講起大家心目中理想的退休的生活，不少得環遊世界、衣食無憂等，有港男日前就在FB群組發文，詢問網民「你最嚮往的退休生活是怎樣？」竟然得到很多有趣的答案！
示意圖。設計圖片
答案離不開「食玩瞓」
樓主發帖問大家「最嚮往的退休生活是怎樣？」，引來大批網民的回應。他們寫到「無憂無慮」、「食玩瞓」、「想點就點」、「同老婆共渡餘生，坐郵輪」、「無咩病痛，有足夠衣食」等等，而樓主自己亦在回應處留言，分享憧憬的退休生活「唔使憂柴憂米，瞓到自然醒，每日做運動，享受生活」。
示意圖。設計圖片
網民憧憬生活有趣到你估唔到
不過除了類似這些人之常情的答案，有不少網民在退休後，卻有一些令人意想不到的事情想做。有網民分享「自己一個周街躝，冇任何認識的人知我喺邊。」、「每日兩次按摩，三次沖涼兼換內衣褲，三點半小睡一粒鐘。」、「自己擁有一個小工場，造啲有用或冇用嘅大玩具出嚟過下癮！」、「每日可以一路踩單車，一路開住個喇叭聽自己鍾意嘅歌，唔理其他人嘅感受。」、「回復青年時，每天不黐家，不大吃大喝，運動。接受現實老了另一階段生活。」
示意圖。設計圖片
而最多人嚮往的退休生活竟然是......
而令人意外的是，在最嚮往的退休生活中，竟然最多人表示仍想返工，「可以繼續做嘢，我要返工！」、「打半日風流工，終日無所事事個人都快變廢人。」、「仲有能力返工」、「無病無痛！做一份不存在經濟壓力的簡單工作！」、每星期最好返3至4日半天風流工。返到工等於有朋友、同事、生錢及健康。」
示意圖片
「彩虹幣圈」又出事！港男到冒險樂園擲彩虹，見代幣「無砸界」以為中獎，豈料經理話「唔中」，他嬲到報警。
( FB圖片）
擲彩虹代幣「無砸界」經理判定為「唔中」
該港男於Facebook群組「美國冒險樂園關注組」發文，表示於屯門時代廣場冒險樂園玩擲彩虹遊戲時，眼見代幣擲入紅色圈內，「無砸界」一心以中獎，但慘被經理判定為「唔中」，樓主感到不滿，於是報警處理「請問這個中定唔中，而家我係時代廣場冒險樂園，對方話我唔中，大家點睇，已報警」。
樓主曬出相片有圖有真相
從樓主上載的照片可見，代幣在紅色圈內，但有一邊稍微偏向貼近黑邊。然而，仔細觀察後可以看到，黑邊與代幣中間仍然有一小截紅色，更見到卡通圖案的藍色，即代幣並沒有碰到黑邊，因此可以說沒有「砸界」。
（FB圖片）
網民一致認為「中」
照片曝光後，網民紛紛表示沒有砸界「緊係中喇，黑線都掂唔到」、「咁都唔中點先叫中？」、「佢哋係咪要去驗下眼？甘都唔中？」、「藍色圖案都睇到好難叫做吾中喎，其實咁樣中法，個機會本身都好微，點解要揸得咁嚴」、「擺到明就中左啦，邊忽睇到唔中呀？」、「咁都叫唔中，咁叫佢示範咩叫中啦」。
（FB圖片）
網民投訴該分店只讓熟客中獎
亦有不少網民投訴表示「時代係好衰，只俾熟客中」、「真係個人問題，如果是熟客，唔洗睇以經中左；你唔係熟客，所以中都會唔中」、「輸唔起就唔好開賭啦」、「唔知以為隻公仔好值錢，咁都話唔中，咁都要同個客計較」、「明厄咩，熟客就鬆手，生客就劏。報警告下佢地等佢地知道唔可以成日劏客」。
樓主回覆跟進事件
樓主之後留言回覆「現時找了另外一個經理嚟睇，經理是中，事情已解決，多謝各位」；有網民則生氣表示「係咪以後中 大獎，一定要報警？」
早前，有玩家到冒險樂園花了2000個代幣玩擲彩虹，最終發現其中一個彩虹的綠色部份的直徑比代幣窄引發爭議。（FB圖片）
帖文來源：Facebook群組「美國冒險樂園關注組」
