此發誓永不幫襯」。
帖文來源：facebook群組「大埔人大埔谷」
