社會事
整日聽人講，香港人最中意排隊，百聞不如一見，近日就有網民拍攝到放工時分的黃埔某商場門外，竟然有超過30人大排長龍，而吸引大家的竟然是有麵包店推出優惠，拍攝的網友亦不禁感歎：「為咗買半價麵包，香港人可以去到幾盡？」
fb圖片
該網友在網上發布一段影片，指晚上8時左右的黃埔某商場的麵包店外，有逾30人大排長龍，該網友亦忍不住問道「為咗買半價麵包，香港人可以去到幾盡？」。
fb圖片
fb圖片
帖子曝光掀起民熱議：「唔關半價事，香港人係鍾意排隊」、「香港人慣性有平嘢就一齊湧埋去」、「有咩特別，慳儉係美德」。
fb圖片
近日有不少人趁著長假期出遊，但早前有港女因帶哮喘藥，被機場安檢職員截停，職員態度更是激到她無名火起，事情惹來網民熱烈討論。
示意圖
港女帶哮喘藥安檢被截停
早前，一位港女在社交平台以「香港究竟發生咩事？」為題發文，直指自己近日在機場準備外遊時，在過安檢的途中就被當值職員截停，而事件起因竟然是單單因為一枝哮喘藥！
threads截圖
職員1句質疑惹爭議
事主被截停時，當值男職員說「你個袋有支氣體」，事主亦坦言回應「 係呀，係我支哮喘藥」。誰知該名男職員竟揚言「我都希望係哮喘藥」。聽到職員似乎話中有話，事主雖十分不爽，但仍「打開個袋」供對方檢查，並補充「個袋得枝哮喘藥係氣體」。對方回應道「哦，好呀，係哮喘藥就得啦」，並對負責截停她的女職員無奈表示「係哮喘藥黎，幫你唔到」。
香港哮喘會圖片
網民分享同款無奈經歷
針對兩位職員的言論，事主嬲爆大呻「請問，呢兩位人員係咪應該再培訓？可以咁樣講野？」、「咩態度？咩意思？」。大批網民旋即分享類似經歷，有人表示「幫佢唔到？乜捉到人有違禁品變左KPI咩？幾恐怖喎」、「老實講covid前啲機場保安正常好多，好efficient。而家啲保安似商場看更，咩都唔識，我都試過哮喘藥、非壓縮face spray（得英文）俾佢拎出嚟研究成分鐘。」、「我嗰次拎100ml藥水上機，有晒label。個女職員問我咩嚟，我話藥水嚟嘅，我有醫生紙，然後佢話正常唔俾上機架，因為咁大支我唔知你入面嗰啲係咪藥水嚟，我地每樽液體上限係100ml。但樽藥水寫住100ml….佢問返我轉頭乜原來支藥水係100ml….」。
TVB《飛常日誌》劇照
