王敏慈是今年大熱之一,透露比賽到現在廣東話進步好多,對自己決賽超有信心,表示心態好重要會俾多啲信心自己!
年度選美盛事《2023香港小姐競選》將於周日(8月27日)舉行決賽,賽前進入最後階段,16位佳麗今日(8月26日)在將軍澳電視城一廠進行泳衣綵排。17號王敏慈(Lovelle)本網採訪時表示今次著泳衣已經冇咁緊張,好似習慣咗,而且面對傳媒好似傾計冇咁害怕了,面對鏡頭都放鬆咗好多!由比賽到現在Lovelle的廣東話進步好大,她亦表示現在自己講廣東話都自信咗,而且自己都認真練習發音,並且睇劇學習,更透露自己好鍾意睇《金枝慾孽》。
17號王敏慈(Lovelle)(本網記者攝)
17號王敏慈(Lovelle)泳裝(本網記者攝)
今次著泳衣已經冇咁緊張(本網記者攝)
面對決賽Lovelle都非常緊張,但希望自己可以穩定點,更呻TVB太凍,希望可以keep住健康唔好凍親。並表示自己最擔心個part係問答環節,因為今年主題是AI,對於問題冇辦法確定,並表示自己最驚會問到與科技相關問題。Lovelle表示自己都會期待可以帶上后冠,會好好表現俾多啲信心自己,亦都表示自己有興趣留台發展,會期待成為演員,多多表演唱歌跳舞!
表示自己最驚會問到與科技相關問題(本網記者攝)
期待可以留台!(本網記者攝)
首度拍節目感觸淚崩,王敏慈大爆美儀姐窩心舉動
一共十集的全新旅遊飲食節目《美味假期12周年呈獻:大灣區美味好玩攻略》,逢周四、五晚上10點半於翡翠台播映。《大灣區美味好玩攻略》由麥長青(麥包)、江美儀擔任主持,並分別邀得郭柏妍(Rosita)、王敏慈、羅毓儀、黃嘉雯、鄧凱文任嘉賓。本周繼續由大灣區地膽麥包帶隊玩轉佛山和順德,並邀來應屆港姐季軍、自小在新加坡長大的王敏慈擔任嘉賓。
今集有王敏慈擔任嘉賓。
11日晚率先玩轉佛山,三人首先去到佛山潮人打卡熱點嶺南天地朝聖,大歎特式咖啡和以中國酒調製的Cocktail,其間敏慈意外自爆是飲得之人:「我鍾意飲啤酒,因為啤酒唔容易飲醉!」經驗老到的美儀聞言即笑言:「有氣嘅唔醉,即係好飲得啦!」之後三人去到卡丁車賽車場體驗「速度與激情」,敏慈化身賽車女神,更大膽地向麥包及美儀兩位前輩挑機!其後敏慈身穿短打裝束去到洞穴主題按摩店體驗「德國古法鹽霧」,全身被粉鹽覆蓋的敏慈大嘆:「呢個Spa嘅鹽比較大同埋比較粉色,好夢幻!」三人還去了有「仙鹿島」之稱的濱江濕地公園餵梅花鹿,再到千燈湖夜巿掃街,盡興而歸。
首站去到佛山潮人打卡熱點嶺南天地朝聖。
首站去到佛山潮人打卡熱點嶺南天地朝聖。
之後佢哋試飲中國酒調製嘅Cocktail,敏慈言談間透露自己好飲得。
繼續食唔停!
佢哋仲落場鍊車體驗速度與激情,敏慈女車神Look超正。
敏慈大歎粉鹽Spa,仲大讚夠夢幻。
三人去到「仙鹿島」餵梅花鹿。
千燈湖夜巿掃街。
美儀姐幫王敏慈抹眼淚畫面勁溫馨
12日晚一集,三人去到「漁米之鄉」順德繼續大開食戒,大歎特色榴槤雙皮奶、鹹牛乳咖啡及正宗順德菜,麥包還帶隊到星級餐廳食好西,其間美儀和麥包氹敏慈吃沙蟲蒸蚌仔,不知就裏的敏慈吃得津津有味,更一度以為是磨菇,之後麥包及美儀開估說:「其實係條蟲嚟!」敏慈聞言即急急掩面,場面搞笑。節目尾聲,首次拍攝綜藝節目的敏慈有感而發,感激兩位前輩循循善誘,並大爆美儀窩心一面,敏慈說:「美儀姐教咗我好多好多嘢,好似揸筷子,佢話咁揸筷子上鏡唔好睇,人哋會笑我,佢畀咗好多信心我,好幸運第一次就跟到咁好嘅前輩!」敏慈隨即淚如泉湧攬攬美儀,美儀一邊幫敏慈抹眼淚,一邊講笑氹番她,場面溫馨。
呢集轉戰順德,三人繼續大開食戒!
雙皮奶梗係唔少得,榴槤雙皮奶又食過未呢?
食唔停口,好開心!
食唔停口,好開心!
佢哋仲去咗學手工藝。
麥包帶隊去星級餐廳食好西。
麥包同美儀姐夾計氹敏慈食沙蟲,敏慈知道真相後都好崩潰。
三人去到逢簡水鄉坐船仔。
節目尾聲,敏慈感激兩位前輩嘅幫助,佢仲特別多謝美儀姐教佢揸筷子。
敏慈講到爆喊,美儀姐幫佢抹眼淚,畫面好溫馨。