吳偉豪亦有現身為爸爸打氣!
無綫推出的全新綜藝歌唱真人騷《馬百良安宮牛黃丸呈獻:中年好聲音》,專為35歲或以上的朋友而設,為一眾人到中年但又唱得的男女提供千載難逢的演出平台,向夢想再出發。節目逢周日晚九點半於翡翠台播映,由車婉婉擔任主持,評審團則為 Maria Cordero(肥媽)、張佳添、伍仲衡、林志美、周國豐。
![70歲嘅吳大強中氣十足,震音同高音同樣輕鬆駕馭。](https://image.bastillepost.com/800x/wp-content/uploads/hongkong/2022/12/20221209_EN_中年好聲音1-e1670567867992.jpg.webp)
70歲嘅吳大強中氣十足,震音同高音同樣輕鬆駕馭。
![70歲都可以追夢!](https://image.bastillepost.com/1200x/wp-content/uploads/hongkong/2022/12/20221209_EN_中年好聲音2-e1670567888148.jpg.webp)
70歲都可以追夢!
12月9日晚播出的最新一集,繼續睇頭十足。打頭陣出場的,是100強參賽者中年紀最大的吳大強,70歲的他是一位退休人士,同時亦是在處境劇《愛.回家之開心速遞》飾演「朱凌凌」的吳偉豪爸爸,比賽當天,吳偉豪亦有現身為爸爸打氣。吳大強獻唱英文歌《Unchained Melody》,中氣十足的他大晒震音和高音,表現亮眼,肥媽大讚:「好多人可能話佢好多震音,但唔震音點唱呢隻歌啫,佢用舊嘅Way唱番舊嘅歌,Feel到佢嘅Passion。」周國豐則指感受到吳大強心中有團「17歲的火」,更令他憶起亡父:「我爸爸喺我好細個就已經離開咗,好多謝你頭先嘅2分幾鐘,令我有番同爸爸嘅回憶。」是集還有多位人生閱歷比較豐富的選手登場,包括63歲蔡祖輝、62歲林僑遠、68歲戚愛蓉、60歲傅劍華及65歲馮文,足證追夢沒有年齡界限。
![仔仔吳偉豪當日都有到場支持架。](https://image.bastillepost.com/1200x/wp-content/uploads/hongkong/2022/12/20221209_EN_中年好聲音3-e1670567923556.jpg.webp)
仔仔吳偉豪當日都有到場支持架。
![仔仔吳偉豪當日都有到場支持架。](https://image.bastillepost.com/1200x/wp-content/uploads/hongkong/2022/12/20221209_EN_中年好聲音4-e1670567939993.jpg.webp)
仔仔吳偉豪當日都有到場支持架。
![「賈名媛」邱芷微獻唱《可惜我是水瓶座》。](https://image.bastillepost.com/800x/wp-content/uploads/hongkong/2022/12/20221209_EN_中年好聲音5-e1670567969367.jpg.webp)
「賈名媛」邱芷微獻唱《可惜我是水瓶座》。
![邱芷微講番自己嘅經歷,忍唔住爆喊。](https://image.bastillepost.com/1200x/wp-content/uploads/hongkong/2022/12/20221209_EN_中年好聲音6-e1670567988610.jpg.webp)
邱芷微講番自己嘅經歷,忍唔住爆喊。
是集還有觀眾熟悉的面孔登場,她就是在《愛.回家之開心速遞》飾演「賈名媛」的邱芷微(Chelffy),35歲的Chelffy今次參賽是希望可重燃追夢的火。患有類風濕關節炎的Chelffy,除了要承受隨時有機會全身郁唔到的擔憂外,更不幸的是同時還要承受男友患癌打擊,她接受製作組訪問時坦言得悉噩耗時晴天霹靂:「嗰時仲係傾到去結婚,點知大家都一齊有病,感覺係點解係我同佢發生啲咁嘅事,好戲劇性又好真實嘅感覺。」肥媽聞言即鼓勵她說:「計劃總係趕不上變化,其實當你想做某啲事、又唔會傷害到人嘅話,就應該活在當下去做,所以《中年好聲音》應該要做多幾屆!」曾於歌唱比賽獲獎的Chelffy,將在節目中獻唱《可惜我是水瓶座》,到底她的歌聲能否與其故事一樣打動到評審?
![1994年新秀亞軍丁文俊仲係咁唱得。](https://image.bastillepost.com/800x/wp-content/uploads/hongkong/2022/12/20221209_EN_中年好聲音7-e1670568027814.jpg.webp)
1994年新秀亞軍丁文俊仲係咁唱得。
![何國星係1988年新秀亞軍,佢又唱成點呢?](https://image.bastillepost.com/800x/wp-content/uploads/hongkong/2022/12/20221209_EN_中年好聲音8-e1670568046812.jpg.webp)
何國星係1988年新秀亞軍,佢又唱成點呢?
![戚愛蓉](https://image.bastillepost.com/800x/wp-content/uploads/hongkong/2022/12/20221209_EN_中年好聲音9-e1670568064344.jpg.webp)
戚愛蓉
是集有勵志又有洋蔥,亦有唱得之人!1994年新秀亞軍丁文俊和1988年新秀亞軍何國星將在本集輪流登場,49歲的丁文俊獻唱林子祥的《幾段情歌》,充滿感情的演繹獲評審大讚。肥媽說:「好鍾意佢嘅Feeling同Style,有啲似巫啟賢、夏韶聲,你唱嘅歌係林子祥,但一啲林子祥影子都冇。」周國豐則直指聽到起雞皮:「有啲歌年青聽時係愛情,中年聽時係人生,丁文俊版本係感受到人生,好正。」而當年揮低樂壇天后鄭秀文、奪得新秀亞軍的55歲何國星,則深情演繹《夏日傾情》,到底表現如何?記得留意最新一集《中年好聲音》。
![蔡祖輝](https://image.bastillepost.com/800x/wp-content/uploads/hongkong/2022/12/20221209_EN_中年好聲音10-e1670568101783.jpg.webp)
蔡祖輝
![馮文](https://image.bastillepost.com/800x/wp-content/uploads/hongkong/2022/12/20221209_EN_中年好聲音11-e1670568119104.jpg.webp)
馮文
![傅劍華](https://image.bastillepost.com/800x/wp-content/uploads/hongkong/2022/12/20221209_EN_中年好聲音12-e1670568138434.jpg.webp)
傅劍華
![林僑遠](https://image.bastillepost.com/800x/wp-content/uploads/hongkong/2022/12/20221209_EN_中年好聲音13-e1670568155937.jpg.webp)
林僑遠