大熊貓龍鳯胎BB寫真大放送！肉緊家姐攬實細佬狂錫溫馨又有愛

日前大熊貓官網又大派福利！10張熊貓BB的最新寫真，搞到粉絲們個個都心心眼。只見相中家姐一如既往好肉緊地攬實細佬，係咁錫他的「面珠墩」。

大熊貓官網IG相

對住熱情的家姐，細佬都好識做，挨實對方嗲完又嗲，畫面非常有愛又溫馨！小編都忍不住寫到「見住佢哋慢慢長大，真係好感動啊~」

大熊貓官網IG相

大熊貓官網IG相

大熊貓官網IG相

粉絲們當然第一時間留言狂讚「我膽敢講一句, 香港嘅大熊貓, 小熊貓, BB熊貓係全世界最最最可愛」、「 超可愛呀！感謝工作人員照顧佢地到咁肥肥白白！」、「好得意呀！能夠健康成長，都係靠奶爸奶媽及一眾保育人員努力去照顧，多謝你地」不少網友都不忘留言多謝奶爸奶媽們的辛勤照顧，令兩姐弟可以健康快樂成長，為市民帶來很多美好感動的一刻！

大熊貓官網IG相

大熊貓官網IG相

另外，官網也PO出近日另一段姐弟倆得意的互動畫面同樣贏得大家不少關注！

如有追開大熊貓BB動態的粉絲可能都有留意，家姐有隻與牠形影不離的專屬毛公仔，是海洋公園根據牠早前招牌超人姿勢所設計的，日前大熊貓官網就公開了「真假家姐」首次見面的得意片段！

大熊貓官網影片截圖

片段中奶媽叫喚家姐，希望介紹一位新朋友給牠認識！初時家姐一副愛理不理的樣子，但當家姐毛公仔一現身時，牠隨即睜大眼睛，定一定格，似乎被這隻與牠生得一模一樣的熊貓嚇親！對着眼前的毛公仔不斷掃視，表現得非常好奇，但又不敢接近。

大熊貓官網影片截圖

大熊貓官網影片截圖

點知過了一會兒，鏡頭一轉，家姐已咬着毛公仔不肯放，似乎好鍾意這位新朋友，和牠在床墊上滾來滾去，Friend 過打Band！現在毛公仔已成為家姐最心愛的玩伴，好似孖公仔咁！

大熊貓官網影片截圖

大熊貓官網影片截圖

大熊貓官網影片截圖