有網民分享，指落雨等小巴時，有男子冒雨站在站頭等車，其他人則到簷篷下排隊。然而小巴到站時，所有人都斥責該名男子未有排隊，更有人阻他上車。「英雄」舉動雖獲在場乘客支持，但惹來網民一面倒批評。
示意圖
冒雨等車但被批無排隊
有屯門街坊在一個地區群組發帖指，早前在屯順街一個專綫小巴站等車時，與其他乘客一同站在屯門市廣場簷篷下輪候。其間一名男子如常站在小巴站牌前冒雨開遮等車。小巴到站時，簷篷下的隊伍遂上前登車，但批評冒雨候車的男子未有排隊。
FB圖片
「眾人勸都唔聽」 阻止男子上車「好正義」
該名街坊指「個男人唔排隊行埋站牌話自己排緊隊」，又形容男子「眾人勸都唔聽，話我係排緊」，更大讚阻止男子上車的女子行為「好正義」，句未一個「大拇指」表情透露出帖主是真的讚揚該女子見義勇為的行動。
FB截圖
網民卻指：成班自私精霸凌緊佢一個男人
不過，帖文被群組網民一面倒反駁，紛紛留言冒雨等車的男人：「人地果啲先係排隊」、「人地係站頭排隊就話冇排」、「站頭係果度，你地避雨排左入去，係你地問題」、「有問題嗰個好似係你喎，仲話唔畀人上車個女人正義添，服左你既歪理」、「人哋捱住落雨排正站頭反而唔畀上車，宜家係你哋避雨咋喎，乜×嘢道理」、「淨係見到你哋成班自私精霸凌緊佢一個男人。」
示意圖
人多不代表正確 避雨不等於排隊
有人就指出人多不代表正確，「你地只係避雨唔係排隊，夾埋話個男人，人多唔代表你地岩囉，依家仲要影相放上黎，搏乜野？」、「有啲人又要想打尖又唔敢插隊就自己新增條隊」、「驚俾人X所以咪投匿名囉！」。
近日有蛋糕店店主在社交平台上發文，控訴一位女客疑訂錯取蛋糕時間，阻住去船P而在WhatsApp大鬧，最後更加錢改期，離譜做法惹網民公憤！
圖片來源：Instagram@1010.cake
港女疑訂錯取蛋糕時間 未能如期出發船P
日前，一位網上蛋糕店店主在threads上發文，指最近遇到一位「西客」令她不吐不快。從WhatsApp對話截圖可見，該名女客人本來想買蛋糕參加船P，但疑因自己睇錯時間，所以想提早取蛋糕。於是，買家不斷Message轟炸店主，並要求「你21號可唔可以早啲攞蛋糕？」、「3:30之後真係太遲，可唔可以1:30？」、「可唔可以1:30？ 」。
threads圖片
拒加錢改期：「咁多文字坦白講真係無人留意到」
然而，提早時間需早7日通知，而且店家為確保新鮮，「日頭先會製作蛋糕」，所以沒辦法提早取蛋糕時間。如果現時真的執意改期的話，需付上30%的改期費用。不過女事主一聽到要比錢，就馬上反駁「咁多文字坦白講真係無人留意到」、「你係只係揼咗一堆字俾我咋」、「你係寫咗一大堆fine print」、「提通常係用另外一個message」，因此很合理地認為店主沒有「提醒」她，而令自己和朋友都沒有留意到。
threads圖片
threads圖片
客人大鬧唔Flexible 店主汗顏無言以對
女客人表示「係想同你夾」，又指店主「完全病俾option（選擇）」，店主到最後似乎都無言以對，只好send幾個汗顏表情給客人。
threads圖片
店主嬲爆發文：咩都係我地責任
眼見港女以「多字」為由拒絕付改期費用，店主都懶得再周旋，只好將蛋糕費用全數退回，並發文表示「最後唔想再同個潑婦嘈，豪比佢」，又比喻該客人為「呢啲呀媽一定係個仔女唔知醒會打返去學校X老師唔叫醒佢個啲」。
threads圖片
網民：真係辛苦晒
港女的行為引起大批網民公憤，有網民留言指「佢根本要你屈服，死都唔肯比你退錢，好衰」、「應該企硬啦，你退讓就有下次」、「佢搞咁多野都係想你費事同佢嘈」、「真係辛苦晒」。
