直播靈接觸｜陳法齊解構「王九」神打不死之謎 黃紫恩訪台灣乩童蘸血畫符場面震撼

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》，昨晚（12月9日）節目主題為「乩童」，請來六壬師傅陳法齊擔任嘉賓。

昨晚（9日）主題「乩童」，請來陳法齊師傅。

陳法齊師傅早前為電影《九龍城寨之圍城》擔任法科顧問，《城寨》片中伍允龍飾演的反派王九，憑藉神打，將林峯、劉俊謙等人打到一仆一碌，令觀眾對神打產生興趣。他表示現實中「請神」，最快都半至一秒，他笑說︰「呢段時間可能已經出事，所以𨂽地請嘅係法，唔係神。以前見到麻雀館成日刀光劍影，斬到衫都爛晒，但血都無滴，嗰班都係請咗法嘅神功弟子。」

陳法齊師傅

思浩分享一位圈中奇人，專為歌影視公司揀卒，他模仿該位奇人的動作說︰「佢係請神上身、係乩童，好多圈中人都見過佢。佢問事方法比較特別，會一邊畀人問事，一邊用手沾水灑向天。」思浩透露娛樂圈高層會向奇人展示藝人照片，詢問「邊個會紅」，而奇人的答案亦都簡而精「呢個唔紅」、「呢個淨係紅香港」等，思浩續說︰「大概20年前，有次見佢指住一個男仔張相，大概19、20歲左右，話『呢個大紅、紅遍全個中華、全亞洲，簽佢啦、捧佢啦』。」事後證實正確。

思浩講到一位乩童專為娛樂圈公司揀卒。

Jojo之前到台灣拜訪一位乩童張智照，他每逢初一、十五會為善信指點迷津。節目中乩童為攝製隊祈求工作順利，神明附體後他以鯊魚劍拍打額頭至流血，接住用血蘸在靈符上加持，Jojo說︰「當時好震撼，佢流嘅血係幾多，攝影師同導演都呆咗，唔記得影成地大灘血，血仲係不停滴落嚟，最神奇係一『退駕』，洗面之後個額頭係得返幾個窿仔。其實個時好驚，想即時跑走」思浩亦稱非常玄妙，前一分鐘仍在流血，退神後便即刻止血。

Jojo到台灣拜訪一名乩童。

乩童請神儀式場面震撼，Jojo嚇到想跑走。

乩童請神儀式場面震撼，Jojo嚇到想跑走。

乩童請神儀式場面震撼，Jojo嚇到想跑走。

此外，主持黃耀英（Darren）放完假歸隊，為大家介紹香港的大聖廟，大聖即齊天大聖，不講不知原來香港目前有7間以齊天大聖為主神的廟宇，其中位於秀茂坪的大聖寶廟有乩童請大聖降駕，為市民指點迷津的服務。而每年農曆8月16日為猴王誕。

大聖廟每年農曆8月16日都會慶祝猴王誕。

AP又分享了自己的靈探工具及「搵鬼」經驗。

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（12月10日）節目主題為「點解要搵鬼」，請來靈探KOL AP擔任嘉賓， 他主動去搵鬼、搞鬼，專職就是「撩鬼」。

昨晚（10日）主題「點解要搵鬼」，請來靈探KOL AP。

AP透露愛上探靈跟童年經歷有關，他笑說︰「細個就住鬼屋，住喺墳場隔籬嘅唐樓，夜晚成日聽到走廊有跑步聲，開頭都諗係熱脹冷縮，直到有晚終於證實係有鬼。」有晚他跟媽咪二人坐在梳化，忽然有把聲音「殊」了一聲，母子二人對望一眼，雙方都表示沒有發聲，由此證明間屋有靈體存在。

AP透露愛上探靈跟童年經歷有關。

AP表示現代科技發達，有不少幫助探靈的工具。他展示了一款動態Apps，還即場在錄影廠示範，不過沒有發現。另一款ghost box被形容為「壞咗嘅收音機」，AP解釋說︰「都係一部收音機，不過會不停跳台，可以收到靈界朋友嘅聲音。」他講述一段親身經歷，有趟去到大埔一間兇宅，曾經有一家幾口外籍人仕被殺。當上到閣樓打開ghost box，同時AP開始問問題，竟然收到回覆，他說︰「真係出現英文聲音，問人名答人名、問幾歲佢答數字，都係英文。」思浩等幾位主持都大覺詭異。

AP展示ghost box及用Apps測試靈體是否存在。

AP展示ghost box及用Apps測試靈體是否存在。

AP展示ghost box及用Apps測試靈體是否存在。

節目中，AP展示一條在泰國「被鬼壓」的片段，事緣他到訪一間盛傳非常猛鬼的酒店，入住後折騰到半夜都沒有收穫，最後決定放棄去瞓覺。豈料入睡不到半小時，就發生「被鬼壓」事件，AP述說︰「條片聽到我發出嗚嗚聲，係想講嘢但發唔出聲音。跟住左腳、左手feel到被嘢捉住，跟住漫延到全身，想郁、想開眼都唔得。最尾咪聽到條片有『叩叩叩』幾聲。」AP解釋那幾下聲音是有物體「敲擊」用來拍片的手提電話屏幕發出。結局是當AP活動自如起身後，門口便傳來「啪」一聲，他就知道房內靈體已經離開。

AP播映一段「被鬼壓」片段。

Jojo越聽越驚。