《早霸王》主持人涉嘲居屋業主森美：會改善檢討

娛圈事

《早霸王》主持人涉嘲居屋業主森美：會改善檢討

2022年05月16日 21:06 最後更新：22:33

森美強調每日開咪都會好小心！

通訊事務管理局接獲投訴，指去年2月16日，商台叱咤903節目《早霸王》有主持在聽眾來電環節中，涉嫌以「戇居者有其屋」一詞，嘲笑及侮辱「居者有其屋計畫」的業主。通訊局經調查後，決定向商台發出勸諭，敦促商台嚴格遵守《電台節目守則》中的相關條文。《早霸王》由森美、小儀、Marco主持，作為領軍主持人嘅森美接受《頭條日報》獨家訪問時表示，無論如何只要有觀眾聽得唔舒服，都會改善及檢討。

點擊看圖輯

由森美、小儀、Marco主持嘅商台《早霸王》，節目好受歡迎。

節目中森美訪問過丁子朗及余德丞。

由森美、小儀、Marco主持嘅商台《早霸王》，節目好受歡迎。

森美每日開咪都會慎言。

森美承諾服務好每位市民及聽眾。

節目中探討熱話及訪問紅人，姜濤也曾受訪。

森美承諾改善檢討商台《早霸王》主持被投訴嘲笑居屋業主

不過，森美強調在節目中冇講過任何住屋關係、問題、甚至業主，更加冇談論「居者有其屋」任何內容，節目中純粹係玩「食字」，如「郁郁貢去西貢」等。問到公司可有指引，主持人在節目中要加倍小心言論呢？森美強調每日開咪都會好小心：「喺呢個時代做媒體說話謹慎係必然，都冇嘢要堅守住啦。不過，好多時每個市民都有佢嘅睇法，作為大眾媒體，當然會尊重所有聽眾，服務每一個市民，希望佢哋每一個都聽得開心同埋舒服，呢個使命係要堅守嘅，所以只要有一個唔滿意都會檢討，作出改善，呢個係真心嘅唔係打官腔，因為呢個就係我哋嘅工作。」

往下看更多文章

中年好聲音3｜黃博孖林智樂超靚聲和音掀開序幕劉洋黃洛妍合唱被笑似「史力加談戀愛」

《香港何濟公止痛退熱散呈獻：中年好聲音3》本周日（4月20日）晚8點翡翠台播出新一集，由車婉婉擔任主持，評審團除了固定班底肥媽、張佳添、周國豐，還有音樂女神海兒以及森美擔任嘉賓評審，見證9強誕生。

本回合主題是「聲夢合唱」，10位參賽者將各自與一名「聲夢」畢業生合唱，演出歌單如下：劉洋／黃洛妍《你那麼愛她》、陳芷盈／何晉樂《誰明浪子心》、王鄭浚仁／趙小婷《美麗的神話》、李金凱／冼靖峰《甲乙丙丁》、占士丁丁／劉芷君《Endless love》、曹越／詹天文《我不離開》、趙浚承／潘靜文《你最珍貴》、張與辰／姚焯菲《許願》、黃博／林智樂《來夜方長》、善玥澄／彭家賢《芳華絕代》。

本周焦點組合，絕對是兩大魔王級組合合唱，分別是本季大熱黃博與有「寶藏新人王」之稱的林智樂Felix，以及兩大實力唱將劉洋及黃洛妍Janees。自封表演是「輕飄飄的歌劇」的黃博及Felix，一開場便各自以超靚聲大玩和音，噱頭十足，Felix出賽前更直指希望可以為「高分王」黃博爭取首個100分。對於二人演出，森美一度被觸動至眼泛淚光，他給予評語時說：「你第一句嘅時候我眼淚爭啲流喇」，至於肥媽亦肯定了二人的靚聲度：「兩個獨自把聲係好靚嘅。」

至於同有「大魔王」美名、被譽「大炮型組合」的劉洋及Janees，則意外因為劉洋的怕醜搶去了評審們注意及焦點，肥媽：「劉洋有啲怕醜，佢都唔夠膽直視Janees，唔好怕醜啦，捉住隻手喇嘛」，張佳添：「佢一對住女仔唱歌時，好似史力加談戀愛咁。」對嚇至僵直的劉洋看不過眼的婉婉，最後更索性教劉洋應如何拖女仔，場面搞笑。至於森美，則自封是劉洋粉，並謂很期待現場看他唱live：「我好渴望live睇佢一次，呢個組合辛苦嘅地方，係因為感覺到兩個都有實力，所以大家都要搵個位放柔番係困難嘅。」

而張與辰與「甜美小公主」姚焯菲Chantel雖然年齡差了一大截，但二人唱出來的《許願》卻異常地有愛情感及火花，配合Chantel近乎無敵的甜美笑容，二人獲得近乎一致好評，肥媽開心到搞爛gag：「好好聽，佢哋係牛油果油溝橄欖油。」張佳添「我feel到有啲真愛喺裏面。」森美笑言投入到一度忘了身邊坐的是肥媽，故回過神來看清事實後一度「嚇醒」，笑爆全場！至於出名手緊的周國豐，亦難得給予高度評價：「淨係聽聲，一路令我信服你哋係一對戀人。你哋每人都要處理好多和音部分，但你哋兩個都處理得好好，暫時為止係今晚表現最好嘅一對！」車婉婉聞言即忍不住寸嘴：「喺周國豐老師冷血嘅世界，係好少咁樣讚人！」