主婦保溫買餸車放幼童拖住行街 網驚：係咪想熱死佢？

不少人去街市買餸或超市購物都會拖架買餸車，以免拎到身水身汗。但日前有網友竟在街頭見到，有主婦拖着保溫買餸車，但內裝的不是菜而是一名幼童！

網上圖片

幼童安靜坐買餸車全程無扭計

近日Threads上流傳一條影片，片中一名主婦拖着保溫買餸車在人來人往的街道上行走，而車內卻坐着一名幼童，只僅露出頭部。雖然買餸車拖行時有些顛簸，坐在車內的幼童也隨着路面起伏而輕擺頭部，但他全程表現安靜並沒有吵鬧，還不時望着身邊路過的途人。

網上圖片

網友擔心：係咪想熱死？

影片引來好多網友的關注，認為雖然幼童坐在車內好可愛，但以這種方式「運送」甚為危險。「好危險，但呢個畫面又好得意」、「最勁係佢唔扭計」、「而家湊仔真係要考牌先」、「佢仲要坐咗喺個保溫袋入面，係咪想熱死？」、「拖還拖，帶返個兒童頭盔好啲」、「不如拎返BB車」。

網上圖片

有婆婆以同樣方式運BB結果翻車

而有網友指都曾經見過有婆婆以同樣方法載住個BB，但豈料一路太顛簸，婆婆抓不住車子，幼童連車一起摔到地上，BB個腦撞到地，「我見佢抱起個B，冇見紅，仲識喊。我仲叫個婆婆最好同個B睇一睇醫生，同醫生講聲咁樣撞到個後腦」。

網上圖片

網民懷念：我細個都係咁坐！

不過原來也有不少網民小時候也試過坐着買菜車，在街市中穿梭，他們對此表示非常懷念「細個都有坐過類似，唔知有冇人都係咁，紅色格格網車加個奶粉罐當櫈坐」、「我細個都係咁坐」、「童年回憶」、「細路應該覺得好玩」、「我想坐入去」。

1月29日就是大年初一，年近歲晚亦都是提防扒手及爆竊的重要時刻。在粉嶺公屋皇后山邨，有居民近日發現有可疑男子在不同單位外鬼祟亂按門鐘，疑似「踩線中」。

上載多張可疑男子的相片提醒街坊

樓主在facebook群組「皇后山乜都友」以「冬防！街坊注意此人，㩒多個單位門鐘......（最佳方法將此人大頭貼於門外）」為題發帖，並上載多張可疑男子的相片，及1段長約7秒鐘的按門鐘天眼短片。

FB截圖

可疑黑衫男單位外按兩次門鐘

從天眼短片可見，事發於1月7日晚上10時50分左右。短片中，出現一個戴鴨舌帽的黑衣可疑男子。男子背對鏡頭，正按一個單位的門鈴。按了第一次門鈴後，男子突然掩咀狂咳。當意識到單位無人應門後，男子在咳嗽聲中再按下第二次門鈴，並轉身離開；而樓主亦在回應網民提問時補充，「暫時7座」、「㩒咗5個單位」。

FB圖片

FB圖片

FB圖片

FB圖片

樓主拍攝到正面照

留主上載的相片大多都是正面照，清楚見到可疑男子的容貌。不少網民都提議「將此人大頭貼於門外」，或「叫房署print（打印）呢個可疑人在大堂及有關樓層」。

網民：年尾多古怪人出入

有網民直指男子可能在「踩線」，提醒要「做好守望相助啊！」，並建議「報警備案啦！」和「要開保安大會啦，仲要近年尾，新年，特別多古怪人出入」。另有人提到「呢啲嘢永不落空，任何座都有機會，發現可疑人，即出post（發帖），傳開去，好快落網」。