原來這是Aska人生第一次到泰國，雖然一半工作一半遊玩，但他亦樂在其中。
Aska張馳豪推出全新單曲《宇宙逃生口》，早前更遠赴泰國拍攝MV，原來這是他人生第一次到泰國，雖然一半工作一半遊玩，但他亦樂在其中。被問到為何選擇到泰國取景，他笑言：「最初傾嗰陣公司俾兩個選擇我，一個係愉景灣，一個係泰國，咁梗係揀泰國啦！」他續說︰「其實泰國俾人嘅感覺好無拘無束，亦都好貼合首歌嘅感覺，好似喺高速公路一個人揸緊車拋開煩惱咁。」
Aska張馳豪推出全新單曲《宇宙逃生口》
Aska今次親自操刀作曲，與朱琳合作填詞，他透露歌曲雖然聽起來輕快放鬆，但原來靈感是來自一段傷痛回憶，他說：「當初係想寫一首對比好大嘅歌，編曲好輕快，但歌詞其實好sad。歌詞係想講，當大家失去一段關係嘅時候好似成個世界崩塌咗，失去咗個依靠企唔到起身咁，但之後發覺幾唔捨得都係需要放手，自己搵返快樂先可以令對方，甚至令段關係快樂。」他續說：「大家可以想像呢首歌係一個人經歷失戀，用工作麻醉自己，將生活填到密密麻麻，然後發現唔可以再鑽牛角尖落去，一個人出走散心嘅感覺。」
Aska今次親自操刀作曲，與朱琳合作填詞
原來靈感是來自一段傷痛回憶
Aska今次到泰國拍MV，第一次試盡當地美食，由朝拍到晚換上不同造型，令他最難忘是到外地感覺無拘無束，而且當中喊戲部份都是真眼淚，將真實的情感投入到拍攝餘，亦讓自己得到釋放。
Aska自言未曾遇過性格難頂又麻煩的女孩！
「新城廣播劇團」炮製第四部廣播劇《愛情斷捨離》今天(9月23日)首播，廣播劇由張馳豪（Aska）、張蔓莎（Sabrina）、張進翹（Manson）及麗英領銜聲演，故事講述劇中主角Isaac（張馳豪聲演）因寫了一篇「愛情斷捨離」的帖文，並描繪了身邊麻煩女孩的特質，令他在校內聲名大噪。
新城第四部廣播劇《愛情斷捨離》今日(23日)首播。
4位主角張馳豪、張蔓莎、張進翹、麗英探討男女特質。
由「理文商業中心」贊助及「愛爆音樂」、「無限樂園」、「天下一音樂」、「小薯茄」全力支持的《愛情斷捨離》共分為五集，由9月23日下午2時半開始在知訊台《QK玉瑛室》節目中首播，並於晚上11時的《Bilibala開大喇叭》時段重溫。
《愛情斷捨離》在知訊台《QK玉瑛室》節目中首播。
張馳豪（Aska）自言未曾遇過性格難頂又麻煩的女孩。
日前，幾位主角根據以上劇情，大談身邊可有出現過性格難頂又麻煩的女孩？雖然Aska未曾遇過，但亦有所聽聞，「係我朋友嘅女朋友，真係令我朋友好苦惱，其實可以審視呢段感情關係，睇吓需唔需愛情斷捨離。」而Manson則表示每位女孩都有不同性格和特質，有很獨特性格的，亦有性格溫順的，「比較有共鳴嘅，可能就係不停叫你比意見，但其實唔想聽真話，每次都要慢啲去諗吓有咩係唔講得。」
張蔓莎（Sabrina）
張進翹（Manson）
至於早前自爆遭男友嫌棄着T恤牛仔褲而被分手的麗英，自覺是一百分女友，她笑言：「鍾意問人覺得自己煩唔煩、唔直接講佢想點要人估，呢啲特質我都冇，我畀晒空間同自由男友，所以大家都好鍾意我。」她又踢爆閨蜜擁有幾個麻煩特質，但雙方仍然做到好友，是因為自己愛她，認真搞笑。而Sabrina雖然強調自己喜歡聽真說話，但又承認女生喜歡男生說話婉轉，十分矛盾，她更笑言：「就算我身邊女性朋友有呢啲特質，我都覺得係冇問題。」
麗英自覺是一百分女友！
《愛情斷捨離》9月23日開始在知訊台《QK玉瑛室》節目下午2時30分，星期一至五連續播出，共5集，《Bilibala開大喇叭》節目時段重溫。
網址： https://www.metroradio.com.hk/MetroInfo/
