賴慰玲陀第二胎未能陪囝囝參加馬拉松派星級契媽蔡思貝吳嘉禧陪跑

娛圈事

賴慰玲陀第二胎未能陪囝囝參加馬拉松派星級契媽蔡思貝吳嘉禧陪跑

2024年11月07日 17:00 最後更新：11月08日 13:24

賴慰玲雖然未能落場陪跑，但都有到現場為囝囝打氣！

38歲賴慰玲（Winki）於2017年與舞台劇演員梁子峰奉子承婚，同年12月誕下囝囝Marat。相隔6年，賴慰玲於今年8月再報喜，宣布將再做人母。由於正在陀B，所以賴慰玲未能陪6歲的囝囝Marat參加馬拉松，於是她派出囝囝兩位星級契媽陪跑！

點擊看圖輯

賴慰玲於2017年宣布結婚及懷孕喜訊，與舞台劇演員梁子峰結婚，並在同年12月誕下一子。

以往賴慰玲都會陪囝囝參加馬拉松，但今次因為懷孕，所以未能上場。

不過Marat為認真比賽拒絕打卡，最後與契媽媽們以16、17、18名到達終點！

賴慰玲於2017年宣布結婚及懷孕喜訊，與舞台劇演員梁子峰結婚，並在同年12月誕下一子。

賴慰玲於今年8月宣布將再做人母。

以往賴慰玲都會陪囝囝參加馬拉松，但今次因為懷孕，所以未能上場。

於是派出囝囝兩位星級契媽蔡思貝和吳嘉禧陪跑！

契媽媽們除了陪跑還幫手打卡。

不過Marat為認真比賽拒絕打卡，最後與契媽媽們以16、17、18名到達終點！

賴慰玲雖然無份跑，但都有到現場為囝囝打氣。

之後又帶囝囝去酒店食大餐。

Marat好開心！

意外影到吳嘉禧的黑圖。

米妮摸摸賴慰玲的孕肚。

滿足的一日！

賴慰玲在IG貼出囝囝Marat與兩位契媽蔡思貝和吳嘉禧參加迪士尼馬拉松的照片，並留言：「為咗呢個3K Run，佢練跑、瞓唔着、不斷問點可以跑快啲，我知以我而家身勢係無可能追到佢嘅，所以佢好幸運有兩位跑開嘅契媽媽，沿途一齊跑入Park正所謂美景處處，契媽媽們都問佢要唔要打卡呀？唔洗、唔影！再以火箭般嘅速度前進，兩位唱住：Let him go~ Let him go ，最後以16、17、18名到達終點！欽敬欽敬！#下年我同你哋一齊跑#不過可能我會打卡 #都係終點見啦」。雖然賴慰玲未能陪跑，但都有到現場為囝囝打氣，之後還帶囝囝去酒店食大餐！

View this post on Instagram

A post shared by 賴慰玲 (@laiwinki)

往下看更多文章

奔跑吧｜吳若希自毁顏值演「烏搲老婆」賴慰玲演當紅女星獲讚女人味大爆發

2024年12月31日 14:30 最後更新：17:01

吳若希和賴慰玲的演出都獲網民大讚。

無綫新劇《奔跑吧！勇敢的女人們》（以下簡稱《奔跑吧！》）昨晚（12月30日）劇情講述綜藝紅人丁仲堯（蕭正楠飾），與當紅女藝人沈洛澄（賴慰玲飾）表面上是歡氣冤家、乜都鬥餐死，但實質卻是愛火重燃的舊情人，丁仲堯背著在外國生活的太太林采琳（吳若希飾）與洛澄打得火熱。元宵前夕，采琳突然回港向老公送上「愛的驚喜」，因而令丁仲堯與洛澄陣腳大亂…

觀看相關影片按連結：https://youtu.be/M3QoewNdug4

首集劇情雖然簡單，但卻迎來不少「花臣」，除了劇集一開始已有蕭正楠扮鬼扮馬在劇中拍攝不同款式廣告外，由於劇情講到三位主角初入行時因為拍攝了一個蒸餾水廣告而結緣，首集播出了以AI炮製、以三人為主角的逆齡廣告片，片段所見，三人以AI換面變年青後的樣子夠晒卡通兼有記憶點，完全符合劇集的喜劇風格，網民亦大讚有驚喜及新鮮感：「幾有誠意」、「學生Look賴慰玲好癲」。

吳若希事後亦在個人社交網分享了相關片段的製作花絮：「呢個廣告好好笑，公司用AI技術，搵咗我哋10年前相，套咗落去呢條片度，WELL…呢班人，真係10年前嘅人嚟㗎！」劇組透露，相關片段是由三名演員親身上陣拍攝，再由AI換面成十年前樣子，果真相當有誠意；另賴慰玲今早在個人社交網公開詢問網民「想唔想（要番）無AI幫手嘅原圖」，引發網民期待。

對於無綫相隔一段時間再推出輕鬆愛情小品劇，網民普遍受落，並大讚吳若希確實有戲劇天分：「勁耐冇呢啲輕鬆愛情劇」、「好緊張，又好搞笑！」、「笑片，幾好睇，上次《香港人在北京》吳若希都做得幾好」、「演大癲大喪的人ok呀」、「吳若希做喜劇真係幾好笑」、「上次嗰套上《東張》（註：《香港人在北京》）自己變聲，笑死」。

查實昨晚吳若希可謂全方位展示喜劇及演藝天分，除了一再自毁顏值包袱扮演早已脫節的「烏搲老婆」、臨尾的自以為大限將至的淚崩戲、兩場與蕭正楠的正面交鋒戲亦笑點十足！除了有玩到著晒火的浴室調情戲，還有簡單的吃湯圓戲份，二人亦能透過一個超大湯匙引發網民熱討，吳若希的「忍笑喪啪湯圓」更成為昨晚網民熱推gif！

至於另一女主角賴慰玲（阿賴），由於劇中飾演當紅女藝人，昨晚出場造型自然千嬌百媚，集有型與嬌美於一身。阿賴的新劇造型昨晚亦火速成功入屋，網民大讚升呢人母已有一段日子的阿賴女人味大爆發，並封她為「國民家姐」：「女人味爆曬出嚟」、「唔識老」、「賴慰玲幾時都咁有姐姐格，朕封佢做國民家姐」。除女人味大爆發，阿賴昨晚還大派表情包，尤其向阿蕭投放的「呷醋」及「撒嬌」表情包更是少女味十足，難怪成功俘虜網民。