今個秋天，昂坪360喺10月14日至11月20日特意呈獻「360 歲月文具巡禮」，首度聯乘日本經典文具角色Fueki漿糊仔，打造超過四米高嘅Fueki漿糊仔巨型扭蛋機，同時將別具本地情懷嘅懷舊文具，例如鉛筆、筆刨、擦膠、顏料等，用巨大化模樣係昂坪市集圓形廣場展示，等大家拍照打卡重回那些年。睇住呢批懷舊文具，Kelly就覺得學生時代啲青春回憶返晒嚟！
昂坪360會同香港資深玩具收藏家莊慶輝先生攜手呈獻「文具時光走廊」，展出多件50至80年代嘅經典書簿及文具，等賓客一同見證時代嘅集體回憶。周末期間特設「和諧粉彩工作坊」，等父母子女發揮創意，製作獨一無二作品。另昂坪360推出驚喜官網預訂限定優惠，門票折扣低至7折，係時候相約摯愛親朋到昂坪360欣賞別緻嘅大嶼山風光喇！
名嘴「志雲大師」陳志雲亦都大讚，話見到呢批懷舊文具，成個人開心咗，即刻變咗「志雲BB」！
Kelly Chu