38歲吳幸美美少女Look回鄕 網民大讚素顏靚過化妝

現年38歲的吳幸美主持TVB節目《東張西望》多年，港姐出身的她絕對是資歷最深厚的「東張女神」之一！最近吳幸美北上汕頭，與媽媽一同回鄉探親，日前她在小紅書大晒靚相，見她着上一身便服加上幼框眼鏡，竟然還紮孖辮，打扮非常年輕，瞬間減齡10年！

吳幸美在2003年參選港姐。

吳幸美2003年選港姐入行。

吳幸美（右四）當年曾與其他佳麗，跟陳冠希一同出埠拍外景。

2003年港姐競選，冠軍為曹敏莉（中）、亞軍為楊洛婷、季軍戚黛黛。

人美心善的她不時參加慈善工作。

吳幸美曾經現身歌唱節目更大獲好評，原來她也曾有歌手夢。

吳幸美真係好鍾意唱歌。

吳幸美近年主持不少大騷。

都有參加不同節目。

吳幸美近年主力做《東張西望》主持。

經常親自做不同測試。

出擊為市民發聲。

試過飲斷片酒搞到斷片。

客串拍《愛回家‧開心速遞》都做番自己。

今年38歲的吳幸美身材依然好fit。

吳幸美身材高䠷！

吳幸美在小紅書貼相留言說：「汕頭回鄉探親之旅順利完成，謝謝各位親友熱情招待我同媽媽，祝各位身體健康，下次再見❤」相中見她走遍汕頭不同景點，又到充滿特色的美食街，與親友大歎美食，似乎與媽媽玩得相當開心。汕頭網民對於吳幸美是同鄉感到相當興奮：「哇哇哇！TVB主持人吶！居然是我們汕頭的！」不少內地人也認得吳幸美是TVB的東張女神，還大讚她素顏靚過化妝：「好細個嗰陣記得吳幸美好似亦拍過電視劇」、「真人比上電視好看哇，從小看TVB的我。」、「素顏靚過化妝，點算？」

吳幸美身材高䠷！

絕對是資歷最深的東張女神之一！

絕對是資歷最深的東張女神之一！

其實吳幸美主持《東張》上位前，經常被叫過「吳美珩」（圖）。

其實吳幸美主持《東張》上位前，經常被叫過「吳美珩」（圖）。

吳幸美最近在小紅書貼出返汕頭探親的照片。

打扮好年輕！

幼框眼鏡加孖辮，瞬間減齡10年！

少女味好濃！

網民大讚素顏靚過化妝。

同雕塑打卡。

吳幸美2003年選港姐成功闖入十二強，其後簽約TVB入行，當時吳幸美與貌似當家花旦吳美珩，而且同樣身材高䠷，加上兩人姓名相似，她自己也曾笑說在主持《東張》前經常被叫錯做「吳美珩」。後來她在2009年開始主持《東張西望》至今，今年已經踏入第14年，試過搏命飲斷片酒、親自落手整理捕鼠器做實測，多翻引起網民熱話，絕對是資歷最深厚的「東張女神」之一。

返鄉下睇靚景。

去咗好多唔同景點。

原來係汕頭人！

過大橋！

睇古蹟！

當然仲有同親友食好西！

吳幸美選港姐時只有19歲，她當時獲父母支持停學參選，為報答養育之恩，她21歲擔起養家的責任，努力工作，試過一星期工作七天，兩至三日不睡覺不停工作更是閒事。可惜父親在2019年病逝，令到她覺得因未能讓爸爸享福而感到遺憾，所以她多花時間陪伴媽媽，這是她對爸爸的承諾。

38歲吳幸美回鄉探親孖辮Look瞬間感齡十年！

東張六大女神之夜！

由麥美恩（Mayanne）擔任主持、曾展望擔任助理主持的清談節目《Mayanne小喇叭》，乘勢追擊加推「加長版」篇章第二擊，並於明晚（15日）8點翡翠台播映，延續小喇叭精神。本集邀請《東張西望》六位女神吳幸美、李旻芳、何沛珈、梁敏巧（Maggie）、陳懿德（德德）及黎寬怡（貓仔），分享採訪辛酸史，及工作期間遇過的奇聞逸事，內容笑中有淚。

