湯洛雯撇甩老公馬國明歎世界 一家四口快閃日本遊

有網民大讚馬國明非常識做，賺錢給老婆同家人去歎世界！

無綫花旦湯洛雯（靚湯）去年尾與視帝馬國明結束愛情長跑拉埋天窗，婚後馬國明即刻開工賺錢，而湯洛雯撇甩老公同屋企人去旅行！

馬國明湯洛雯拉埋天窗！

相當恩愛

一家四口經常旅行

靚湯於社交平台上發文：「前一排病咗，好返之後同屋企人去咗個快閃旅行，四年啦，終於一家人去旅行，證明我唔係潑出去嘅水啊。」晒出與父母及妹妹一家四口合拍的影片，而靚湯狀態依舊保持尖尖面！有網民大讚馬國明非常識做，賺錢給老婆同家人去歎世界！

狀態極佳

相當風騷！

大家都好期間馬明和靚湯有好消息公布！

視帝馬國明（馬明）與湯洛雯（靚湯）於去年12月在泰國蘇梅島舉行婚禮，婚後不時在社交平台放閃，非常恩愛！不少人都非常期待二人生B組織大家庭，今日（10月21日）馬國明一句「為咗迎接人生嘅新一頁、新身份而騰出更多空間」，即引來全城祝賀他疑似官宣做爸爸！

馬國明與湯洛雯於去年12月在泰國蘇梅島舉行婚禮。

婚後經常高調放閃！

Sweet到爆啊！

馬國明在IG分享一張迷你倉的照片，並留言：「正所謂：『Happy wife! Happy life!』做咗差不多一年人夫，最緊要學識「斷捨離」！早排搬屋好鬼忙，趁住『馬國明天放假』，等我Pack好晒啲珍藏同雜物放入迷你倉，為咗迎接人生嘅新一頁、新身份而騰出更多空間！千祈唔好俾空間限制你嘅想像！」

馬國明將珍藏同雜物放入迷你倉。

不少網民看過馬國明的帖文都紛紛祝賀他疑似官宣做爸爸，「新身份？榮升爸爸」、「官宣當爸爸了？」、「新身分？做爸爸啦？恭喜恭喜」、「恭喜升級做爸爸～ 等兒子長大了再和兒子一起玩」、「新身份！恭喜恭喜，恭喜！」不過，湯洛雯就留言：「真係引起咗無限想像同誤會」，間接否認懷孕，但網民依然不相信，「係咪怕小氣呀？恭喜先，期待見小馬明/小靚湯！」

湯洛雯否認懷孕。

事實上，馬國明在新婚不久時曾表示和太太對生BB抱隨緣態度，不會強求，「就算生BB，我諗就算依家努力都要年尾㗎啦，咁但呃暫時未知啦，隨緣啦，我同個老婆不嬲都係隨緣嘅，咁有就開心啦，冇我哋都冇壓力嘅，睇下上天會唔會畀呢個禮物我哋啦，如果真係有嘅話我一定會同大家講㗎，多謝大家。」

馬國明在年初的《萬千星輝頒獎典禮2023》中曾表示和太太對生BB抱隨緣態度，不會強求。（本網記者攝）