壽包壽桃傻傻分不清！有港男於黃大仙一間酒樓設外母60歲壽宴，職員因一時疏忽而毀掉了精心準備的雙層蛋糕，經理竟話賠一物，令事主更嬲。
（FB圖片）
外母60歲壽宴酒樓毀雙層蛋糕
該女婿於Facebook群組「飲食黑店大全」發文，表示一家人日前到黃大仙某酒樓為外母慶祝60歲生日時，特意訂購了一個寫有「壽」字的雙層蛋糕，並請酒樓預先放入雪櫃冷藏。不過，當蛋糕被送到餐桌上時，卻東歪西倒，造型受損，讓眾人十分掃興「外母60大壽搞啲咁既野」。
資料圖片
酒樓負責人提出以「壽包」作賠償
樓主指事前已再三提醒酒樓職員小心處理蛋糕，但最終還是出了意外「個職員攞出黎個陣，話見到打斜擺係個雪櫃度」。更令他不解的是，當他向酒樓投訴時，負責人竟然提出以一打「壽包」作為賠償，他無奈表示「好彩老人家冇聽到，見到咁樣會唔會有中年陰影？」
（FB圖片）
網民：睇唔明有咩問題
貼文引熱議，有網民表示「睇唔明有咩問題」、「送壽包有咩問題？」、「我成家不嬲都講壽包」、「吓！由細到大都叫壽包喎，聽左40幾年，都叫佢做壽包囉」，不過也有人指出「其實好多人係唔知壽包同壽桃的分別」。
（包點先生FB截圖）
網民指出「壽桃」與「壽包」分別
有網民則更正賀壽的是「壽桃」，白事才會用「壽包」：「不要說壽包，試著說壽桃包」、「60大壽送壽包？投訴啦！真係禮崩樂壞」、「壽包係死人食，生人食的叫壽桃啊」、「壽包for 喪事；壽桃for 生日，宜家做酒樓嘅真係一代不如一代，中餐基本知識來的」、「生日食壽桃包，百年歸老食壽包呀！個經理咁都唔識！」
帖文來源：Facebook群組「飲食黑店大全」
不少港人去日本旅行當「返鄉下」，很多家庭會選擇自駕遊返鄉下旅行，不過返鄉下揸巴士你又聽過未？
示意圖片。巴士的報記者攝
近日就有港男在網上分享自己在日本長野縣考巴士牌的經歷，貼文曝光掀起網友熱議。事主在網上討論區以「日本荒野大合宿、長野考巴士」為題撰文，詳細記載自己在日本考巴士的經歷，他透露自己打算在日本揸巴士主要是為「錢」，並指日本巴士車長的日薪不俗，「巴士佬喺日本算係專業人士嚟。」
示意圖片。巴士的報記者攝
事主指自己考完牌後，仍未決定是否留在日本揸巴士，「不過考咗先，反正成世都有用。」他提醒網民在日本巴士的商用車牌不可以轉牌，只有私家車及電單車可以轉牌，不過就算要轉牌，也都要考一個叫轉牌試，並指該考試一點不簡單，「識得有個香港人考咗七次都未考到。」
事主分享日本考巴士牌之旅
事主詳細記載自己的日本考巴士牌之旅，上堂住宿加上考試，總共收費580,000円（港幣約29419元），「1 take pass都要三個星期，Total 58萬日元」，而如果不合格就會逐堂計算費用，還有住宿費。為了準備考牌，事主每日7點前就要返到駕駛學校，「如果唔係就當遲到，宿舍有門禁，10點前一定要返去報到。」而駕校更是「日日都要返學，一日假期都冇。」
示意圖片。巴士的報記者攝
在日本考巴士牌，基本條件當然是懂日文，「唔識日文冇可能考得到，我諗文法要接近N1先理解到啲問題。」事主又指筆試問題都幾難，如果從未上過堂，「佢就算用中文問我，我都唔識答，何況係日文。」
在日本的駕駛學校，一共要上夠34個鐘的訓練，才可以考場內試，一日大概3至4個鐘左右。然後再學30個鐘，才可以參加考路試，路試合格之後，要回到自己所住的市，再考一個筆試，最後還要考格急救證書，才可以正式拎到個牌。
事主坦言在日本考車牌比香港難
事主坦言在日本考車牌比香港難，「比較過一定難香港好多，首先私家車都要考一個場內試，同埋筆試合格咗，先可以出街，日本考試呢，就有個評分標準嘅，你望少一次驚鏡做錯一樣細嘢，佢就會扣5分，扣到低過80分，佢就會叫你返去㗎。」
經過一輪瘋狂的考試洗禮，事主感歎揸巴士原來要學好多知識，特別是親身學揸巴士後，港男笑言「而家非常尊重巴士佬」
小紅書圖片
日本做巴士佬一日稅後已可達2萬円(約港幣1014元)
有網民好奇港男為何遠赴日本揸巴士，獲事主現身解答，他坦言是為錢，「主要為了高收入」並指自己同學在日本做酒店前台，1個月工資得16萬円(約港幣8128元)，而在日本做巴士佬一日稅後已可達2萬円(約港幣1014元)。
巴士司機在日本算專業人士
網民對於日本巴士司機日薪高均感到驚訝，事主續解釋，「電車公司巴士佬基本稅前45萬（円）（約港幣22861元），到手都應該35（萬円）、36（萬円）（約港幣18289元），巴士佬喺日本算係專業人士嚟。」
