VIVA首次擔正拍大型廣告 連續三日密集挑戰拍攝跳舞

初次唱廣告歌入屋大感興奮

新晉女團VIVA首次代言香港麥當勞早餐產品「蕃茄濃湯扭扭粉系列」，四人更同時主唱廣告歌曲《Morning Call》，歌曲更是VIVA今年第三首主打歌，廣告及MV今晚凌晨（8日）正式上架。

新晉女團VIVA首次代言香港麥當勞早餐產品「蕃茄濃湯扭扭粉系列」

首次主演廣告，VIVA四人都有不少難忘的拍攝片段，廣告前後花了三日時間逾60小時拍攝，無論精神及體力都係一大挑戰，Carina透露為了節省來回車程時間，就直接到住在拍攝地點附近的朋友家裏暫住，爭取時間休息，「我自己心理真係有影響，哈哈，好在現場我啲隊友撐住我。」Macy亦有同感，「最難忘係三日穿着同一套服裝拍攝，因為我哋每日跳舞都出好多汗，Carina同我仲要着冷衫，不過唔緊要，好在現場食番啲好嘢，哈哈。」

Carina透露為了節省來回車程時間，就直接到住在拍攝地點附近的朋友家裏暫住，爭取時間休息

Macy最難忘係三日穿着同一套服裝拍攝

VALC跟Ada表示最印象深刻一定是開車的場景，沒有車牌的VALC拍攝時坐在司機位負責開車，「嗰一刻我覺得自己好似識揸咁，前面有架車拖住我哋呢架車，我覺得係好新奇嘅一件事，因為我冇試過咁樣，覺得好好玩，同埋一路吹住風、一路拍嘢係幾舒服。」拍完這場景，VALC已立即表示會積極考慮考車牌。除此之外，Ada自爆拍攝時不停喪食薯餅，「第一次拍食嘢，以前睇啲食嘢廣告，以為食幾次ok，但原來因為要拍攝唔同嘅角度，所以我應該食咗超過十塊薯餅，我係『負責薯餅部門』，哈哈，同埋因為都有NG，所以食得越嚟越多，隊友見到都有問我駛唔駛幫手，但我懷疑其實佢哋自己都好想食，哈哈。」

VALC跟Ada表示最印象深刻一定是開車的場景

沒有車牌的VALC拍攝時坐在司機位負責開車

Ada自爆拍攝時不停喪食薯餅

除了首次主演廣告，今次亦是她們首次唱廣告歌，VIVA坦言一知道確定拍攝廣告的時候，四人既緊張又興奮，更沒有想過能唱廣告歌。收到Demo的時候，四人已覺得曲風十分「早餐」，Ada謂記得聽Demo當日，她給她的弟弟聽了一遍，「我細佬聽完之後就話即刻聞到好似有一種去咗麥當勞嘅感覺嗰陣味。所以我就覺得原來一首歌真係可以帶到一啲咁深層嘅意境或者係一個畫面俾大家嘅感覺，呢個都係我第一次感受到。」

VIVA坦言一知道確定拍攝廣告的時候，四人既緊張又興奮，更沒有想過能唱廣告歌。

張敬軒真係好愛錫後輩！

由姜咏鑫（Ada）、李晞彤（Carina）、馬思惠（Macy）及張鈊貽（VALC）組成的女團VIVA今年五月出道，四人出道半年，為了讓成員之間磨合得更好，一向愛錫後輩的師兄張敬軒決定化身「軒社監」借出自己當年的發跡屋，讓VIVA入住一個月。

張敬軒借出當年的發跡屋給師妹VIVA入住。

展開一個月熟成計劃。

軒仔的「發跡屋」位於在天后廟道、樓齡過半百的千呎唐樓，是他搬到港島區後，第一間租住的屋。VIVA入住前，軒仔特意添置不少新傢具及裝修，包括：拆窗花、做廚櫃、翻新牆身、換地板及大門。借出發跡屋，軒仔坦言考慮了一段時間，「四個互相唔太熟嘅女仔變成一個組合，係一件唔容易嘅事，自己亦都同佢哋做過幾次嘢，見到仲有好多嘢需要磨合。所以會想佢哋『同居』一個月，或者一齊住仲會更加多磨擦，但係亦都係對佢哋自身嘅關係會更鞏固，更加了解大家。」

軒仔的「發跡屋」是位於在天后廟道、樓齡過半百的千呎唐樓。

軒仔特意為VIVA添置不少新傢具及裝修。

軒仔特意為VIVA添置不少新傢具及裝修。

軒仔希望VIVA「同居」後關係會更鞏固，更加了解大家。

「軒舍監」親手寫下十大宿社規條：和睦相處、不能帶異性朋友過夜、節約用電安全用電、注意個人衛生、注意鄰舍關係、培養自己的生活習慣、注室友感受、觀察這個社區、注意房間清潔及學會照顧自己，幽點之餘又充滿愛。舊地重遊，軒仔回憶返晒嚟，「呢間屋承載咗好多回憶，包括第一次上紅館、成張《No. ELEVEN》、同埋《酷愛》有啲歌嘅Demo，都係喺呢度唱，《故園花茶》都係喺呢度寫。」

「軒舍監」的話

「軒舍監」的話

觀看相關影片按連結：https://youtu.be/apPZpeQgJto

雖然VIVA早前於韓國集訓時已有同居經驗，但這次正展展開同居生活，四人都有點擔心，「喺韓國因為始終未係咁熟，大家包容度高好多。但而家熟咗啦喎，係咪好多嘢都可以直接講呢？哈哈。」隨後節目組分配各自的家務擔當：「廁所長」Carina負責廁所、吸塵及抹地；「廚房長」VALC負責廚房、煮飯及洗碗；「客廳長」Macy負責客廳、買餸及倒垃圾；「飯廳長」Ada負責飯廳、洗衫及熨衫。

觀看相關影片按連結：https://youtu.be/UFDHPD6MULY

正式入住第一日已經迎來挑戰，就是自己搬行李行樓梯上單位，只見Ada一手將行李箱托起，然後一鼓作氣搬上去，當Ada已經到達單位門口時，其他三位成員仍只是剛開始上樓梯，最後Ada跑落樓梯，幫忙隊員搬篋，認真唔話得。入屋後，問到VIVA希望會有一個怎樣的經歷，VALC坦言想玩，「長期有班friend喺度同我玩會係乜嘢感覺呢？」Carina好奇道：「柴娃娃一齊玩一齊做mission其實係非常之簡單，但係坐喺度講一啲內心嘅說話，先至係最難。」Ada希望想找一個溝通的出口；Macy想大家再熟絡點，「希望我哋私底下都可以變到係friend嘅friend。」

正式入住第一日已經迎來挑戰。

搬行李是一大難題。

Ada自己搬完行李，便跑落樓梯，幫忙隊員搬篋。