娛圈事
Twins於Encore環節出現！
東星圖片
一連兩晚《Shine Moment Live 2018》完滿結束，徐天佑和黃又南又唱又跳，更大晒健美身型，帶動全場氣氛。
東星圖片
尾場Enocore時段，Shine邀請Twins成為嘉賓，一起合唱《明愛暗戀補習社》。他們指Twins比他們早一年出道，尊稱兩人為前輩。他們又恭喜阿嬌（鍾欣潼）快將成為人妻，阿嬌尷尬笑指：「多謝，我都唔知講咩好。」
東星圖片
天佑指自己與Twins電影上合作較多，又南想起往事指阿Sa（蔡卓妍）曾說過他們首次見面時沒打招呼。阿Sa回應：「我唔記得有咁講過，你咁記仇。」阿嬌也指他很記仇。
阿Sa稱天佑與其初戀男友十分相似：「我初戀男友好似郭富城。」阿嬌則說：「天佑靚仔過郭富城，今日係佢主場，佢一定靚仔啲。」
東星圖片
阿Sa的生日願望繼續精力無窮Work hard play harder！
Twins最近忙於北美巡演，剛完成了溫哥華站，適逢蔡卓妍（阿Sa）生日，由香港機場出發就已經開始收蛋糕，收到溫哥華、多倫多，歌迷不停送上生日蛋糕、生日禮物，鍾欣潼（阿嬌）又於演唱會現場同全場歌迷一齊唱生日歌給她聽、工作大隊為她慶生、溫哥華的家人朋友又食生日飯，生日慶祝至今天仍繼續中。
Twins溫哥華站，適逢阿Sa生日。
阿Sa由香港機場出發就已經開始收蛋糕。
歌迷不停送上生日蛋糕、生日禮物。
生日快樂！
Twins來到多倫多尼瓜拉瓜大瀑布當日，正是22號阿Sa正日，大隊一齊去了日本餐廳慶祝，阿Sa今年踏入42歲，工作人員把插到蛋糕上的數字改為「24」，但阿Sa非常正面地自己把蠟燭調番轉，「你睇下我個人幾誠實！哈哈。人係會長大，假如今日我停留係24，大家就再見唔到我啦。我極度開心自己一年大一歲，証明我健健康康快快樂樂地活著，好好享受生命每一刻。」日本餐廳嘅服務員重好熱情，主動為阿Sa跳舞慶生，還有靚仔叫Sa 拍佢pat pat ，又想拉佢跳舞，嚇到阿Sa狂笑不止，十分搞笑。
22號阿Sa正日生日，大隊一齊去了日本餐廳慶祝。
阿Sa今年踏入42歲，工作人員把插到蛋糕上的數字改為「24」。
日本餐廳嘅服務員熱情為阿Sa慶生。
靚仔叫Sa 拍佢pat pat。
今次巡演，Twins異口同聲表示覺得份外非常珍貴，「因為真係唔知幾時會再做咁長時間巡演啦，6 場成個tour差唔到走20多日，唱完多倫多、之後重要去大西洋報、拉斯維加斯，雷諾，再去英國倫敦！年紀愈大就愈覺得張學友，劉德華佢地好勁，六十幾歲重唱成百場，我地兩個六十幾歲個年都唔知會點啦，歌迷都或者揍孫，唔得閒理我哋啦，所以好期待今次每一站見到唔同地方嘅歌迷，好珍惜每一刻相聚。」
Twins異口同聲表示覺得今次巡演份外非常珍貴。
壽星女阿Sa表示：「由香港機場到依家，已經吹左7個蛋糕，有啲係歌迷親手整，有啲係朋友送。今年生日好特別啦，因為時差關係，有兩日呀。感恩自己今年做咗好多嘢，雖然好忙 但係好充實嘅！希望嚟緊呢一年，身體健康 繼續有無窮無盡嘅精力，工作之餘仲可以去多啲旅行，Work hard, play harder！多謝大家嘅生日祝福，我收到晒！」
壽星女阿Sa表示由香港機場到現在，已經了左7個蛋糕。
阿Sa希望新一年，身體健康，繼續有無窮無盡的精力，工作之餘仲可以去多啲旅行。
《TWiNS SPIRIT演唱會》一直以來都是四面台，到溫哥華開始變身三面台，Sa、嬌也還未全習慣，所以經常有很多蝦碌發生，例如走錯位，行錯方向等等，非常搞笑。溫哥華站兩人落台跟觀眾握手，更引起全場瘋狂，群情洶湧，阿嬌準備返舞台時，行經panel附近無法前進，結果只有上咗Panel度坐咗一陣，等觀眾反返自己位置冷靜，阿嬌更突發就係panel叫大家一齊同阿sa唱生日歌慶生，阿Sa係台上笑言，「點解你係個度唱嘅？哈哈。」阿嬌：「好少可以係人群之中咁狀態，好特別呀，大家一齊唱生日歌比阿Sa聽！祝你生日快樂！」
二人在溫哥華站落台跟觀眾握手。
阿嬌帶領全場歌迷一齊唱生日歌給阿Sa聽。
對於握手群情洶湧，但阿Sa冇有怕：「之後重有大西洋城，拉斯維加斯，然後英國倫敦！唔怕啦，其實我係一個幾鐘意同觀眾握手嘅人，哈哈，因為每一個近距離握手觀眾，都係四萬咁口望住你，都好開心㗎，好似大家互相交換開心能量咁，好正。」阿嬌就話：「好耐無黎加拿大，見到朋友仔好開心，仲飲到老豆屋企煲既湯水，好暖心。觀眾反應都超乎自己預期啦，咁耐無黎大家都咁熱烈，都好開心。因為舞台有變化所以要記好多新位置，第一場仲有jet lag，個人未係好warm up，希望之後幾場越來越好！」
Good Show!
