雖然港鐵輕鐵都有張貼告示提醒乘客車廂內不準飲食，但不少人都會「偷雞」，日前就有位大媽不忿有乘客不守規矩，大聲在車廂內投訴，更要求對方即場「𦧲返出嚟」！
threads 影片截圖
大媽怒哮：你快啲𦧲返出嚟𠻹啊！
社交平台近日瘋傳一段影片，見到有位大媽正在輕鐵車廂內咆哮怒斥另一名乘客，指對方在車廂內飲食，不守規矩，更要求對方即時「𦧲出嚟」，「唔好再食啊！你快啲𦧲返出嚟𠻹啊！」。
threads 影片截圖
職員到場調停不果大媽繼續叫嚷
雖然當時已有職員到場調停，並勸喻大媽冷靜，「冷靜啲，（閉路電視CCTV）錄低咗㗎喇，OK喇」，但似乎大媽情緒一直都未平覆，繼續不停重覆叫嚷「佢唔守規矩，真係有食㗎，你睇下！已經無守到規矩，仲要咁耐先肯𦧲返出嚟，車廂不准飲食㗎嘛，佢無守到規矩」。
threads 影片截圖
戴耳機男中生沉醉音樂世界好少理
大媽大鬧車廂期間，引來車廂內有不少乘客的關注，但唯鏡頭影到一名戴着頭戴式耳機男中學生，似乎毫不受事件影相，全程沉醉在音樂世界中，還不時隨音樂手舞足蹈。
網民認出大媽亦曾在東鐵車廂內吵鬧
網民看完片段後都議論紛紛，不少人都認為大媽小事化大「我想話，阿姐喺車上面大叫，都係唔守規矩喎，點計呀？」、「偏執，恐怖！」、「咁小事都攞嚟嘈」、「香港人太大壓力」、「呢個女人把聲上個月收工時段已喺東鐵旺角去金鐘車出現過，鬧個女OL食嘢，又係講守規矩，大聲到3卡車都聽到」。
threads 影片截圖
網民錯重點：隔籬位師兄好high囉
不過亦有不少網民留意到那位中學生的舉動，紛紛笑說這名男學生情商超高「這學生哥超有趣嘅高智商，進入另一個境界」、「隔籬個ching勁女火月廿chill咩料」、「個中學生上咗太空？」、「我都錯咗重點去咗個學生哥度，隔籬嘈緊，佢呢面嘅世界好平靜，仲有啲自在」、「隔籬位師兄好high囉，勁好笑」、「咁就係點解你需要1個主動降噪耳機」。
