大馬搞慈善書法展獲老友鍾楚紅撐場 82歲蔡瀾自爆為救太太而受傷

蔡瀾最近在吉隆坡舉行《草草不工》慈善書法展，老友鍾楚紅亦有到場支持，蔡瀾還在座講會上公開受傷原因。

現年82歲的蔡瀾於今年3月尾宣布因抱恙要暫停數日更新社交平台幾日，但到4月中，他就出PO表示因為跌碎股頸骨要做手術，而且手尾長，心情也不佳，所以不想做任何事，其後蔡瀾便消失於網上至今，直到日前有網民於社交平台表示在馬來西亞遇到蔡瀾，原來他今次大馬之行是為出席自己在吉隆坡舉行的《草草不工》慈善書法展，老友「紅姑」鍾楚紅亦有現身支持。

蔡瀾早前在大馬一美食廣場被捕獲。

蔡瀾在吉隆坡舉行《草草不工》慈善書法展。

紅姑到場力撐。

蔡瀾坐輪椅現身慈善書法展的座談會，並身穿長袖衫褲兼戴著頸巾，雖然看上去老態龍鍾，但腦筋依然靈活，廣東話和普通話都能對答自如。座談會一開始，他就笑言：「做人最幸福，就係升官發財死老婆，我依家三件事差不多都做到啦。講笑啫，當然唔希望自己老婆死。」

影片截圖

影片截圖

之後，蔡瀾就開始交待受傷的經過，他透露是為救84歲的太太張瓊文，而不慎跌傷：「呢個老婆真係箍住我條頸，箍咗幾十年。佢跌倒，佢已經84歲，佢跌倒，我衝去救佢嘅時候，我自己又跌倒，咁佢就過咗啦，我就骨頭斷。好慘，嗰段時間，痛苦，後來我記得倪匡先生一句話，佢說：『呢啲痛苦係真嘅痛苦，真嘅痛苦點克服佢呢？就係食『逼你痛』，一粒唔夠兩粒，當花生食，呢個就會醫你嘅生理痛苦，其他心理痛苦就我諗起就心痛、我諗起就心痛，嗰啲係諗出嚟嘅，如果你唔去諗就冇事』，所以我盡量唔諗。」 

影片截圖

蔡瀾又透露自己將原本的住所賣掉，租了一個有海景的公寓，每天看着美麗的海港和船隻來往往，又請了幾位好關心他的同事來照顧他，他現在生活得非常好！

影片截圖

蔡瀾活躍於文壇多年，與金庸、倪匡、黃霑合稱為「香港四大才子」，可惜另外三人早已相繼離世，座談會現場有人問到如果倪匡和黃霑活生生在他眼前，有什麼話想跟對方講？蔡瀾就突然爆粗，笑說：「我X你老X！走得咁快！唔等我一齊。」隨即惹來全場爆笑！再問到有沒有想念他們，蔡瀾微微點頭示意。

影片截圖

影片截圖

影片截圖

蔡瀾任《開卷》第100集重量級嘉賓。

以推介好書為宗旨的長壽節目《開卷》，周日晚7點半TVB Plus（82台）播映，由林溥來（Patrick Sir）夥拍何泳芍（Honey）、伍韻婷（Juliana）及涂毓麟（Oscar）擔任主持。

《開卷》第100集喇！

「香港四大才子」之一嘅蔡瀾擔任嘉賓。

明晚（26日）播出是《開卷》的第100集，為隆重其事，節目邀來「香港四大才子」之一的蔡瀾擔任重量級嘉賓。對於被封為「香港四大才子」，蔡瀾竟然掩面嗌怕醜，大晒可愛一面！Patrick Sir為觀眾推介蔡瀾著作的散文集《老友寫老友》，內容圍繞蔡瀾與老友倪匡的相處軼事，蔡瀾則為觀眾推介自己的著作《在邵逸夫身邊的那些年》。

Patrick Sir為觀眾推介蔡瀾著作嘅散文集《老友寫老友》。

蔡瀾講笑話老友倪匡係外星人。

蔡瀾仲話倪匡講過寫嘢真定假唔重要，最緊要好睇。

講到老友倪匡，蔡瀾笑言：「佢唔係人嚟㗎，佢係外星人。」他又謂很想念倪匡：「可以傾得埋嘅人，其實呢個世界唔係幾多。」Patrick Sir問到書中所寫的是否都是真事？蔡瀾笑言：「倪匡先生一向都話真定假唔緊要，男女之間都大把嘢寫啦，佢話你睇我個妹（亦舒），食咗咁多年老本！」之後Patrick Sir講到蔡瀾先生的寫作風格簡而精，蔡瀾坦言：「想畀多啲（嘢）人哋睇，你就唔應該寫人哋唔明嘅嘢。」蔡瀾還會在節目中大方分享「家傳寫作秘笈」，萬勿錯過！

對於被封「四大才子」，蔡瀾竟然害羞掩面。

蔡瀾大方傳授「家傳寫作秘笈」。

Juliana被蔡瀾連環拋窒，場面搞笑。

讀書人有樣睇
Juliana問到蔡瀾是否享受寫作？蔡瀾說：「唔享受寫嚟做乜？」唔認輸的Juliana再說：「寫嚟搵錢。」蔡瀾淡淡然一句KO Juliana：「錢我夠多喇。」Juliana慘遭蔡瀾「雙殺」，場面搞笑。蔡瀾又謂喜歡讀書人有一種特別的面孔，他霸氣說：「呢個面孔好犀利，去到邊都可以蝦太俗氣嘅人。」蔡瀾說畢更和一眾主持Chok讀書人樣合照，非常過癮。

蔡瀾話讀書人有樣睇，大家齊齊Chok甫影相。

嚟到第100集，一班主持玩Q&A回答網友提問。

《開卷》來到100集，一眾主持大玩Q&A解答網友提問，其中一條問題：「其實介紹啲書係咪真係有睇」，Patrick Sir回應謂：「其實我哋真係全部自己睇，係冇稿跟㗎！」Juliana則笑言：「所以先做得咁輕鬆，有稿就Bye Bye㗎喇！」想知網友其他精彩留言，記住留意明晚播出的最新一集。