2個餐張單「水蛇春咁長」食客茶記叫外賣要求多多網民：一定加料

社會事

2個餐張單「水蛇春咁長」食客茶記叫外賣要求多多網民：一定加料

2023年07月07日 13:30 最後更新：14:41

堂食一定唔敢咁叫！

食茶記叫「多汁」、「少飯」或「少甜少冰」是平常事，一般廚房都會照要求出餐，但如果要求太多，食物分分鐘被「加料」。近日一網民於社交平台上載一張「水蛇春咁長」的外賣單，帳單長並非因為點的食物多，而是客人的要求多「走味精、少咸、走蔥、飯餸分開裝、外汁、黃糖兩包」等等，多達47字的備註要求令樓主不禁揶揄「不如你自己煮啦！你想點煮就點煮」。此帖一出即引起熱議，不少網民直呼「西客」、「傑出西客系列」、「西客之道」；但亦有認為可能另有隱情。

該網民於Facebook群組「香港茶餐廳及美食關組」以「不如你自己煮啦！你想點煮就點煮」為題發帖兼上載一張外賣帳單，帳單顯示食客經外賣平台點了2個69元的套餐，包括B餐麻婆豆腐配白飯、中式靚湯、熱鴛鴦，備註寫上「走味精、少咸、走蔥、飯食餸分開裝、外汁、黃糖兩包」，及A餐香煎魚柳配意粉、中式靚湯、熱香濃咖啡，備註寫上「多牛肝菌汁分開裝，多意粉軟身些，另跟沙津醬用盒裝，咖啡奶分開裝」，食客雖然只點了兩個套餐，但備註竟有47個字之多，要求相當刁轉。

此帖已經吸引了四百多個留言，不少網民批評食客要求多多「140 蚊咁多要求，好難服侍」、「咁複雜不如叫佢返屋企煮啦」、「嗌兩個餐都咁多要求，我就會打返俾佢講幾十蚊一個餐做唔到佢咁多要求，你使唔使取消咗張單」、「個廚房應該采佢都傻，扮睇唔到」、「廚房一定唔理，正常出」、「賺盡哂，都係$138，可以甘多要求，使吾使比埋封利是佢？」；有人亦估計廚房見到柯打一定加料「呢張單，廚房佬一定幫你私人加料」、「口水，痰，洗布水，是但揀一樣」、「廚房佬見到『走味精』一定多味精畀佢」。

不過，有網民認為可能箇中另有原因「可能係俾老人家食，豆腐同魚都係D唔使點咬的食物」、「或者人哋有病，例如關節炎，自己煮唔到，要戒口; 又或者年紀大，或者煮到悶晒; 其實有人幫趁就係好事，做生意唔通想打開門冇生意？幫到人就幫啦！」、「應該是老人家或者病人點的。我嫲嫲現在基本上都是這種要求，不過她還會要求少油」。

帖文來源：Facebook群組「香港茶餐廳及美食關組」

往下看更多文章

港男家陷財困欲賣樓 600呎單位遭母塞爆雜物「一屋蟲屍」無人問津

2024年05月18日 12:30 最後更新：12:52

港男家中陷財困需賣樓解困，但母親將雜物塞滿600呎單位導致一屋蟲屍，令他欲哭無淚指「根本冇人想要」。

母親囤積成癮在單位塞爆雜物

該港男的女友於Facebook群組「香港突發事故報料區及討論區」發文，表示「男友叫我代po唔想揚」，她提到，男友的父母住在一間約600呎的自置單位，但因母親長期囤積各種雜物，家中只剩50呎的活動空間。

物品堆疊至天花板衛生狀況惡劣

從照片可見，客廳內堆滿了一袋袋及一箱箱的物品，物品堆疊至已經剝落的天花板。窗戶也被雜物遮擋，室內冇光非常陰沉。而屋內僅剩一條狹窄的通道勉強通行。樓主表示這些雜物不僅影響了居住環境，還引來蟲蝨，衛生情況惡劣。

男友父親出現經濟問題需賣樓但單位無人問津

該女網友指男友的父親最近遇到經濟問題，「要用好大金額」急需賣樓籌錢，但由於單位狀況太差，根本無人問津「層樓而家咁樣根本冇人想要，成間屋又多雜物多蟲屍，仲要唔知係咪蚤，上親去一定比嘢咬。」。

男友難頂母親惡習已搬離

樓主又指，男友的母親並不覺得自己的行為有問題，認為自己帶回來的物品沒有影響到他人。他們曾經建議父母離婚，但母親也拒絕與家人溝通解決問題。男友亦「頂唔順」，早已搬出自住，但回家後發現情況依舊沒有改善，甚至愈加嚴重。

家中有大量蟲虱清潔公司拒絕接案

男友也因為家中有大量床蝨，被叮咬引起皮膚敏感和痕癢，家人曾經嘗試過找專業的清潔公司，但對方一聽到家中有大量雜物和蟲害問題，都不願接案。樓主無奈表示「到底點可以解決到呢啲囤積問題？唔通真係要東張先唯一辦法？有咩執屋公司可以幫到？」

網民籲帶母親求醫解開心結

帖文引熱議，不少網民提議帶男友的母親求醫，了解她的心理問題，逐步說服她接受改變「屋企人可能要睇醫生，或許是精神科問題。囤積症」、「通常有呢種情緒病都係因為心結，想化解呢啲問題係要搵專家同佢傾」、「真係要想辦法捉佢去睇醫生，執100次屋都冇用」、「冇得救啦！你同佢掉左執過又點，下次又黎。直接叫佢睇醫生啦」、「睇心理輔導，疏理吓個人情緒，客觀地討論賣樓嘅必要性，要佢明白無太多選擇嘅情況下需要放下」。