王引用曾鈺成金句：「蠢人一定會做蠢事」
親建制資深藝人陳百祥（阿叻）和反修例藝人杜汶澤昨日到港台節目《視點31》辯論香港連月示威衝突等議題，「世紀大戰」逾27萬人觀看直播，引發社會熱議。
王迪詩形容陳百祥有如「衝出嚟裸跑」。港台截圖
女作家王迪詩在社交網站，提及2015年為香港電台另一節目《我係乜乜乜》擔任主持訪問阿叻時，有人質疑為何不當場反駁、鬧爆對方。王迪詩解釋，「大佬，你估忍笑好容易？面前嗰位不斷講嘢推翻自己三秒前講過嘅嘢，不斷指住隻鹿話係馬，花0.1秒同佢拗我都覺得浪費自己人生」。
王迪詩在港台節目《我係乜乜乜》訪問叻哥。港台截圖
王迪詩認為，對方「衝出嚟裸跑，我點解要幫佢減少做小丑嘅air time？世人自有判斷」。她又引用前立法會主席曾鈺成金句，稱為「蠢人一定會做蠢事」。
王迪詩2015年在港台節目《我係乜乜乜》訪問叻哥。港台截圖
她又指，當年阿叻將「complain」讀成「compan」，不斷話「香港人成日compan compan compan」。王迪詩自言，「對我哋呢啲受過基礎英語教育嘅港女...想嘔，但又唔可以糾正佢，因為佢死都唔會相信自己讀錯字」。
王迪詩認為，反修例網民必須要接受，這個世界有一班數量龐大的人的腦袋有先天性缺陷。她認為，為何這麽多人這麽容易相信假新聞，是因為先入為主，「插入第一個message佢就會信到十足，就算之後再澄清，已經係第二個message，個腦冇位放」
陳百祥和杜汶澤昨日到港台節目《視點31》辯論議題。港台截圖
她覺得，「阿澤好努力講出是非黑白，真係盡曬力，藝人講良心說話係好難得」。她更建議，對住「藍絲」，就當一場娛樂，對住警察「亦都唔好言語上挑釁佢，因為就算嗰個係你親人，你呢世都改變唔到佢」。
譚詠麟表示：「我同佢作風唔同，希望佢做到自己鍾意的」。
「樂壇校長」譚詠麟（阿倫）率領的「老六兄弟」明星足球隊成員衛志豪、莫家淦、張智軒、潘梓鋒、羅鈞滿和伍偉樂，昨晚（3月11日）六位成員精神奕奕拉隊現身新城廣播，接受由薛家燕、范振鋒、思敏主持的《開心大派對》節目錄音訪問，而在訪問中途，譚校長阿倫突襲驚喜現身錄音室，令到全場驚喜大叫，整個錄音室都笑聲不絕。
譚校長在訪問中途突襲驚喜現身。
譚詠麟、薛家燕、范振鋒、思敏與「老六兄弟」明星足球隊。
譚校長阿倫為力撐「老六兄弟」不惜大玩驚喜現身，家燕姐問阿倫為何特別提攜這班年青人？阿倫笑言：「我冇睇好佢哋，佢哋係靠自己，將自己化腐朽成形。（所以畀機會佢哋？）我哋（明星足球隊）每次出外都有個環節與眾同樂，同啲球迷一齊唱吓歌，成日唱《萬水千山總是情》，咁不如搵隻歌可以又唱又跳。（唱你啲歌？）梗係要唱我啲歌！哈哈！」
至於何以有「老六」成員出現？阿倫直指因為眾人不怕蝕底，他稱：「呢個圈都係咁，成班人食飯期間，要有人唱歌搞吓氣氛，佢哋一個個行出嚟，又唱得唔錯，所以唔怕蝕底就有着數。」
薛家燕、譚詠麟、范振鋒
早前傳出阿倫和老友陳百祥（阿叻）因明星足球隊「分家」問題而鬧不和，兩人亦未就事件作出回應，不過阿倫在節目上多次提起阿叻。當阿倫沾沾自喜有過百首親自創作的歌曲時，家燕姐笑指要跟阿倫學習，皆因他永遠都充滿自信，阿倫聞言即謂：「我都係跟阿叻學習，佢係主席，我係會員。」
阿倫回應與老友阿叻不和傳聞。
家燕姐又追問阿倫：「聽聞明星足球隊分咗兩隊？」阿倫直認不諱：「真係有呢件事，空穴來風必有因。」是否兩隊作風不同？阿倫也直言：「出面啲人成日都問我係咪同阿叻唔啱？點會唔啱呀？幾廿年朋友，唔會為咗呢啲嘢；不過當日睇到新聞條片個心都離一離，驚唔知點答傳媒朋友，返到屋企發咗幾晚噩夢，仲紮醒。」
譚詠麟、薛家燕、范振鋒與「老六兄弟」明星足球隊。
阿倫續說：「但其實諗通咗就好簡單，都係幾樣嘢，無論職業、商業、業餘都好，全球有咁多華人，個個都識我哋，嗰餅咁大，點搞都好，只不過依家覺得佢同我哋嘅風格有些少唔同，因為佢比較肉緊啲，我哋比較嬉戲啲，大家睇法唔同；全球咁大，佢想點踢同點睇都得，相信有一日，佢迷途會返嚟，但佢未必迷途，可能佢方向啱都未定，我都希望佢做到自己鍾意嘅，其實我哋私底下仲有見面呀，過年都有講恭喜發財。」
薛家燕、譚詠麟
詳細節目內容，請留意3月15日，下午3-4時，新城知訊台《開心大派對》節目，網址：https://www.metroradio.com.hk/MetroInfo/
