姜濤希望每一位香港人都可以支持每一位本地歌手。
MIRROR在昨晚（24日）的《CHILL CLUB推介榜 年度推介21/22》頒獎禮上，風頭最勁，而盧瀚霆（Anson Lo）更撼贏人氣王姜濤連奪「年度之歌」及「年度男歌手」金獎，令姜濤的一眾粉絲「姜糖」替偶像不值，質疑賽果「造假」，Anson Lo的fans「神徒」和「姜糖」為此在網上爆發罵戰；為平息戰火，Anson Lo和姜濤聯手「拆彈」，強調二人友情不變！
點擊看圖輯
MIRROR昨晚一上台便掀起全場高潮。
Anson Lo個人獨得兩個大獎。
12人一條心。
兩人受訪時力證兄弟情不變。
不過姜濤亦明白姜糖的感受。
但姜糖為此替偶像大感不值。
Edan（左）得新人銀獎冇失望，反而未能再跟AL（右）拍劇感可惜。
MIRROR昨晚一上台便掀起全場高潮。
Anson Lo個人獨得兩個大獎。
12人一條心。
對於被質疑男歌手獎賽果「造假」﹐向來寡言的姜濤訪問時主動從隊長楊樂文（Lokman）的手中搶過咪高峯說：「樂壇上任何一個人得獎、我哋都應該開心，更何況係自己隊友，希望大家唔好諗太多！」姜濤直言知道有粉絲在網上罵戰，但組合就是這樣，粉絲之間會有爭執，而他和Anson Lo的感情一定不會因此而改變，著大家無須擔心，自己也不會要求粉絲為自己或MIRROR投票，亦無須每年都是MIRROR或他們的個人單曲得獎，否則代表樂壇沒進步，甚至希望每一年都有比他們更厲害的人出現。
兩人受訪時力證兄弟情不變。
不過姜濤亦明白姜糖的感受。
而Anson Lo亦說：「隊內有競爭係在所難免，有組合就會有比較，但我哋心知、亦好清楚唔理外間點樣比較都唔會影響到我哋嘅感情。」姜濤再接力謂：「我希望每一位香港人都可以支持每一位本地歌手，無論係鍾意邊個、定唔鍾意邊個，希望我哋嘅音樂可以令大家proud of成個亞洲。」Anson Lo即大表認同。但有姜糖不滿賽果提早離場，姜濤說：「可能某部份粉絲太錫我哋，我理解，但希望大家注重音樂本身係冇勝負之分，音樂只有享受，所以希望大家享受個騷，返到屋企沖個靚涼享受一下。」
但姜糖為此替偶像大感不值。
另外，呂爵安（Edan）在新人獎上再度屈居銀獎、由宿敵MC張天賦奪金，他打趣指：「攞唔到個人獎嘅Lokman同肥仔（ERROR梁業）喺後台喊，所以我有獎已經偷笑，點敢唔開心，總之平常心，況且我同MC私下係朋友、有兩句，大家嘅關係唔會因為呢啲比較出現裂痕。」提到因撞期要辭演《百萬同居計劃》，Edan大嘆未能與《大叔的愛》原班人底合作感可惜。至於有傳Anson Lo推薦陳漢娜入劇組，導致Edan要辭演，Anson Lo無奈地說：「據我所知，陳漢娜係冇參演呢部劇。」
Edan（左）得新人銀獎冇失望，反而未能再跟AL（右）拍劇感可惜。
