安俊豪首次亮相大球場演唱 自肥成功與七位名宿逐一合照

安俊豪首次踏足大球場演唱，表示既興奮又緊張，亦感到好榮幸！

闊別四年再度歸來的賀歲盃的「FWD富衛保險賀歲盃」於昨日（2月13日）假香港大球場順利舉辦，除了邀請到由七名世界盃冠軍級球員組成的世界明星隊，對陣由「風車Sir」郭嘉諾領軍的香港明星隊之外，大會更邀來安俊豪（Simon）與MIRROR成員AK（江𤒹生）及Jer（柳應廷）同場演出，三人均是足球愛好者！Simon更因身材高大，讀書時踢波做守龍門，最近亦恰巧接拍了新戲做守龍門員一角，相當有足球緣！

安俊豪「FWD富衛保險賀歲盃」擔任表演嘉賓。

身為足球愛好者的Simon透露最近接拍了新戲做守龍門員一角。

Simon當日以一身比利時的國際時裝品牌Dries Van Noten X英國品牌S.S Daley亮相大球場並壓軸出場演出，甫出場問全場觀眾「場波好唔好睇呀？」球迷報以海嘯式歡呼聲，隨即送上《癮》，更邊走邊唱足全場！首次踏足大球場演唱的Simon興奮謂：「今次係我人生首次喺大球場獻唱，呢度一直係我想踏上既地方！無論係踢波定唱歌相信都好難得！未出場前，我已經好緊張，好彩可以調整狀態冇影響現場LIVE！好開心！好榮幸！」

Simon獻唱《癮》，更邊走邊唱足全場！

首次踏足大球場演唱的Simon表示既興奮又緊張，又感到好榮幸！

同時，Simon能見證國際名宿與本地足球隊同場比賽，開心到去主看台一齊玩人浪：「 特別係因為我以前踢開係守龍門， 所以今次親眼見到大衛占士同范俊業都好興𡚒。 睇足十球，腳腳精彩，絕對係人生一個成就。好開心可以有一個對住逾二萬人唱歌既機會！多謝賀歲杯！」Simon更自爆於後台與七位名宿，包括迪比亞路、托迪、大衛韋拿、佩奧爾、希比亞及其偶像大衛占士等等，面對面傾偈兼影合照自肥！Simon亦正密鑼緊鼓，與陳考威（Gareth）製作下首新歌！

文迪斯（左）、卡華路（右）

安俊豪帶病都堅持唔甩底！

新城廣播《新城體育會》上周六（6月22日）再次出動，今次由新城廣播節目主持黎莉充任隊長帶領歌手安俊豪、龔柯允及鄺星宇，代表《新城體育會》出席在荃灣某商場舉行的「飛越啟德100KM跑步機慈善挑戰賽2024」，參與「傳媒及名人組」10公里賽事，而新城廣播總經理（項目及商業事務）朱靜宜和項目總監葉碧梅特別到場為他們打氣。

安俊豪嘔吐不適堅持到場。

龔柯允落力跑。

鄺星宇

隊長黎莉最後衝線！

這次全港最大型的室內跑步機超馬接力賽，除了吸引超過600名跑手及運動員參加外，還有多個企業、機構和名人等組隊參與，齊齊身體力行共襄善舉，用行動和汗水，支持「啟德體育園」社區體育發展，同時為有需要的人士帶來幫助。比賽期間，黎莉、安俊豪、龔柯允及鄺星宇輪流接力跑，雖然安俊豪早上嘔吐不適，但他都堅持到場，並且跑到大汗淋漓，最後由黎莉衝線，4人合力在1小時37秒順利跑完10公里賽事。

黎莉、安俊豪、龔柯允及鄺星宇輪流接力跑。

安俊豪表示最初還未熟習跑步機性能，要運用一點技巧，他稱：「特別之處控制唔到跑步機的快慢，一開始諗住用番自己平均速度，點知佢愈嚟愈快，慢啲又太慢，所以都用咗段時間去熟習個速度，本身今日有少少唔舒服，但嚟到呢到都好開心，係一個新體驗，同三位一齊跑好正，好有團隊精神。」身形嬌小的龔柯允亦落力跑，她笑言：「跑完勁開心，成個人健康咗。」鄺星宇則表示已盡自己能力愈跑愈快，還搞笑謂：「好彩唔係跑包尾。」而隊長黎莉最後衝線，跑得滿身大汗，老公及囝囝在場外不斷為她打氣，她笑言：「好彩順利完成，不過好開心，多謝3位歌手一齊支持，尤其安俊豪帶病都堅持唔甩底。」

新城廣播總經理（項目及商業事務）朱靜宜和項目總監葉碧梅特別到場為他們打氣。