李思捷自爆當年初出道已有機會單獨拍節目宣傳片 薛家燕好奇大笑問：請咗邊位食飯？

李思捷接受新城「開心大派對」訪問公開扮嘢小貼士。

李思捷今日（4月6日）接受新城「開心大派對」主持薛家燕、范振鋒、思敏直播訪問，家燕姐讚李思捷有份主持的TVB新節目《福祿壽訓練學院》令到對演藝好有熱誠，但沒有機會表演的一群學員，有機會在螢光幕上表現自己才華，家燕姐更對其中一位學員前天堂鳥隊員Gordan（葉泓聲）扮羅志祥十分欣賞，思捷也讚Gordan一向跳舞好出色。

李思捷接受新城「開心大派對」主持薛家燕、范振鋒、思敏直播訪問。

家燕姐大讚思捷是喜劇中難得的人才。

李思捷在訪問中表示《福祿壽訓練學院》參賽者有藝人，也有不少素人參加，坦言比賽初期，藝人有演戲經驗比較着數，不過他相信只要素人上多幾次舞台，潛質就會發揮出來，他希望《福》節目能夠好似《中年好聲音》搞得一樣出色，也不介意與學員們合作做併盤，希望為觀眾帶來更多開心喜劇及表演。

李思捷希望《福祿壽訓練學院》節目能夠好似《中年好聲音》搞得一樣出色。

思捷與三位主持人傾到雞啄唔斷。

李思捷感謝有幸參與《歡樂今宵》
家燕姐指思捷是喜劇中難得的人才，唱得、講得、扮得又有幽默感，尤其扮鄭少秋及四大天王相當神似，思捷公開扮嘢秘訣：「小貼士，演出時唔好望鏡頭，如果望鏡頭的話，就會不停提自己注意好多嘢，唔望鏡頭才可以集中精神諗著扮演的人。」他並透露盧海鵬曾教他扮嘢誇大10倍就可以。

在節目中李思捷談到當年好幸運能參與最後一季《歡樂今宵》(EYT)演出，當時有幸參與的新人還有黃宗澤，他感謝當年「EYT」給他機會：「所有拍檔都是勁人，學到好多嘢，之後TVB更安排做台慶司儀…….」正當家燕姐及阿范忍不住插咀大讚之際，思捷馬上補充：「但係有12位司儀，我的對白只得兩句，哈哈！當時TVB揀我或崔建邦，最後揀咗我，崔建邦不太開心，我叫佢不用唔開心，之後公司再搵我單獨拍節目宣傳片。」家燕姐即好奇地哈哈大笑問他請咗邊位請食飯？思捷即笑答：「當時好窮，點會有錢請食飯，直至福祿壽騷才開始有錢。」

氣氛熱鬧！

詳細精彩內容，請重溫4月6日，下午2-4時，新城知訊台《開心大派對》節目 ，重溫網址：https://www.metroradio.com.hk/MetroInfo/

率先睇今晚節目內容4大笑位！

由阮兆祥、李思捷、王祖藍主持的扮嘢真人Show《象牙世家古象牙工藝品呈獻：福祿壽訓練學院》，今晚（19日）八點半翡翠台播出第六集。

福祿壽又再展現神還原功力。

三人的裝束，都近乎99.9%還原新聞人物何生何太。

繼李思捷及阮兆祥上周極速以熱爆新聞人物何生＋何太look直踩《逆天奇案2》大結局現場引爆全城熱話，本周由於何生何太事件再有新進展，為了緊貼新聞熱話，將最新鮮滾熱辣的笑料呈現觀眾眼前，福祿壽團隊再次展現「極速神還原」功力！今日，祥師兄及思捷以何生何太最新裝束現身電視城，為本集《福祿壽訓練學院》拍攝特備環節，團隊這次更找來節目「扮工室助理」郭珮文（Juliana）扮演因訪問何生何太時有出色表現、備受讚賞的「東張女神」梁敏巧。

到底「A For Apple」同「神秘手扣」玩嘅係咩梗？

其實為咗令到拍出嚟更貼近現實，祥師兄全程係叉大對腳嚟睇，因為佢唔可以高過郭珮文太多，細節位執得好用心。

「神秘手扣」

思捷喺特備環節入面亦都有特別任務。

三人今早齊齊以99.9%原裝Look為節目進行拍攝，祥師兄的「大星星」黑白裙配以Satine絲巾及披肩長髮，加上全程嬌羞小鳥伊人Tone對著思捷又挨又詐嬌，再次引爆全場笑彈。製作組率先曝光了節目四大必睇笑位，分別為「A For Apple」、「花叢漫步」、「古惑提款機」及「神秘手扣」，聚眼睇落相當無厘頭，想知《福祿壽訓練學院》今晚到底有甚麼最新驚喜，密切留意今晚播出最新一集。祥師兄及思捷事後受訪時，亦再次對製作組在道具及服裝方面的神還原能力表示讚嘆，二人更異口同聲表示必須感激TVB服裝、道具及化妝同事的齊心協力：「佢哋真係好犀利，點解可以喺咁短時間，搵到咁一模一樣嘅衫架呢，尤其條絲巾真係似到不得了。呢班同事其實一路以嚟喺我哋嘅製作方面都幫咗好多，真係勞苦功高。」

恩愛到哩。

「花叢漫步」

「古惑提款機」

王祖藍一人分飾多角相當抵死
凡事一條心的「福祿壽」，要還原新聞人物自然少不了王祖藍的參與。據知，祖藍是次會一人飾演多個角色及身份，還會為特備環節搞笑獻聲，密切留意。

食飯位都神還原埋，聽過製作組仲會加啲特效落去，令到件事出嚟更加似。

王祖藍會一人分飾多個角色，想知出嚟效果，就要密切最新一集《福祿壽訓練學院》喇。