麥浚龍（Juno）哥哥，品牌Silly Thing及《Milk》雜誌的創辦人麥浚翹（大寶）快將為人父。日前更抽時間陪大肚Model老婆李慧思（Cice）行街拍拖。佢拖住老婆實一實，非常體貼。
Juno親哥哥麥浚翹大寶與老婆李慧思Ceci下月迎接愛情結晶。
大寶同Cice結婚三年半終傳喜訊，下個月將榮升做老竇。《頭條日報》記者日前撞見大寶同老婆Cice去銅鑼灣利園商場Shopping，黑白Tone襯對橙色襪夠晒突出，隔條街都認到佢。
大寶拖到老婆實一實。
雖然Cice着住波鞋行得輕盈，但個肚成個籮咁大，老公大寶梗係全程照顧周到，拖實老婆寸步不離，又會幫佢推門開路，好細心。麥氏夫婦行完利園唔夠喉，再去希慎商場繼續掃貨。
見老婆口乾，就去買嘢飲。
大肚婆易口乾，兩公婆又返回利園的Pret A Manger買嘢飲。買完後，Cice邊行邊飲再拖住老公行到商場門外的士站，但兩人唔係搭的士，因大寶一早叫定司機將Benz停喺商場外的士站，但咁樣方便自己影響到人，好似自私咗啲啵。
為方便老婆，大寶叫司機將Benz停喺的士站，體貼定自私？
麥浚龍昨晚亞博演唱會順利完成。
由Live Nation主辦，《金榜題名 project_mayhem • an urban fantasy by juno mak》昨晚假亞洲國際博覽館Hall 10，麥浚龍以一個兩年前寫好的劇本，加入音樂與映畫，並集合廿四味、MATTFORCE、Novel Fergus、PetPetShawn、Geniuz F the FUTURE、Polar G、MOBP、ZODI及王嘉儀穿插任嘉賓，上演一場前所未有的精彩演出，吸引了8000觀眾前來欣賞。
演唱會開場上香給關二哥
開騷啦！
《金榜題名》故事由江湖人物阿南被殺開始，本已金盤洗手的細鳳（Juno飾），被奉召找出真兇，一班歌手，包括廿四味、MATTFORCE、Novel Fergus、PetPetShawn、Geniuz F the FUTURE、Polar G、MOBP、ZODI及王嘉儀，在Juno執掌的鏡頭底下，分別飾演故事中不同角色，當中部份歌手更是首度演戲，為Juno獻出他們的第一次。除此之外，古天樂、梁家輝、張家輝、林家棟及吳君如，更為這個故事聲演過去演繹的電影角色，令整個《金榜題名》故事更見豐富，也令演出生色不少。
Genius F the FUTURE
Matt Force
Novel Fergus
Polar G
為配合故事發展，Juno與一眾演出嘉賓，一氣呵成演繹了29首作品，當中包括點題作〈金榜題名〉，還有Juno〈生死疲勞〉、〈弱水三千〉、〈金剛圈〉和新歌〈花臂〉；廿四味〈Respect到仆街〉、Novel Fergus〈孫子兵法〉、〈黑水鬼〉；PetPetShawn〈喺呢度大〉、MATTFORCE〈16 x 16〉、王嘉儀〈我們的鬼魂〉等，當中部份歌曲重新編製帶來不少新鮮感，但台下觀眾只要聽到熟悉的旋律，都會陷入興奮、瘋狂狀態，而且更會跟着一起大合唱，台上台下打成一片。在《金榜題名》故事演出過後，台下觀眾意猶未盡大喊Encore，Juno與廿四味、Novel Fergus及PetPetShawn再次上台，但他們將Encore的環節，獻給於去年離世的LMF成員陳大飛，送上由大飛創作的〈愛是⋯⋯〉及〈大懶堂 x 市民之光〉，向對方致敬，而Juno最後亦唱出他與大飛過去合作的〈我們的末日〉作結，但Juno在期間傷感地流下男兒淚，而且更一度唱不出來。
Juno最後唱出他與大飛過去合作的〈我們的末日〉作結，傷感地流下男兒淚
事後Juno表示，是次演唱會大飛本來亦有參與其中，他說：「我第一個邀請就係大飛，但冇耐佢話唔舒服要休息一陣再返嚟，但點知跟住就走咗，所以我哋喺呢個演唱會上面加入向佢致敬嘅環節。〈我們的末日〉係我同佢合作嘅唯一一首慢歌，每次唱都會諗返起大家合作時候嘅點滴，所以呢首歌係喺綵排期間最想避開嘅一首歌。」而Juno亦因思念故人，所以在台上哭了。Juno又透露由於昨晚天氣回暖，他穿上一套絲絨西裝唱出〈金剛圈〉時焗得天旋地轉暈暈地，望到舞台也斜了燈光亦開始旋轉，唱完之後，一到後台即要兩個人攙扶，不過稍作休息已無大礙。
今次《金榜題名 project_mayhem • an urban fantasy by juno mak》是一次跨媒體創作，Juno希望能給予大家新鮮感，他同時多謝多位影帝影后為這次聲演演出，他說：「好多謝佢哋，當中有啲係幕前合作過，有啲係本身認識，今次可以將佢哋以往角色再度呈現，重新寫對白然後再同佢哋傾並修正，實在好多謝佢哋嘅參與。」