今集嘉實係《東張西望》六位女神（左起）：梁敏巧（Maggie）、何沛珈、吳幸美、黎寬怡（貓仔）、陳懿德（德德）及李旻芳。

Mayanne、曾展望

貓仔撞樣吳幸美竟是成為《東張》一份子的原因？！

節目中，六位「東張女神」輪流講出自己勝任《東張》主持崗位的重要元素，李旻芳自覺勇字行頭，甚麼都肯做；Maggie和德德入行前則同樣做過記者及小編；貓仔笑言可能樣貌與元祖級「東張女神」吳幸美相似，不時被認錯為對方；何沛珈更激罕公開面試時監製其中一條問題：「佢問我驚唔驚曱甴、老鼠，我話連屍體都唔驚。」自認夠貼地、在街坊心目中似女兒般親切的吳幸美，對於當年做「測試專員」試飲「斷片酒」成代表作，幸美坦言曾擔心被指扮醉，並澄清當時真的喝醉：「條片係想嘗試話畀大家聽，女仔飲咗酒有機會有危險，後尾條片畀政府買咗嚟做宣傳教材。」

吳幸美自認夠貼地，曾被街坊指像女兒一樣親切。

李旻芳勇字行頭，咩都肯做！

Maggie同德德入行前做過記者及小編，零舍有份使命感。

Maggie同德德入行前做過記者及小編，零舍有份使命感。

貓仔成日被認錯做吳幸美（左），並笑言呢個係可以加入《東張》嘅原因。

李旻芳都試過被人認錯係幸美！

幸美當年試飲「斷片酒」嘅片段，被政府買咗嚟做宣傳教材

談到《東張》主持不時要深入「鼠」穴及曱甴屋採訪，貓仔和Maggie曾體驗過老鼠和曱甴發出的360度「環迴立體」聲效，而且已懂得分辨垃圾、曱甴屎甚至死老鼠的氣味；她們又指追訪期間不時遇上驚險事，旻芳透露有次到圍村拍攝，攝影師遭惡人叉頸兼粗言穢語問候，對方更向她作出恐嚇，旻芳坦言當時覺得生命受到威脅：「第一次拍嘢拍到腳軟！但當時做緊嘢已入咗working mode，就算佢哋咁樣對我哋都繼續。」貓仔則憶起到元朗大橋街市採訪「蛋蛋姐」經驗，當時有指「蛋蛋姐」曾擸刀刺大伯，而且檔口總插著一把菜刀，故採訪帶有一定危險性，貓仔說：「當時要確保電視框入面見到我同佢，又唔可以畀佢拮到，睇住有咩動靜要即刻彈走！」

何沛珈唔單止唔驚曱甴、老鼠，就連屍體都冇有怕！

Maggie曾深入「鼠」穴及曱甴屋採訪，真實體驗過360度「環迴立體」恐怖聲效！

貓仔話依家識得分辨垃圾、曱甴屎，甚至死老鼠嘅氣味！

李旻芳講媽媽勁感觸

多次在屯門採訪至報警收場的Maggie，笑指在該區警署「File成呎厚」，她透露採訪大媽聚集公園賣唱時，不但遭疑似忠粉叔叔爆粗恐嚇，對方更動手推跌攝影師，並在攝影師身上抓出多道血痕：「我哋唔會主動報警，除非人生受到傷害，或有人犯法，通常係當事人報警話我哋騷擾佢，所以要記低資料。」旻芳透露母親常為其工作感到擔憂，說到此處更不禁淚水盈眶哽咽道：「每次節目出街後都會問我有冇事，聽到媽咪咁講…我哋做嘢雖然係好辛苦，但幫到人覺得好值得。」

Maggie試過見證攝影師被人推跌，兼被抓出多道血痕！

李旻芳話媽媽睇到驚險採訪片段後會好擔心，講起媽媽時更不禁感動到眼濕濕！

李旻芳見證同行攝影師被叉頸，坦言當時感到生命受威脅！

除了投訴和驚險case，《東張》亦會為有需要人士作出器官捐贈呼籲，並曾促成好事。幸美曾採訪一名20多歲女子，因心臟有事一直等待移植機會，其痴情男友一直堅持在旁守護，並希望手術成功後與她結婚，幸美憶述：「節目出街後真係有人捐心，亦冇排斥，佢哋最後結咗婚、組織咗好好嘅家庭，好感動，我哋《東張》幫到人。」做過護士的何沛珈，坦言入行後曾感到迷失，惟加入《東張》後找回初心：「透過每一次嘅case、訪問搵番初心，原來做artiste可以透過另一份工作去幫到人，搵番個意義出嚟。」

咩事聽到主持眼都凸埋呢？

「東張女神」有dress code？被指賣弄性感主持點睇？

「東張女神」正義感夠煞食之餘，她們的貼身、小背心造型亦經常備受網民關注，錄影當日Maggie一如以往穿開窿上衣亮相，德德吊帶裙亦十分吸睛，令Mayanne不禁問到「東張女神」是否有dress code！想知道一眾「女神」點答，且對被外界認為賣弄性感有何看法？密切留意明晚節目。