港男稱搭巴士因急剎遭拋飛企穩手中多1物網民疑作故仔：網上有得買

社會事

港男稱搭巴士因急剎遭拋飛企穩手中多1物網民疑作故仔：網上有得買

2024年09月09日 12:30 最後更新：16:27

有港男在threads發文，說早前坐巴士，巴士突然急剎，恰好那時他正按在落車鐘上，待站穩後發現竟扯甩落車鐘掣，引來網民熱議。

巴士急剎扯甩了落車鐘掣

港男發文表示，巴士急剎時，自己「一嘢飛咗去，飛咗出去走廊啫」，而當被拋出走廊站穩後，才發現「手揸住啲嘢，點知一睇，X！」。原來是他扯甩了落車鐘掣，於是上網求助「黏返上去扮無事，定係攞返屋企練習撳鐘仔？」。

網友笑爆：俾你留念

帖文引來不少網民留言，有人笑爆「俾你留念」、「CLS，搭巴士有手信」、「SLDPK（笑到X街的簡稱），大力出奇蹟」。有人「可以練下手速」、「寄番比九巴」、「九巴特別紀念版，未來應該好值錢，你應該留著佢給子孫後代！」。

地鐵頭頂波型扶手都出過事

有網民分享以往的經歷，「好多年前地鐵頭頂個扶手仲係個波嗰陣，有一次又係急剎之後，大家企定定，我發現對面個男人隻手多咗個波波扶手，我已經笑到X街，但佢好冷靜咁望咗一眼。然後架車到站，佢施施然咁踎低，輕輕力放咗個波波扶手喺地下，再慢慢起身拎轉面落車。全程神態自若，彷彿唔係第一次掹甩扶手咁」。

有人懷疑真假二手平台有得賣

不過也有人質疑樓主所言，認為他該按鐘掣是從網上買回來的。在二手平台carousell搜索，可發現九巴按鐘掣現售40蚊1個。

Tags:

九巴巴士

往下看更多文章

港鐵車廂驚現「米奇」狂奔網笑：應該係迪士尼線走出來！

2025年01月14日 12:30 最後更新：15:01

日前港鐵車廂上演了一場「米奇」鬧劇，有網民上載了一段影片，只見一隻精靈又生猛的老鼠，在一列港鐵車廂裏到處亂竄，嚇得一位女乘客驚呼「黐線架真係」！

老鼠仔肆無忌憚在車廂內亂竄

女網友以「到咗2025年，米奇都識搭鐵去迪士尼了」為題，在社交平台發放片段，只見當時車廂內大部份的人都正低頭看手機，沒留意有一隻老鼠仔正肆無忌憚在乘客的座椅下穿過。牠更由一個車廂跑到另一個車廂，有目擊的乘客即縮腳躲避，亦有女乘客驚呼「黐線架真係」！

網友：應該係迪士尼線走出尼(來)

影片至今已吸引了6.5萬次瀏覽及逾930次分享，網友熱烈留言表示：「佢冇買飛上車，捉佢」、「應該係迪士尼線走出尼(來)」、「米奇出去玩完返屋企啫」、「夠鐘返屋企」、「寵物忘記帶上鼠帶」、「佢跑得好可愛」、「咁少垃圾桶都有老鼠」、「俾我見到一定狂尖叫，好癲，老鼠」、「等d人仲成日話忙到冇時間食飯，要喺車食嘢，影響唔到人就得，依家老鼠都有，恐怖」等。