李日朗為照顧父母返港發展 年初已秘密簽約TVB

李日朗赴內地發展不知不覺已12年。

40歲的李日朗（前名李逸朗，Don）到內地發展12年，身為家中長子的他，因為想孝順父母而回歸香港，繼拍攝開電視劇集《黑金風暴》外，原來年初已簽約TVB。重投香港電視圈的他，講明只要有角色名及有發揮已滿足，因他已考獲調香師資格，更跟朋友合資8位數搞網上投資公司，有其他搵錢大計，難怪對幕前演出冇壓力。

Don雖然熱愛投資搞生意，但他無意買磚頭，認為已錯過入巿最佳時機。

《黑金風暴》中，Don跟吳岱融演父子，還有同父異母哥哥黃浩然。

Don在《黑金風暴》飾演乞人憎富二代殺人犯，原來最初有兩個角色任佢選擇，「一係做警察，但阿峯（林峯）同唯唯（梁競徽）兩個男主角喺度，好難再發揮，另一個係殺人犯，雖然冇警察咁幾十集連晒戲，我二話不說揀呢個，因反派可以多啲發揮。」而他最開心跟劇中「爸爸」吳岱融一見如故，「好多前輩有佢哋固定演法、套路，但係岱融哥冇，佢會睇你點演再配合你，佢仲nice到喺社交平台放我哋合照，仲寫住『李日朗是一個很好的演員，希望可以再合作』，呢啲平時係我寫㗎嘛！」

Don大讚岱融哥零架子，兩人合作後還會不時聚會見面。

Don為做孝順仔多陪伴父母，決定將工作基地搬回香港。

為照顧父母返港發展

講到今年決定返港發展，Don解釋因有感父母年紀漸老，想多些陪伴，「我走咗6年幾，我係大仔得個妹妹，𠵱家妹妹同男朋友二人世界，應該返嚟關心返屋企。」於是他向TVB叩門，跟高層樂易玲見面後即簽約，「雖然入行咁多年，但喺度係新鮮，我唔介意做任何角色，但求有個角色名就得。」結果公司安排機會讓他跟監製打招呼，「有日全部劇集監製一齊開會，公司安排咗5分鐘畀我入去打招呼，哈哈！係正嘅，就喺嗰一日我衝咗入去自我介紹後，好快收到監製電話。」結果他已參與《法言人》、《輕 · 功》、《你好，我的大夫》和《靈氣逼人》4套劇演出。

Don跟模特兒女友黃靜藍感情穩定，兩人有計劃幾年內結婚。

Don在TVB新劇《輕 · 功》，首度跟黎耀祥合作。

踏入四字頭的Don，承認已學懂珍惜機會，「細個根本唔識諗，冇尊重同珍惜過，以前拍《十兄弟》試過自己黐頭套，就咁攞膠水黐上去，如果觀眾有印象，我個頭係歪，仲試過自己覺得歪，搵隻手捉住演晒成場戲，咁騎呢都夠膽，如果𠵱家要人哋包容，首先要過咗自己嗰關。」問到恨不恨演主角？Don想得好開，「都有導演問過我，『你係咪諗住返嚟做主角㗎？』哈哈！當然希望做主角，唔通想返嚟做配角咩，但只要角色有戲演，已經當咗係主角，就好似《黑金風暴》咁，只佔一個單元，故事條線寫緊我，已經係主角啦！」

Don坦承拍《十兄弟》時太年輕，未懂得珍惜機會。

年初，Don開心取得調香師資格證明。

掛念嫲嫲學做調香師

Don對於幕前工作睇得好開，只因他有多個瓣數搵錢。「做演藝始終係個等工開嘅行業，我唔鍾意咁，想有啲主導權喺自己手。」其中一樣是他已於年初取得調香師資格，全因掛念嫲嫲，「佢同我好親，走咗17年，我諗唔起佢個樣，但係佢有陣老人家加埋花露水嘅味，我好珍惜，於是趁得閒去學，冇諗過大量生產香水，諗住做訂製，譬如朋友諗住結婚，佢想記住呢件事，我就幫佢做支香水。」不過他暫時未接生意，希望做調配做夠九百小時才開始，但暫時只做了二百多小時。

