法國足球大帝亨利落實來港作賽 張敬軒「掛靴30年」為球賽獻唱

軒仔透露小時候曾有個足球夢，曾經擔任前鋒位置，但中學一次韌帶受傷後便將夢想轉移去音樂。

由TIMEWOW、World Football Legends（WFL）及ACO Media聯合全資主辦、皇家馬德里球會官方授權的「LEGENDS ASSEMBLE傳奇球星表演賽系列 - 皇家馬德里球星 對 巴塞隆拿傳奇」將於2024年12月20日於香港大球場舉行。當日入場的所有球迷將會自動進入遊戲，大會將會送出十位球員親筆簽名足球給十位幸運球迷，絕對含金量十足。

「LEGENDS ASSEMBLE傳奇球星表演賽系列 - 皇家馬德里球星 對 巴塞隆拿傳奇」將於12月20日於香港大球場舉行。

早前主辦方已公布落實到港的傳奇球星包括：羅拔圖卡路士Roberto Carlos、費高Luis Figo、卡斯拿斯Iker Casillas、奧雲Michael Owen、簡拿華路Fabio Cannavaro、古華特Patrick Kluivert、沙維Vavi Hernandez、大衛韋拿David Villa、佩奧爾Carles Puyol。

最近又迎來好消息，主辦單位近日收到法國足球傳奇、一代射手的大帝亨利Thierry Henry簽署的落場協議。其實亨利一早已經落實會加盟球賽，但由於所有公布來港的球員都需要簽署落場協議，承諾會上場比賽，所以亨利參與球賽的消息未能趕及於上月舉行的記者會一同公佈，近日主辦方收到簽署協議，便立即分享喜訊。

大帝亨利落實會加盟球賽！

並已簽署落場協議。

被稱為「足球大帝」的亨利於他的足球生涯擁有非凡成就，2004年和2005年的歐洲金靴獎得主、唯一獲選三次英格蘭足球先生的球員、英超有四個球季成為神射手，助球隊贏得西甲、西班牙盃及歐洲聯賽冠軍盃，成為三冠王。

亨利有「足球大帝」之稱。

足球生涯擁有非凡成就。

大帝來港，大會亦邀請了「皇上」張敬軒為球賽加持，軒仔表示自己小時候經常踢波，更有一個足球夢，「其實我細個嘅時候都有個足球夢，曾經擔任前鋒位置，但因為中學受過一次韌帶嘅傷患，自此就由一個足球夢轉咗去音樂夢。」他又自爆打機都會玩足球game「過吓腳癮」。問到這次球賽擔當甚麼位置，「掛靴多年」的軒仔表示當天不會落場：「我都掛咗靴30幾年，我都係做返自己擅長嘅嘢好啲，嗰日我會唱歌俾大家聽，幫大家打氣。」

張敬軒任表演嘉賓為球賽加持。

售票平台 :

Klook：https://s.klook.com/legends_assemble

Trip.com：https://hk.trip.com/w/SmZ1kNr1RY1

著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。

李居明大師稱屬狗與屬猴人士，在蛇年當中運勢最旺。（本網記者攝）

李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」

同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」

（本網記者攝）

屬猴藝人：張敬軒

屬狗藝人：姚焯菲（Chantel）

李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」

他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」

要小心腳傷。

李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」

增加了轉工、搬屋同旅遊的機會。