43歲黃翠如宣布懷孕後首度露面 上圍明顯「升Cup」

黃翠如挺巨肚出活動。

43歲的黃翠如與蕭正楠在2018年結婚，結婚6年終於傳出喜訊，日前黃翠如在IG公布透露三年前曾經歷過流產，如今成功懷孕，不少圈中好友及網民都紛紛送上祝福。

黃翠如自宣布懷孕後，今日（11日）首次出席活動。

晒巨肚。

身材明顯升Cup！

今日（12月11日）黃翠如現身澳門出席新濠天地盛大舉行“An Artful Palate 藝味之夜”，現場所見「準媽媽」翠如上圍明顯升Cup，但手腳依然纖幼，仲貪靚著高踭鞋示人，藝高人膽大呀！

仍穿上高踭鞋。

翠如拍照時大擺心心甫士，容光煥發！

黃翠如宣佈懷孕後首次出活動。

黃翠如與蕭正楠在2018年結婚，早前在社交平台貼出超聲波照宣佈懷孕喜訊，今日（12月11日）黃翠如現身澳門出席於新濠天地的公開活動，她接受訪問自爆已經肥咗6KG：「懷孕頭幾個月係辛苦嘅，去到第四月開始就好唔舒服，見到所有嘢食嘅慾望係好巨大，我臨瞓前不斷睇人哋煮嘢食嘅影片，睇食物嘅嘢就睇兩三個鐘，個腦就不斷好想食嘢，瞓醒個腦又係諗住有咩食，好短嘅時間肥咗好多。」

黃翠如宣布懷孕後首度露面

上圍明顯「升Cup」

講起第一時間得知道懷孕的時候，她哽咽表示：「今次我驗到有BB嘅時候其實唔信嘅，因為冇諗過，我隔咗幾日之後先至再驗多次，我驗咗之後唔想同老公蕭正楠講，咁其實有個小秘密，我見到有第一次嘅時候，喺抌垃圾嘅時候老公發現到，佢亦都唔夠膽相信，隔咗幾日再驗到BB嘅時候，但後尾我好驚，所以睇到我分享出嚟嘅畫面就係冇任何包裝底下用好核突嘅紙喺老公瞓覺嘅時候遞咗俾佢，我哋有我哋嘅經歷，所以我哋好感恩同埋有啲驚，所以就好複雜。」

講起第一時間得知道懷孕的時候

表示心情複雜

而之前她分享「小產經歷文章」，黃翠如直言：「其實嗰一刻想分享自己嘅感受，所以冇諗好多嘢，當大家知道咗嘅時候，我有好多祝福，咁就變咗好感激，同我講（媽媽）嘅故仔，好多媽媽都有一樣嘅經歷（小產）想大家一齊加油！」她透露BB的預產期是明年，而性別就希望保持神秘感，目前就只有自己同老公知道！

黃翠如之前她分享「小產經歷文章」

她透露BB的預產期是明年，而性別就希望保持神秘感，目前就只有自己同老公知道！