睡魔急call問誰可擋？「細佬」眼仔碌碌頂得住「家姐」熊腳成焦點

社會事

睡魔急call問誰可擋？「細佬」眼仔碌碌頂得住「家姐」熊腳成焦點

2024年12月12日 22:08 最後更新：23:23

家姐：細佬除咗可愛之外，仲有個作用，就係幫我晾腳！

海洋公園12日再發布大熊貓盈盈的一對龍鳳胎BB影片，圈粉無數的「家姐細佬」繼續為一眾野生奶爸奶媽帶來無限歡樂。最新的影片可見姐弟二人平躺著登場，畫面之初大熊貓「家姐」已進入甜睡模式，「同周先生開個緊急會議」的家姐全程睡得好冧，小編亦搞笑為「家姐」配音，「睡魔急call？咁你就要睡MORE啦細佬！家姐表示唔會同睡魔鬥氣，睡好睡滿啊」

點擊看圖輯

IG圖片

更多相片

IG圖片

在 Instagram 查看這則貼文

🐼 香港大熊貓官方專頁（@pandahk_official）分享的貼文

而身旁的「細佬」則繼續展現自己鬼馬一面，睡意來襲亦誓死抗爭，只見明顯已不敵睡魔的「細佬」，仍好努力咁撐住對眼，小編再次發揮創意，為開啟好勝mode的「細佬」道出心聲：「瞓著就輸了」，哪怕無敵眼瞓，「細佬」依然睩大雙眼，中途幾度功虧一簣瞌埋眼，「細佬」都在關鍵時刻又醒返，「睡魔急call？我無驚過！我...頂得住」，最終「家姐細佬」都無懼世事變改，一個繼續瞓，一個繼續死撐。

影片曝光掀起網友熱議，大家紛紛搞笑留言：「除咗細佬，我個焦點放咗喺家姐隻腳度」、「點解你哋兩個瞓咁多都有熊貓眼？」、「無懼世事變改，還是愈來愈瞓」、「細佬，你唔瞓多D，家姐又會重過你啦」

往下看更多文章

海洋公園熊貓家族「竹」大家聖誕快樂 6寶齊齊享用大餐熊抱溫馨聖誕

2024年12月25日 23:29 最後更新：23:37

這個聖誕不太冷，快啲同身邊摯愛熊抱溫馨聖誕啦！

25日是聖誕佳節，雖然這個聖誕本港氣溫偏低，不過海洋公園內就暖意十足！因爲有大熊貓「盈盈」、「樂樂」、「安安」、「可可」同我哋港產熊貓BB「家姐細佬」為大家送上溫暖！「竹」大家聖誕快樂！

在 Instagram 查看這則貼文

🐼 香港大熊貓官方專頁（@pandahk_official）分享的貼文

海洋公園在社交網站為大家送上熊貓6寶的聖誕特別專輯，影片中可見熊貓們亦同大家一齊歡度聖誕，享用護理液精心準備的聖誕造型食物。海洋公園介紹，這些食物其實是護理員花很多時間精心準備的，分別有用竹製成的聖誕樹及「Merry Christmas」冰盤，原來還特別挑選了熊貓喜愛的紅蘿蔔、紫薯以及窩窩頭等等，絕對是為熊貓專屬打造的聖誕大餐！