Gin Lee笑指學友好犀利，大家都好想睇對方演出。
李幸倪（Gin Lee）和江海迦（Aga）今日（20日）在尖沙嘴出席活動，來自大馬的Gin Lee日前獲柔佛州的蘇丹在社交平台表揚，她表示感到好意外，在香港發展10年一直追求自己的夢想，未想過對方會留意廣東歌以及她的動向；又指以前有機會也會返去當地出席活動，但疫情關係已經有兩年沒有返家鄉。
Gin Lee視學友為幸運星。
談到可覺與歌神張學友合唱《日出時讓街燈安睡》而帶來幸運，Gin Lee笑說：「我覺得學友絕對係幸運星，令到更多人識我。」提到她與學友在《2021香港小姐競選決賽》表演環節獲得高收視，她笑言學友好犀利，大家都好想睇對方演出。
二人在《港姐》擔任表演嘉賓，獲得高收視。
Gin Lee因為與學友合作，令更多人認識她。
Aga表示未入行前經常會聽林憶蓮的歌曲，相當欣賞對方，希望有機會可以合唱或寫歌給對方。提到新歌《理性與任性之間》MV，獲得周國賢（Endy）做男主角，兩人有不少親密鏡頭。
Aga新歌MV，邀請到周國賢做男主角。
Aga笑言雖則有親嘴情節，但只是鏡頭效果，演出時大家也感尷尬，當中有不少蝦碌事發生。她說：「MV上呢個係螢幕初吻，拍攝時Endy好多都會帶住我，佢演技好好。」
Gin Lee李幸倪日前跟今年樂壇男新人曾傲棐（Arvin）開啟「學校巡迴運動比賽」，首站二人到九龍塘真光中學進行羽毛球比賽，劉若寶（Polly）擔任主持。
Gin Lee與Arvin開啟「學校巡迴運動比賽」。
Polly擔任主持。
比賽共有三個回合，第一回合是Gin跟Arvin分別跟一名學生各自組隊，進行雙打比賽中；第二回合Gin跟Arvin繼續對戰，不過數增加到四對四；最後一個回合，Gin跟Arvin組成「EEG All Star隊」對戰「真光隊」進行雙打，總成績將會計入「龍虎榜」，二人將會遊走各區學校巡迴，巡迴比賽完結後，Gin跟Arvin便會到獲得最高分的學校唱歌表演。
比賽共有三個回合。
第一回合是Gin跟Arvin分別跟一名學生各自組隊雙打。
第二回合數增加到四對四。
最後一個回合則是Gin跟Arvin組成「EEG All Star隊」對戰「真光隊」進行雙打。
為了爭取兩位歌手到校演出，真光隊派出羽毛球校隊成員出戰，希望爭取勝利﹐不過當日打的羽毛球是放大版，最後EEG隊險勝。平時做開gym、行山的Gin賽後表示：「琴日學校雖然派出羽毛球隊迎戰，有少少淆底。我即刻喺側邊練吓波、攞吓個感覺。因為我哋打呢個唔係一般嘅羽毛球，唔係咁簡單，哈哈，可能平時唔叻就會ok handle到，平時好叻嗰啲反而會俾你一個巨型嘅羽毛球同埋球拍耽誤咗，所以我哋就誤打誤撞險勝，贏咗少少。」而有打開籃球的Arvin自爆有秘密練兵，「前排有條癮想打吓羽毛球，又真係約咗朋友出嚟打。就當係秘密練吓兵啦。」
EEG隊最後險勝！
比賽時間正值lunch time，雖然眾人於三十四度高溫下作賽，但同學們都在場外落力為大家打氣，氣氣熾熱。Gin跟Arvin均表示未有在曝曬的情況下影響發揮，Gin笑言：「絕對冇！冇發揮就係最好嘅發揮。」Arvin坦言靠隊友carry，「當然下次有番冷氣，我嘅表現應該會出眾啲。」
比賽時間正值lunch time，同學們都在場外落力為大家打氣。
這次的校園比賽，二人都謂勾起學生時代熱血的回憶，Gin回想起自己在田徑隊及排球隊時的訓練，「都係烈日當空、冇怨言咁樣去訓練，所有嘅skills都係咁樣每一日用血汗換返嚟，好多呢啲好開心嘅回憶。」Arvin亦想到以前學校鐘聲一響便衝到籃球場打波，「打到身水身汗又上返去課室晾番乾個人，成日都會因為咁樣攝親。嗰日完全有番嗰種青春揮灑汗水嘅感覺。」
Gin和Arvin不停為同學們簽名然及合照。
Gin和Arvin不停為同學們簽名然及合照。
Gin和Arvin不停為同學們簽名然及合照。
接下來二人將會繼續四出向各學校「挑機」，Gin坦言希望她的出現可以令學生們感受到她為他們打氣，「因為我覺得而家學生嘅壓力實在太大，所以我哋出少少綿力去幫佢哋打氣，呢個都好緊要。賽後感受就係下次我會記得搽防曬㗎啦唔該晒，哈哈。」
Gin表示希望她的出現可以令學生們感受到她為他們打氣。
Arvin則謂本來以為這些玩具羽毛球會「好流」，「點知冇錯真係好流，但係原來好流嘅係我。第一次玩都真係有啲手腳唔協調，但係唔緊要，我會返去偷偷地練習再返嚟復仇、一雪前恥㗎啦！同埋同學們嘅熱情、笑容真係好有感染力。」至於比賽主持Polly，於比賽完結回到家後，即頭暈兼嘔吐，「仲有啲腳步浮浮，我諗我應該中咗暑，哈哈，之後都即刻飲番多啲水，瞓番一晚就冇事啦。」
主持Polly曝曬中暑。
