快餐店逆市出奇招推「薄切豬扒及西多」引網民紛紛曬「超薄系列餐點」

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」

日前就有港人進入一間餐廳點菜後，先發現餐廳一處原來堆放了如山般高的味精存貨，指「極度影響心情」！

點菜後先見到二十幾箱味精存貨

自疫情過後，港人都比以往較注重飲食，多了在家煮食，盡量避出街食飯，以免吸取過量油份及味精，不過出外用膳始終難免。日前就有港人進入一間餐廳點菜後，先發現餐廳一處原來堆放了如山般高的味精存貨，指「極度影響心情」！

Getty示意圖

樓主：極度影響心情！

原來當日樓主出外用膳，入到餐廳坐底點餐後，先驚見餐廳一處堆了如山般高的味精存貨。 一箱箱的「味丹」特級味精，看來有二十幾箱之多，差不多堆到天花板，樓主直言：「當你坐低咗點完餐嘅時候見到，極度影響心情」。 

樓主出外用膳，入到餐廳坐底點餐後，先驚見餐廳一處堆了如山般高的味精存貨。FB群組圖片

網友回應超反轉，大讚餐廳有良心

不過樓主的帖文卻沒有引來對餐廳的評擊，他們反而大讚餐廳選用了台灣產地的「味丹」特級味精，「味丹算好啦！整箱候佛手你仲驚！」、「邊間咁有良心用名牌味精」、「用味丹咪好囉，起碼都係99%天然味精。又唔係化學味精有乜問題，鰹魚汁味淋都係同類野嚟嘅」

樓主坦言見到「味精山」後，極度影響心情。示意圖。《愛回家》劇照

網友另類見解：味精健康過鹽同雞粉

另有網民則認為出街食飯有味精在所難免「其實出街食都預左」、「全香港間間餐廳都用味精㗎啦，驚咪唔好出街食囉」，更有網民認為味精比鹽健康 「從科學角度，味精健康過鹽同雞粉」、「我都想講，如果用味精，減少用鹽，會降低高血壓風險(前提無味精過敏)，更有網民為味精平反「味精已經用咗有100年歷史，2024年啦，仲拎住老一輩口取相傳的故事」更叫樓主上網search下，MSG (味精)到底是甚麼。

Getty示意圖

不過亦有小部份網民同意樓主的觀感「用味精唔係最大問題，最大問題使唔使咁多呀」。