Don調配香水過程不停失敗，試過調出霉味香水笑餐食。

Don的網上投資公司舉辦座談會的宣傳海報。

另外，Don還跟幾位朋友合資8位數，在尖沙咀開設網上投資公司，最初源於他對這類新聞覺得好奇，於是就跟搞金融和投資的朋友了解，由於大家想法一致，半年前決定合作搞公司。早前已舉辦了首個座談會，希望先教識有意投資者了解元宇宙，「我哋請咗專家嚟講，首先教咗大家乜嘢係元宇宙，點樣入場，再根據自己嘅智慧同埋經驗一步步投資，佢可以再搵我哋公司研究有冇合作或者投資嘅計劃畀佢，我哋唔希望一嚟就賺咗人哋第一次錢，跟住冇第二次，呢個唔係我同拍檔嘅原則。」而現在極流行的NFT，他公司亦有提供平台同技術給一班本地藝術家，「我哋邀請佢哋嚟一齊做個藝術家社群去做NFT，我哋免費提供畀佢哋做NFT嘅技術，即係佢只要畀心機創作，其他嘢我哋會支援，希望將呢啲藝術作品，透過元宇宙或者NFT嘅世界，推廣去第二度，等更多人可以認識佢哋。」

Don謂當日座談會坐無虛席，相信很多人對元宇宙好有興趣。

2015年，Don返港推出哭喪版《傻女》，一度成為熱話。

獨家丨40歲李日朗合資千萬搞元宇宙投資 回流簽約TVB又考獲調香師資格

李日朗表示今年已放棄演藝事業，全心投入小顏術，只是有時會跟朋友簡單地玩音樂。

過往卓悅集團主打美妝零售，但集團自2022年開始重新出發，短期會加大力度發展，同時集團特邀吳曼宇女仕（Fanny Ng）加盟卓悅集團出任集團總裁，將卓悅全面升級，為致力向客顧提供全方位優質醫療服務，集團更與海外各領域權威醫生及醫療團隊合作，打造多元化醫療服務矩陣，最近就與男星李日朗經營的「小小堂」結為合作顆伴。

卓悅控股有限公司總裁吳曼宇女士與李日朗簽約。

卓悅控股有限公司總裁吳曼宇女士、李日朗

為隆重其事，卓悅集團於11月21日假銅鑼灣卓悅健康管理中心舉行「星級小顏術技師李日朗加盟卓悅記者會」，卓悅控股有限公司董事會主席兼執行董事陳健文太平紳士、卓悅控股有限公司總裁吳曼宇女士，與「小小堂」的創辧人兼持有小顏術美容師執照及教師資格的李日朗先生，進行簡單而隆的簽約儀式，以熱烈歡迎「小小堂」正式進駐卓悅健康管理中心，向顧客提供無痛，且無需注射的小顏美學，透過小顏術推拿新技術，可調整高低眉骨、調直或修正鼻樑、向內調正臉形和下巴塑型等，現場更邀請人氣花旦蔡思貝小姐、影視紅星周家蔚、楊玉梅到場分享喜悅 。

卓悅控股有限公司董事局主席兼執行董事陳健文太平紳士與一眾嘉賓合照

卓悅控股有限公司董事局執行董事兼首席財務官趙麗娟MH太平紳士開心跟蔡思貝、李日朗自拍。

李日朗、蔡思貝

周家蔚、李日朗

對於創辦的「小小堂」加盟卓悅健康管理中心，李日朗感十分開心，他更表示有一種將自己事業到達一個新里程的感覺，他說：「『小小堂』由自己創立，一開始只是小小工作室，然後一年後，可以同卓悅集團合作，呢件事好值得紀念，真係好開心。」 一年間，李日朗由小顏術技師，再成為小顏術導師，並擁有徒弟，他認為這一年對他來說是很漫長的路，他表示：「現在為人師表，關於小顏術每個細節，自己都非常認真，原本自己性格好急燥，但現在都變得平和，亦會體諒好多事情，成為導師後，性格、生活習慣都改變，好似變成另一個人。」

「小小堂」成立於去年11月，圈中多位藝人蔡思貝、胡渭康等已親身體驗，對效果非常滿意，其實李日朗開展這second career，源於在疫情期間，他突然嘴歪了，試過針灸、物理治療等多種方法也沒效用，於是本著一試無妨心態接受小顏術，竟然功效顯著，於是不惜推辭無綫拍劇機會，決心到日本小顏術協會學習這門手藝，獲得小顏術美容師執照及教師資格，成功轉型。問到小顏術事業與演藝事業能否兼並？李日朗指是不能兼並，他表示今年已放棄演藝事業，2023年沒有拍劇，全心投入小顏術，有時會跟朋友簡單地玩音樂，然後放上網，但這已並非演藝事業，而是娛樂、開心玩音樂。