立法會會計界議員梁繼昌,點睇數口都應該好精,唔知佢計唔計到《 東周刊》爆佢和研究助理周澄的婚外情呢?
男女感情事向來有理說不清,然而在選舉大戰當前,這些緋聞特別有市場,東周大字標題「傳梁繼昌周澄婚外情」,Ariel在7仔見到都馬上買一本,睇睇有乜堅料。
東周爆出梁繼昌周澄四角關係,一邊梁繼昌有個做律師的太太,另一邊民主女神周澄本來和現時參加九西選舉的社民連吳文遠拍緊拖 ,梁繼昌來個橫刀奪愛。東周爆晒梁繼昌和周澄談心對話, 似乎是電郵調情,引述梁繼昌形容和太太結婚多年,兒子出生後,和太太的感情變成「柏拉圖式」,梁又形容和太太的關係是「 已融化的冰,滑過我的手指」(文藝成咁,溝女有一手也)。 雙方仲有「我掛住你」,「我個心很痛」的訊息。
俾人搶走女友的吳文遠自然極度唔順,東周又爆話梁繼昌開出一張銀行匯票叫周澄交給一個「他」, 但那個「他」怒極撕毁匯票。這似乎有人開票想擺平,但結果擺唔平。
政壇高人話,東周爆梁繼昌周澄的戀情,有好多詳盡對話,似乎有堅料在手,先至唔怕在敏感時刻引爆。涉事的男女雙方都感情富豐,隨時積落唔少仇口。
東周出街後,網上流傳的重點都集中在周澄多姿多彩靚的情史上, 即使是立法會議員梁繼昌,都變成大配角。不過高人話,按泛民的邏輯去驗屍咁驗,呢單嘢除了道德問題外,還有一個公眾利益的關注點,當年梁繼昌和周澄在搞婚外情,但梁繼昌在2014年又用公帑去請周澄做政策研究助理,有沒有假公濟私之嫌,用阿公錢去請女友打工呢?若然成立,又是一個公職人員行為失當的風波。
參加立法會會計界選舉的候選人還有陳弘毅;而九西候選人則有劉小麗、毛孟靜、譚國僑、游蕙禎、黃碧雲、 黃毓民、關新偉、何志光、狄志遠、梁美芬、蔣麗芸、朱韶洪、 林依麗及李泳漢團隊。
Ariel
** 博客文章文責自負,不代表本公司立場 **