葉子楣分享保持21吋蛇腰秘訣 爆當年合約寫明不露點不食應酬飯

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！

葉子楣曾被傳拜狐仙，她在《直播靈接觸》大方否認，並笑言︰「無拜，連拜狐仙呢樣嘢都係今日先聽到。」

由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》昨晚（14日）討論話題為「狐仙」，嘉賓為葉子楣及狐仙信仰專家林千博師傅。

（左起）黃耀英、林千博師傅、葉子楣、思浩、Jojo及黃瀅仴。

葉子楣、林千博師傅應思浩邀請擔任嘉賓。

葉子楣一出場猛話身邊79歲的林師傅似好友「光B」尹光，引得全場哄笑。葉子楣1990憑三級電影《聊齋艷譚》中飾演白狐仙一角，成為一代性感偶像，更傳出她拜狐仙，所以能瞬間瘋魔萬千男仕。節目一開始思浩就單刀直問傳聞是否屬實，葉子楣大方否認，她笑言︰「無拜，連拜狐仙呢樣嘢都係今日先聽到。」身旁的林師傅亦證實，他說︰「1990年佢紅嘅時候，香港都未有狐仙堂。同埋拜狐仙有樣睇，明顯睇到佢無拜。」

葉子楣講笑話林千博師傅似「光B」尹光。

思浩跟葉子楣老友鬼鬼。

葉子楣接受訪問時透露拍過多部鬼片，但慶幸未遇過怪事。反而有趟出席親友白事時，有靈異遭遇，她說︰「殯儀館位堂倌同我講，有三位『小朋友』跟住我。」之後她找師傅做法事及放生雀仔化解，但自此開始戒食雞一類飛禽，她解釋︰「聽人講放生乜嘢，就唔可以食返。」

葉子楣多年仍維持21吋小蠻腰。

葉子楣多年仍維持21吋小蠻腰。

此外，林師傅表示一般人都將「狐仙」及「狐妖、狐狸精」混為一談，其實是非常錯，他以專家身份為狐仙平反說︰「一個係仙、另一個係妖，已經唔同。」他承認有不少風塵女子、演藝界人仕信奉狐仙，目的是想增加人緣。Jojo附和表示拜過狐仙後，試過同一時期有十多位男仕埋身，受寵若驚。

昨晚（14日）主題為「狐仙」。

林師傅補充有立壞心腸的第三者，狐仙亦不會庇蔭。他又講一單關於狐仙顯靈故事，傳聞有位拜狐仙的善信遇到交通意外，被拋出車外倒地一刻，被一條狐狸尾接住，安然無恙。