港女搭Uber「成身痕」被咬逾30粒癩 洗衫驚見一堆蝨屍：有陰影

港女搭完Uber後「成身痕」，全身被咬逾30粒蝨癩，洗衫更在衣服中發現一堆蝨屍體，十分驚嚇！ 

(FB圖片）

港女搭Uber被蝨咬逾30粒癩

該港女於Facebook群組「香港滅蟲關注組」發文，表示日前上司召了一架Uber私家車，與她一同乘坐出外工作，不過在短短半小時的車程中，樓主已經感到「周身痕」，回家後更發現被「咬到成身都係」，身上有逾30粒蝨癩「我個身絕對超過30粒爛」。

(FB圖片）

帶蝨回家，衣服內沖出一堆蝨屍

樓主立刻冲涼，並將穿過的衣服放入浴缸清洗，豈料衣服內竟沖出一堆蝨屍「唔沖涼都唔知係咩蟲，已經洗曬頭浸好曬啲衣襪，希望冇漏網．．．係浴缸沖啲衫沖到好多隻，不過淨係留得住3隻，架車超多．．．想知咩蟲咬，驚有咩事去睇醫生有蟲樣睇」。樓主又請教網民「知唔知搽咩可以快啲好？」從照片可見，沖洗出來的蝨屍大小不一，呈深褐色，深淺有異，樓主無奈表示「宜家好有陰影」。

Getty示意圖片

網民得知感驚慌：好大鑊

帖文一出引熱議，有網民表示「帶埋返屋企好大鑊」、「你太誇張了」、「不如你講佢個車牌出嚟等我哋唔好上佢架車」、「唔止uber，巴士的士小巴都有」、「好核突，如果係我會形住形住仲有」、「記得同老細講，老細一齊坐都實會跟埋佢返屋企，到時就算你滅晒床蝨，老細都會再傳返比你地」。

（shutterstock）

有網民建議以高溫的方式滅蝨

有人則建議「呢啲係床蝨，建議同uber反映，叫個司機滅一滅蟲，如果唔係啲床蝨惹到周圍都係，跟埋啲客返屋企，而且一入左屋就更難清理」、「如果佢產左卵仲麻煩，衫洗左一次我覺唔夠(用燙戽蒸），留意門口到浴室地下，用塵紙掃地下，睇得清楚d有冇再細粒果d」、「爬都爬三隻，我建議你掉左套衫佢，或者高溫乾洗。帶翻屋企就麻煩」。

Getty示意圖

帖文來源：Facebook群組「香港滅蟲關注組」

日前就有港人進入一間餐廳點菜後，先發現餐廳一處原來堆放了如山般高的味精存貨，指「極度影響心情」！

點菜後先見到二十幾箱味精存貨

自疫情過後，港人都比以往較注重飲食，多了在家煮食，盡量避出街食飯，以免吸取過量油份及味精，不過出外用膳始終難免。日前就有港人進入一間餐廳點菜後，先發現餐廳一處原來堆放了如山般高的味精存貨，指「極度影響心情」！

Getty示意圖

樓主：極度影響心情！

原來當日樓主出外用膳，入到餐廳坐底點餐後，先驚見餐廳一處堆了如山般高的味精存貨。 一箱箱的「味丹」特級味精，看來有二十幾箱之多，差不多堆到天花板，樓主直言：「當你坐低咗點完餐嘅時候見到，極度影響心情」。 

樓主出外用膳，入到餐廳坐底點餐後，先驚見餐廳一處堆了如山般高的味精存貨。FB群組圖片

網友回應超反轉，大讚餐廳有良心

不過樓主的帖文卻沒有引來對餐廳的評擊，他們反而大讚餐廳選用了台灣產地的「味丹」特級味精，「味丹算好啦！整箱候佛手你仲驚！」、「邊間咁有良心用名牌味精」、「用味丹咪好囉，起碼都係99%天然味精。又唔係化學味精有乜問題，鰹魚汁味淋都係同類野嚟嘅」

樓主坦言見到「味精山」後，極度影響心情。示意圖。《愛回家》劇照

網友另類見解：味精健康過鹽同雞粉

另有網民則認為出街食飯有味精在所難免「其實出街食都預左」、「全香港間間餐廳都用味精㗎啦，驚咪唔好出街食囉」，更有網民認為味精比鹽健康 「從科學角度，味精健康過鹽同雞粉」、「我都想講，如果用味精，減少用鹽，會降低高血壓風險(前提無味精過敏)，更有網民為味精平反「味精已經用咗有100年歷史，2024年啦，仲拎住老一輩口取相傳的故事」更叫樓主上網search下，MSG (味精)到底是甚麼。

Getty示意圖

不過亦有小部份網民同意樓主的觀感「用味精唔係最大問題，最大問題使唔使咁多呀」。